1 Johan 5:19 - Caekäcai Kangthae (Lemi)

¹⁹ Mä-ai lä Säthaw üng caw nade na vi näte hini älawngpre üng khimi angxynlyng na tea Setan ma pyng ngaila mäny ö te vi.

Asang Khongso New Testament

¹⁹ Longnui bum boih hae kasae kami ih ukhaih thungah oh e, aicae loa Sithaw ih ni tito panoek o.

1 Johan 5:19 ပူးပေါင်းရင်းမြစ်များ

Luka 4:6

Tupyng-a Setan angra ma Isu tea “Hini pre na üng phung-ang käleng hai aenae angxynlyng na bung nang tea kai py ai dy. Säthaw ma hini pre na kai tea a tephüng-a, kai lä hini ta kai ma ngai saite lawngtä tea py haw te vi.

Johan 12:31

Vaihi ma älawngpre üng khimi na tea tärae cei he kätü lä tyng te dy. Säthaw ma hini älawngpre tea pyng saite Setan angra bung lä mäthoja vi ai.

Johan 14:30

Älawngpre bung pyng saite Setan angra lä, ly sälö te phüng-a, Kai lä nang ce hai älo awng mang-a aepe haw y ai dy. Äni lä kai tea bäja haw y lyng.

Johan 16:11

Säthaw lä älawngpre bung pyng saite Setan angra tea tärae cei pyng te phüng-a, äni ce lä tärae cei te phüng aedawng te tämang ö vi.

Johan 17:15

Pä-ai lä äni ce bung älawngpre üng nähai hethang tähang-a, Kai mäkai te y lyng. Setan ma äni ce bung lolang tämang hai y hethang aekung hai pa kü.

Pawlae ma Rom märü üng kangkawng tähang tärü saite cae 8:16

Mä-ai lä Säthaw üng caw nade na vi näsaite tea Säthaw üng Muilaw lä mä-ai üng muilaw hai mangtä sasi mätü te vi.

2 Korin 1:12

Kai ce lä hini phüng aethaw ö te vi. Hini älawngpre-a Säthaw ma py saite käcai hai tüng saite na kai ce lä awng näte kai ma ce üng käsi kähawi sa saite bälung ma thui te vi dy. Nang ce hai mangtä awng khaw te thüng-a ämi lawngtä ma la cy haw y hethang kai ce lä sädi khai ö te vi. Tungaila kai ce lä hini tea khimi ce üng bälunghae saite hai-a sa ö te y. Säthaw üng tähang kähawi hai-a sa ö te vi dy.

2 Korin 4:4

Hini älawngpre tea pyng saite Setan lä yng y saite khimi na üng bälung kaedawng na tea ving hai pa te vi. Tukätephüng-a äni ce lä Khrista phüng Angthang Kähawi üng phung-ang aesang saite kaevang tea nung haw ö y. Khrista lä Säthaw hai aetawng khaw te vi.

2 Korin 5:1

Mä-ai ma üng hini ätabung lä tänaetä awng hethang taipung kätyng vi. Hini taipung aene te kätü-a, mä-ai lä khimi üng äkö hai sa y käla Säthaw ma mä-ai tähang sa pa saite Känipre dungtäsa ing-a awng haw vi ai näkha mäny ö te vi.

Galati 1:4

Mä-ai üng Pä-ai Säthaw aely kängai-a mä-ai üng hunghö sa te phüng-a, Isu Khrista lä dü pa te vi dy. Hini hai-a käsi kaedawng saite hai kähawi y sa saite khimi na kätyng awng y hethang äni lä mä-ai bung aeqang te vi.

Ephesi 2:2

Nang ce lä hini älawngpre üng khimi na kätyng hunghö sa ö te vi dy. Khösang-a awng kha haidae awng te angra na bung pyng saite Setan angra tea hui ö vi dy. Hini Setan angra lä Säthaw lo tängai y saite khimi na bung hawi y saite mang-a bähawi jawjaw vi.

2 Timote 1:12

Tukätephüng-a kai lä thawng thung-a mätang bälai saite na aeting jawjaw vi. Tungaila kai lä aejae y lyng. Ätephüng-a mei nädylä kai ma yng saite Khrista bung kai lä mäny te phüng-a vi. Khrista lä äma ly haile te Käni khytä kai tea a saite Angthang Kähawi tea aedung hai haw ai näte kai lä ae-y khü te vi.

