1 Johan 4:7 - Caekäcai Kangthae (Lemi)

⁷ Kai üng bälung aevaw saite yng saite rawijae na ä, bälung aevaw saite lä Säthaw te üng tho te phüng-a, mä-ai lä lawng lawngtä tea bälung aevaw tingtawi ö si ba. Khimi lawngtä lä äma üng yng saite rawijae na tea bälung aevaw vi dylä Säthaw üng caw nade-a lawng kha äni lä Säthaw bung mäny vi.

Asang Khongso New Testament

⁷ Ka palung ih ampuinawk, amlunghaih loa Sithaw khae hoi-ih kangzo ah oh pongah longto hoi longto amlung o si. Ami doeh longto hoi longto kamlung loa Sithaw ih a ca ah oh moa Sithaw to a panoek.

1 Johan 4:7 ပူးပေါင်းရင်းမြစ်များ

Johan 13:34

Kai lä nang ce tea särilo kangthae py dy. Nang ma ce tingtawi bälung aevaw ö. Kai lä nang ce tea bälung aevaw te kätyng nang ma ce tingtawi lawng lawngtä tea bälung aevaw hethang kae.

Johan 17:3

Dungtäsa hing saite näte lä Säthaw tätang lawngtä xyng tea mäny te hai, Nang, Säthaw, ma mätaw saite Kai, Isu Khrista, bung mäny te tea näte vi.

1 Korin 8:3

Tungaila khimi lawngtä ma Säthaw tea bälung aevaw dylä, Säthaw lä honi khimi bung mäny te vi.

2 Korin 4:6

Säthaw ma, “Käving thung-a kaevang awng sy” näkha thui vi dy. Hini Säthaw lä mä-ai üng bälung na thung-a la äni üng kaevang aevang hai te vi dy. Tukätephüng-a Isu Khrista üng mimai-a mä-ai lä Säthaw üng phung-ang tea nung kha mäny haw ö te vi.

Galati 4:9

Vaihi nang ce lä Säthaw bung mäny ö vi. Säthaw ma nang ce bung mäny vi dy näte kai lä thui hethang kae te vi. Tudylä Nang ce lä aethawdi saite, ävang ting y saite, säbawng haw y saite reitae na mang-a la makäte phüng-a aekö hethang ngai ö te mei. Makäte phüng-a, honi na üng mawsawng-a nang ce lä aelawng haile be tyng hethang ngai ö te mei.

Galati 5:22

Muilaw Käcai ma mä-ai tea pyng dylä, äni ma mä-ai tea sa hai saite na lä: bälung aevaw saite, anghawtho saite, awngneng saite, änawngsa saite, bäsai y saite, kähawi sa saite, ae-y nae hawi saite, älo käneng aepe saite, mä-ai ma tea aeküng haw saite na vi. Honi na tea lä Mosi üng Ubädi la elekhei sa y lyng.

2 Timote 1:7

Säthaw lä mä-ai tea ri saite bälung py te y vi. Honi jüng-a haidae awng te bälung, bälung aevaw saite hai mä-ai ma tea aeküng saite bälung py te vi.

1 Piter 1:22

Nang ce üng lo mitang tängai saite hai-a, nang ce lä käcai na-a lawng ö te vi dy. Tukha nang ce lä nang ma ce üng yng saite äpy kälang na tea bälung aevaw khaw ö te vi. Lawng lawngtä tea bälung mäke hai bälung aevaw ö lawi.

1 Johan 2:10

Khimi lawngtä lä äma üng yng saite rawijae tea bälung aevaw dylä, kaevang-a hing te vi dy. Tukätephüng-a äni üng hing saite thung-a lä hunghö sa hai hethang awng te y lyng.

1 Johan 2:29

Khrista lä cüng vi näsaite tea nang ce lä mäny ö vi. Tukätephüng-a kätüng-a sa saite khimi angxynlyng na lä äni üng caw nade na näte nang ce lä mäny ö haw te vi.

1 Johan 2:3

Mä-ai ma Säthaw üng Ubädi na tängai dylä, mä-ai lä äni bung mäny vi näsaite tea ae-y khü ö te vi.

1 Johan 2:4

Khimi lawngtä lä äni üng Ubädi tea tängai y käla ma kai lä “Säthaw tea mäny vi” nädylä kaeling kaemae thui te kae. Älo mitang lä äni tea awng y lyng.

1 Johan 2:7

Kai üng bälung aevaw saite rawijae na ä, kai lä nang ce tea Ubädi kangthae tea tärü te y lyng. Hini lä angcü üng hai awng pyng saite Ubädi kangrüng kae. Honi Ubädi lä nang ce ma thai pyng saite na kae.

1 Johan 3:9

Säthaw üng caw nade na lawng saite lä hunghö na tea sa jawjaw ö y lyng. Säthaw üng hing saite lä äni ce äthung-a awng te phüng-a vi. Säthaw lä äni ce üng Äpä-ai vi te phüng-a hunghö na sa haw jawjaw y dy lyng.

1 Johan 4:11

Kai üng bälung aevaw saite rawijae na ä, Säthaw lä mä-ai tea honi kätyng bälung aevaw dylä mä-ai la lawng lawngtä tea bälung aevaw ö hethang kae.

1 Johan 4:12

Säthaw bung ämi la nung vai te y. Tungaila mä-ai lä lawng lawngtä tea bälung aevaw ö vi nädylä, Säthaw lä mä-ai hai bungtä awng te vi dy. Äni üng bälung aevaw saite lä mä-ai üng äthung-a cungrü hai ö te vi.

1 Johan 4:16

Tukha Säthaw ma mä-ai bung bälung aevaw saite tea mä-ai lä mäny khe kha yng ö te vi. Säthaw lä bälung aevaw saite Kung vi. Khimi lawngtä ma Säthaw hai khimi kälang na tea bälung aevaw jawjaw dylä Säthaw hai bungtä äni lä awng te vi. Säthaw la äni hai bungtä awng te by vi.

1 Johan 4:20

Khimi lawngtä ma, “Kai lä Säthaw tea bälung aevaw vi” näkha thui kha äma üng yng saite rawijae na tea esäre te vi rawng nädylä äni lä kaeling kaemae sa te lawngtä kae vi. Nung haw saite äma üng rawijae na tea bälung aevaw y saite khimi lä, nung haw y saite Säthaw tea la bälung aevaw haw y lyng.

1 Johan 4:8

Äpy na tea bälung aevaw y saite lä Säthaw tea mäny y. Ätephüng-a mei nädylä Säthaw lä bälung aevaw saite Kung lawng te phüng-a vi.

1 Johan 5:1

Isu lä Mesia näkha yng saite khimi qütä na lä Säthaw üng caw nade na vi. Äpä-ai bung bälung aevaw saite khimi qütä lä äcaw na tea la bälung aevaw ö bawi te by vi.

2 Johan 1:5

Tukätephüng-a bälung aevaw saite nawngmädi ä, mä-ai lä lawng lawngtä tea bälung aevaw hethang kai lä nang tea mäci te vi. Kai lä nang ce tea Ubädi kangthae tärü te y lyng. Hini lä angcü üng hai ma mä-ai tea awng pyng saite Ubädi kae.