1 Johan 5:10 - Caekäcai Kangthae (Lemi)

¹⁰ Säthaw üng Cäpaw tea yng saite khimi lawngtä lä honi angthang tea tätang khaw vi näkha äma üng bälung thung-a mäny te vi. Tungaila Säthaw tea yng y saite khimi lä Säthaw ma kaeling kaemae sa te kae näkha thui te vi. Ätephüng-a mei nädylä Säthaw lä äma üng Cäpaw phüng thui te tea äni lä yng y.

Asang Khongso New Testament

¹⁰ Topongah a Capa ka taang boih loa palung thungah ahi saksi hae a tawnh o. To-e Sithaw ka taang ai mah loa Sithaw mah a Capa kawng a thui ih to taang o ai pongah Sithaw to lok amsawn ka thuikung ah coengsak o, kawmawtiah Sithaw mah a Capa kawng a thuih ih to taang o ai pongah ni.

1 Johan 5:10 ပူးပေါင်းရင်းမြစ်များ

Johan 3:16

Säthaw lä älawng khimi ce tea bälung aevaw te phüng-a Äcäpaw lawngtä xyng bung py vi. Äcäpaw tea yng saite khimi angxynlyng na lä muilaw dü y käla dungtäsa hing te dang vi.

Johan 3:18

“Säthaw üng Cäpaw tea yng saite khimi na tea lä Säthaw ma dengpy te awng y. Äcäpaw tea yng y saite khimi na tea lä vaihi ma Säthaw lä dengpy te vi dy. Ätephüng-a mei nädylä Säthaw üng Cäpaw lawngtä xyng tea yng pa y te phüng-a vi.

Johan 3:33

Tungaila äni üng angthang yng saite khimi na ma lä ‘Säthaw lä mitang khü vi’ näkha thui te vi.

Angtawtha 8:37

Philip ma “Nang ma Areng Isu tea bälung mitang hai yng khü dylä, kai ma baptismae nang tea py ai mang” näpa. Mätawngky ma “Areng Isu lä Säthaw üng Cäpaw näte kai lä yng vi” näkha mäthang pa dy.

Pawlae ma Rom märü üng kangkawng tähang tärü saite cae 8:16

Mä-ai lä Säthaw üng caw nade na vi näsaite tea Säthaw üng Muilaw lä mä-ai üng muilaw hai mangtä sasi mätü te vi.

Galati 4:1

Kai thui hethang ngai saite lä, äpä-ai üng ingthawng aety hethang dang saite cäpaw lä, nade thüng-a äma lä mawsawng lawngtä kätyng by vi. Tungaila äma ryng te kätü-a lä, äpä-ai üng ingthawng angxynlyng na äni lä dang king vi ai.

Galati 4:6

Nang ce lä Säthaw üng caw nade na lawng ö te phüng-a, äni lä mä-ai üng bälung thung-a äma Cäpaw üng Muilaw Käcai bung mätaw vi dy. Muilaw Käcai phüng-a, mä-ai lä, “Üngai, Ä-ai” näkha ka hethang dang vi.

Kolosa 3:3

Äte makäte phüng-a mei nädylä nang ce lä dü ö pyng te vi dy. Vaihi nang ce üng hing saite lä Säthaw tea Khrista hai mangtä ho ea khai te vi.

Hebrai 3:12

Yng saite kangby jä-ai na ä, nang ce thung üng ämi la hawi y saite bälung hai yng y saite khimi awng y hethang sädi khai ö. Honi khimi lä Säthaw kanghing tea hui y käla äni bung khaisö vi ai.

2 Piter 1:19

Tukha kai ce lä buisaw na ma thui pyng saite lo tea ae-y ö rae te vi. Nang ce lä buisaw na üng lo na tea tängai hethang aeteng khaw ö te vi. Ätephüng-a mei nädylä, buisaw na ma thui saite lo na lä käving thung-a maibung kätyng aevang te phüng-a vi. Honi kaevang lä khö aevang kha Khrista lä kädang Tengpaw kaevang kätyng nang ce üng bälung thung-a säde te khytä aevang vi ai.

1 Johan 1:10

Mä-ai lä hunghö sa y näkha thui dylä, Säthaw lä kaeling kaemae sa saite Kung vi näkha mä-ai lä thui ö te vi dy. Säthaw üng lo mitang lä mä-ai üng bälung thung-a awng y lyng.

1 Johan 5:1

Isu lä Mesia näkha yng saite khimi qütä na lä Säthaw üng caw nade na vi. Äpä-ai bung bälung aevaw saite khimi qütä lä äcaw na tea la bälung aevaw ö bawi te by vi.

Lokphong 12:17

Tudylä Näka käleng lä nawngmädi tea kädawtho pa vi dy. Äni lä nawngmädi üng kaesui kaebeng kälang na tea aety hethang tho pa vi dy. Tukha Säthaw üng Ubädi na tea tängai kha Isu ma mätü saite lo mitang tea cakhi-a yng khü saite na tea la Näka ma täre aety vi dy.

Lokphong 2:17

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi tea lä Känipre-a ho saite Mana täkaw phütä tea kai ma py ai. Äni tea ämüng kangthae tärü saite älung kanglung phei la py ai. Honi ämüng tea lä dang saite khimi qaitä ni mäny hethang kae.

Lokphong 2:28

Kädang Tengpaw bung la äni ce tea kai ma py by ai.