Titas 3:3

Mä-ai la jangni-a lä kaerö te hai älo aetängai vai y saite na by vi. Tukha khimi ce lä mä-ai tea lolang tämang hai ö te vi. Mä-ai lä jangni-a ngaiphi tüng y saite cawngkhang na mang-a hui hethang aepä-üng haw ö y. Mä-ai lä kawng saite hai bädö saite amäjy angxynlyng na tea mawsawng na lawng te vi dy. Mä-ai lä kätü qütä käsi sa kha khimi ce tea pä-e ö te vi. Khimi ce lä mä-ai tea esäre kha mä-ai la äni ce tea esäre ö tyng te by vi dy.

Jako 4:4

Nang ce lä täkübäjang sa ö saite kätyng vi. Nang ce lä honi älawngpre üng hawi y saite älang tea bälung aevaw dylä, Säthaw tea esäre te vi dy näte nang ce lä mäny ö y mei. Hini älawngpre üng rawijae aesa hethang ngai saite khimi lä Säthaw üng täre-a lawng te vi dy.

1 Johan 3:14

Mä-ai lä mä-ai ma üng yng saite rawijae na tea bälung aevaw te phüng-a dü saite üng hai hing saite mang-a aekae saite tea mäny ö vi. Mä-ai ma rawijae na tea bälung aevaw y saite khimi na lä kädü üng haidae täkui-a awng te ö kae vi rawng.

1 Johan 3:24

Äni üng Ubädi na tea tängai saite na lä Säthaw hai bungtä awng kha Säthaw la äni ce hai bungtä awng te by vi. Säthaw ma mä-ai tea py saite Muilaw Käcai hai-a Säthaw lä mä-ai hai bungtä awng saite tea mä-ai lä mäny haw ö te vi.

1 Johan 5:10

Säthaw üng Cäpaw tea yng saite khimi lawngtä lä honi angthang tea tätang khaw vi näkha äma üng bälung thung-a mäny te vi. Tungaila Säthaw tea yng y saite khimi lä Säthaw ma kaeling kaemae sa te kae näkha thui te vi. Ätephüng-a mei nädylä Säthaw lä äma üng Cäpaw phüng thui te tea äni lä yng y.

1 Johan 5:13

Säthaw üng Cäpaw tea yng saite nang ce tähang kai lä hini cae na hai tärü te vi dy. Tukätephüng-a nang ce lä dungtäsa kähing dang näte tea mäny khü ö hethang vi.

1 Johan 5:15

Mä-ai mäkai saite angxynlyng na tea Säthaw lä tängai vi näte mäny dylä, mäkai saite angxynlyng na Äni lä mä-ai tea py ai näsaite tea mä-ai lä mäny ö khü vi.

1 Johan 5:18

Säthaw üng caw nade na lä hunghö tea sa jawjaw y te mä-ai lä mäny ö te vi. Säthaw üng Cäpaw lä äni ce bung aedung hai pa te phüng-a Setan lä honi khimi tea käsi sa haw y lyng.

1 Johan 5:20

Säthaw üng Cäpaw lä hini älawngpre-a ly kha mä-ai tea mänykaw saite py te vi dy. Tukätephüng-a Säthaw tätang tea mä-ai lä mäny haw ö te vi. Mä-ai lä äni üng Cäpaw Isu Khrista hai bungtä awng te phüng-a, vaihi mä-ai lä Säthaw tätang hai bungtä awng ö te by vi. Hini lä Säthaw tätang vi. Äni lawngtä xyng ni khimi ce tea dungtäsa kähing py haw te kae.

Lokphong 12:9

Setan angra näsaite Näka käleng lä cangkhawng üng bärui hai äma üng kangby jä-ai na lawng vai saite Känipre angtawtha na bung lä mangtä Säthaw ma älawng qawng-a käde phae pa ö vi dy. Äni lä älawngpre angxynlyng-a awng saite khimi na tea kaeling kaemae sa vi dy.

Lokphong 20:3

Känipre angtawtha ma Setan angra bung lä Angqaw khaw käthu-a kädephae kha saw lawngko hai pi tang ea äsäny sa pa vi dy. Honi hai-a Setan lä pre qütä üng khimi na tea säning sangtä byng y rytä lä kaeling kaemae sa haw pa y vi dy. Honi pyng-a lä, äni bung tänaetä-a bälawi hethang kae.