1 Johan 5:13 - Caekäcai Kangthae (Lemi)

¹³ Säthaw üng Cäpaw tea yng saite nang ce tähang kai lä hini cae na hai tärü te vi dy. Tukätephüng-a nang ce lä dungtäsa kähing dang näte tea mäny khü ö hethang vi.

Asang Khongso New Testament

¹³ Nangcae Sithaw Capa ka taangnawk mah dungzan hinghaih to na tawnh o tito na panoek o hanah hi ca hae kang tarik.

1 Johan 5:13 ပူးပေါင်းရင်းမြစ်များ

Johan 1:12

Tungaila khimi phütä na lä äni bung mäkung kha äni tea yng ö dy. Äni ce bung Säthaw üng caw nade na-a aelawng hai pa dy.

Johan 2:23

Cäqengja te pawi kätü-a Isu lä Jerusalem märü-a awng. Äni ma sa te kamarae na khimipui na la nung te phüng-a, Isu tea yng ö vi dy.

Johan 20:31

Tungaila Isu ma Mesia lä Säthaw üng Cäpaw vi näte nang ce yng haw hethang hai hokä yng ea ni, Isu hai-a hing saite dang hethang tähang-a, hini na tea kai lä tärü te vi dy.

Johan 21:24

Hini phüng na thui saite hai tärü saite kung lä hini äkähui vi. Äni üng thui saite hini lo lä tüngkhaw te kai ce lä mäny ö te vi.

Johan 3:18

“Säthaw üng Cäpaw tea yng saite khimi na tea lä Säthaw ma dengpy te awng y. Äcäpaw tea yng y saite khimi na tea lä vaihi ma Säthaw lä dengpy te vi dy. Ätephüng-a mei nädylä Säthaw üng Cäpaw lawngtä xyng tea yng pa y te phüng-a vi.

Johan 5:24

“Tängai ö, nang ce tea kai ma thui saite lo thai kha kai bung mätaw saite Kung tea yng te khimi ce lä dungtäsa hing te dang vi. Säthaw ma äni tea dengpy y käla ma kädü thung üng hing te mang-a aekae hai pa vi dy.

Angtawtha 3:16

Mä-ai lä Isu tea yng te phüng-a hini khimi lä naw hawi te vi dy. Nang ce lä äni bung nung te hai mäny ö vi. Tukha mä-ai lä Isu tea yng te phüng-a Isu ma lä hini khimi bung nang ce nung te kätyng äma üng ämüng haidae hai-a, naw te hawi hai ping pa te vi dy.

Angtawtha 4:12

Honi Isu ma qaitä ni khimi ce bung aeqang haw te kae. Älawng qawng-a awng saite khimi na tähang Säthaw lä Isu lawngtä xyng bung mätaw te vi” näkha Peterae ma thui pa.

2 Korin 5:1

Mä-ai ma üng hini ätabung lä tänaetä awng hethang taipung kätyng vi. Hini taipung aene te kätü-a, mä-ai lä khimi üng äkö hai sa y käla Säthaw ma mä-ai tähang sa pa saite Känipre dungtäsa ing-a awng haw vi ai näkha mäny ö te vi.

Galati 4:6

Nang ce lä Säthaw üng caw nade na lawng ö te phüng-a, äni lä mä-ai üng bälung thung-a äma Cäpaw üng Muilaw Käcai bung mätaw vi dy. Muilaw Käcai phüng-a, mä-ai lä, “Üngai, Ä-ai” näkha ka hethang dang vi.

1 Piter 5:12

Kai lä yng khü saite Khristen kangby jä-ai kätyng mäthi saite Saila ma säbawng te hai-a, hini cae kädawi nang ce tea tärü te vi dy. Kai lä nang ce tea aethaw py hethang tärü te vi. Hini lä Säthaw üng tähang kähawi tätang vi näkha kai lä thui he ngai te vi. Nang ce lä hini tähang kähawi tea yng khü ö ba.

1 Johan 1:4

Mä-ai üng anghawtho bärai saite bälung kawi hai haw hethang hini tea kai ce lä nang ce tea tärü ö te vi.

1 Johan 2:1

Kai üng caw nade na ä, hunghö sa y hethang hini cae thung-a nang ce tea kai lä tärü te vi. Tungaila khimi lawngtä hunghö sa dylä, Pä-ai maw-a mä-ai üng jüng-a mäkai pa hethang lawngtä awng vi. Äni lä cüng saite Isu Khrista vi.

1 Johan 2:21

Kai ma nang ce tea cae tärü te lä, lo mitang tea nang ce mäny ö y te phüng-a y vi. Tungaila nang ce lä honi tea mäny ö te phüng-a, kai lä cae tärü te vi dy. Kaeling kaemae lä lo mitang te üng tho y näte nang ce lä mäny ö te phüng-a vi.

1 Johan 2:25

Honi lä Khrista ma mä-ai tea py hethang älo aedo saite vi dy. Äni lä “Kai lä nang ce tea dungtäsa hing saite py ai” näkha älo aedo te vi.

1 Johan 2:26

Nang ce tea lang tämang hai hethang the saite khimi na üng phüng na kai lä tärü te vi.

1 Johan 3:23

Hini Säthaw üng Ubädi-a äma üng Cäpaw Isu Khrista vi näte yng kha lawng lawngtä tea mä-ai lä bälung aevaw hethang kae.

1 Johan 4:9

Säthaw lä äma tea lawngtä xyng awng saite Äcäpaw bung hini älawngpre-a mätaw te lä mä-ai tea äni ma matangtä bälung aevaw mei näsaite tea mätü te vi dy. Honi Äcäpaw hai-a mä-ai lä dungtäsa cungrü saite kähing dang ö te vi dy.

1 Johan 5:10

Säthaw üng Cäpaw tea yng saite khimi lawngtä lä honi angthang tea tätang khaw vi näkha äma üng bälung thung-a mäny te vi. Tungaila Säthaw tea yng y saite khimi lä Säthaw ma kaeling kaemae sa te kae näkha thui te vi. Ätephüng-a mei nädylä Säthaw lä äma üng Cäpaw phüng thui te tea äni lä yng y.

1 Johan 5:11

Hini lä Säthaw ma thui khe saite angthang vi. Säthaw lä mä-ai tea dungtäsa hing saite py vi dy. Honi hing saite lä Äcäpaw hai-a dang haw te kae.

1 Johan 5:20

Säthaw üng Cäpaw lä hini älawngpre-a ly kha mä-ai tea mänykaw saite py te vi dy. Tukätephüng-a Säthaw tätang tea mä-ai lä mäny haw ö te vi. Mä-ai lä äni üng Cäpaw Isu Khrista hai bungtä awng te phüng-a, vaihi mä-ai lä Säthaw tätang hai bungtä awng ö te by vi. Hini lä Säthaw tätang vi. Äni lawngtä xyng ni khimi ce tea dungtäsa kähing py haw te kae.