1 Johan 5:1 - Caekäcai Kangthae (Lemi)

¹ Isu lä Mesia näkha yng saite khimi qütä na lä Säthaw üng caw nade na vi. Äpä-ai bung bälung aevaw saite khimi qütä lä äcaw na tea la bälung aevaw ö bawi te by vi.

Asang Khongso New Testament

¹ Ami doeh Jesuh loa Messiah ni tiah ka taang loa Sithaw ih ca ni; ami doeh ampa ka palung loa a ca to doeh a palung.

1 Johan 5:1 ပူးပေါင်းရင်းမြစ်များ

Mathai 16:16

Simon Peterae ma “Nang lä Hing saite Säthaw üng Cäpaw Mesia vi” näkha mäthang pa dy.

Johan 1:3

Pä-ai lä älo hai-a äte angxynlyng na bung sa. Pä-ai lä äni hai y käla äte haetä lä sa te awng y.

Johan 15:23

Kai tea esäre saite khimi lä Kai üng Pä-ai tea la esäre te by kae dy.

Johan 3:3

Isu ma “Tängai ba, äbaeni aepeng haile y saite khimi lä Säthaw ma Sanphrang sa saite nung haw y lyng” näpa.

Johan 6:69

Nang lä Säthaw üng Caiping saite lawngtä näte kai ce mäny kha yng ö te dy be” näkha näpa.

Johan 8:42

Isu ma “Säthaw lä nang ce üng Pä-ai vi dylä nang ce lä Kai tea bälung aevaw ö vi ai. Kai lä Säthaw te mang üng ly kha vaihi hi-a awng te kae be. Kai ma üng aely ngai te kätyng-a ly te y lyng. Säthaw ma Kai bung mätaw te kae vi.

Angtawtha 8:36

Änini lä khölawng tho te kätü-a, tui awng saite mityng-a, tyng hawi dy. Honi kätü-a mätawngky ma “Hini mityng-a lä, tui awng dy. Kai lä baptismae la hethang dang y mei” näkha düng pa.

Angtawtha 8:37

Philip ma “Nang ma Areng Isu tea bälung mitang hai yng khü dylä, kai ma baptismae nang tea py ai mang” näpa. Mätawngky ma “Areng Isu lä Säthaw üng Cäpaw näte kai lä yng vi” näkha mäthang pa dy.

Jako 1:18

Äni lä äma üng mawlang kaedawng kätyng lo mitang hai-a mä-ai tea hing saite kangthae py te vi dy. Ätephüng-a mei nädylä, äni lä mä-ai bung äma sa saite na thung-a, angcüky mityng-a py hethang ngai te vi.

1 Piter 1:3

Mä-ai üng Areng Isu Khrista üng Pä-ai Säthaw tea kawng te lo thui ö si. Äni lä mä-ai tea tengxyng y bäheng te phüng-a, Isu Khrista bung kädü thung üng mäning haile te hai-a mä-ai tea aepeng saite kangthae py vi dy. Tukätephüng-a mä-ai lä aethang khai saite kanghing awng ö te vi.

1 Johan 2:10

Khimi lawngtä lä äma üng yng saite rawijae tea bälung aevaw dylä, kaevang-a hing te vi dy. Tukätephüng-a äni üng hing saite thung-a lä hunghö sa hai hethang awng te y lyng.

1 Johan 2:29

Khrista lä cüng vi näsaite tea nang ce lä mäny ö vi. Tukätephüng-a kätüng-a sa saite khimi angxynlyng na lä äni üng caw nade na näte nang ce lä mäny ö haw te vi.

1 Johan 3:14

Mä-ai lä mä-ai ma üng yng saite rawijae na tea bälung aevaw te phüng-a dü saite üng hai hing saite mang-a aekae saite tea mäny ö vi. Mä-ai ma rawijae na tea bälung aevaw y saite khimi na lä kädü üng haidae täkui-a awng te ö kae vi rawng.

1 Johan 3:17

Khimi lawngtä lä mä-ai ma tawngnang kha rawijae na mätang te tea säbawng hethang ngai y te vi rawng dylä, Säthaw tea bälung aevaw näkha thui haw ö te y lyng.

1 Johan 3:9

Säthaw üng caw nade na lawng saite lä hunghö na tea sa jawjaw ö y lyng. Säthaw üng hing saite lä äni ce äthung-a awng te phüng-a vi. Säthaw lä äni ce üng Äpä-ai vi te phüng-a hunghö na sa haw jawjaw y dy lyng.

1 Johan 4:2

Khimi lawngtä ma Säthaw üng Muilaw hai thui saite tea lä hini kätyng mäny haw te vi. Isu Khrista lä hini älawngpre üng khimi-a aelawng vi dy näkha thui saite khimi lä Säthaw üng Muilaw hai thui te vi.

1 Johan 4:20

Khimi lawngtä ma, “Kai lä Säthaw tea bälung aevaw vi” näkha thui kha äma üng yng saite rawijae na tea esäre te vi rawng nädylä äni lä kaeling kaemae sa te lawngtä kae vi. Nung haw saite äma üng rawijae na tea bälung aevaw y saite khimi lä, nung haw y saite Säthaw tea la bälung aevaw haw y lyng.

1 Johan 4:7

Kai üng bälung aevaw saite yng saite rawijae na ä, bälung aevaw saite lä Säthaw te üng tho te phüng-a, mä-ai lä lawng lawngtä tea bälung aevaw tingtawi ö si ba. Khimi lawngtä lä äma üng yng saite rawijae na tea bälung aevaw vi dylä Säthaw üng caw nade-a lawng kha äni lä Säthaw bung mäny vi.

1 Johan 5:18

Säthaw üng caw nade na lä hunghö tea sa jawjaw y te mä-ai lä mäny ö te vi. Säthaw üng Cäpaw lä äni ce bung aedung hai pa te phüng-a Setan lä honi khimi tea käsi sa haw y lyng.

1 Johan 5:4

Ätephüng-a mei nädylä Säthaw üng caw nade na qütä lä hini älawngpre üng hawi y saite na tea bäja haw ö te phüng-a vi. Mä-ai lä Isu Khrista tea yng te phüng-a, hini älawngpre üng hawi y saite na tea bäja haw ö te vi dy.

1 Johan 5:5

Älawngpre üng hawi y saite na tea bäja saite lä ämi mei. Isu lä Säthaw üng Cäpaw vi näkha yng saite khimi xyngtä ni hini älawngpre üng hawi y saite na tea bäja haw te kae.