1 Johan 4:17 - Caekäcai Kangthae (Lemi)

¹⁷ Äni üng bälung aevaw saite lä mä-ai thung-a cungrü hai ö te vi dy. Tukätephüng-a hini älawngpre-a awng saite khimi angxynlyng na tea Säthaw ma tärae cei hethang Käni-a mä-ai lä äni tea ri hethang awng y vi dy. Isu Khrista lä hini älawngpre-a hing te kätyng mä-ai la hing ö te by vi.

Asang Khongso New Testament

¹⁷ Lokcaekhaih Ni ah aicae mah misahoihhaih tawnh thai hanah amlunghaih ih to aicae thungah acungsak boah; ato to aicae mah tawn o tih, kawmawtiah hae longnui ah aicae hinghaih loa Khrih hinghaih hoiah anghmong pongah ni.

1 Johan 4:17 ပူးပေါင်းရင်းမြစ်များ

Mathai 10:15

Tängai ö, Säthaw ma khimi angxynlyng na tea tärae cei te kätü-a, Sodom hai Komorae märü na-a awng saite khimi na qawng-a cang y honi märü üng khimi na tea lä dengpy vi ai.

Mathai 10:25

Aetu saite lawngtä lä äma üng särae kätyng aelawng hethang hai mawsawng lawngtä la äma üng areng kätyng aelawng hethang anghawtho vi ai. Äni ce ma kai tea Belzebul angra näkha ka vi dylä, nang ce tea hini qawng-a cang y siky saite ämüng ka ö vi ai.

Mathai 11:22

Tängai ö, Säthaw ma khimi ce tärae cei te kätü-a Taira hai Sidon märü üng khimi na qawng-a cang y nang ce tea lä dengpy ö vi ai rawng.

Mathai 11:24

Tungaila hini lo lä tängai ö, Säthaw ma khimi ce tea tärae cei te käni-a, nang ce lä Sodom märü üng khimi na qawng-a cang y nang ce tea lä dengpy vi ai” näkha näpa.

Mathai 12:36

“Säthaw ma khimi ce tärae cei te kätü-a lä, nang ce lä ävang ting y aepe saite älo angxynlyng na phüng täphawng he kae.

Johan 15:20

Nang ce tea kai thui vai saite na aedawng hai ö. ‘Mawsawng lä areng qawng-a lengky y’ näkha näpa. Älawng üng khimi na ma kai tea sakälö khü dylä, nang ce tea la sakälö khü ö vi ai. Äni ce ma kai üng mätu saite lo tängai dylä, nang ce üng mätu saite lo la tängai ö vi ai.

Johan 17:22

Nang ma Kai tea py saite phung-ang, Kai lä äni ce tähang py pa dy. Mä-ai ni lä bungtä awng te kätyng, äma ce tingtawi bungtä awng hethang Kai lä hini kä sa te vi.

Pawlae ma Rom märü üng kangkawng tähang tärü saite cae 8:29

Säthaw lä äma re rüng saite khimi ce tea äma üng Cäpaw kätyng lawng tätang hai hethang la aedawng rüng khaw te vi. Tukätephüng-a Äcäpaw lä yng saite kangby jä-ai awng mang te na thung-a Cäpaw äcälöky-a lawng hai te vi.

Hebrai 9:27

Khimi qütä lä qengtä dü hethang kae kha honi pyng-a Säthaw ma äni ce tea tärae cei vi ai.

Jako 2:13

Khimi lawngtä lä äma üng kangby jä-ai na tea bäheng y dylä, Säthaw ma tärae cei te kätü-a, äni tea la bäheng y by ai. Bäheng saite lä tärae cei saite qawng-a haidae awngky te vi.

Jako 2:22

Abraham lä Säthaw tea tengxyng y yng vi näte äni üng kälu hai mätü te vi näte tea nang ce lä nung haw ö te y mei. Äni üng yng saite lä äni üng sa saite hai-a cungrü hai te vi.

2 Piter 2:9

Säthaw lä äma üng lo tängai saite na üng bälung mätang bälai te thung üng aeqang hethang mäny jawjaw te vi. Äni lä älo tängai y saite khimi na bung kangkhüng üng tärae cei saite käni tyng te khytä dengpy jawjaw pa vi ai.

2 Piter 3:7

Hini kätyng-a Säthaw lä vaihi awng saite älawng hai käni tea lä äma üng särilo hai-a mai hai täphra hethang khai pa te vi. Äni ce bung lä Säthaw ma äma tea yng y saite na bung tärae cei kha täphra hethang kätü khytä khai pa te vi.

1 Johan 2:28

Kai üng bälung aevaw saite caw nade na ä, Khrista hai bungtä awng jawjaw ö ba. Hokä dylä Khrista ly haile tyng te käni-a, mä-ai lä äni üng maw-a ri hethang hai saerae hethang la ngai y dy lyng.

1 Johan 2:5

Tungaila mä-ai lä äni üng Ubädi tea tängai dylä, mä-ai lä Säthaw tea bälung aevaw te kawi ö vi dy. Mä-ai lä Säthaw hai bungtä awng saite tea hini kätyng mäny haw khü ö te vi.

1 Johan 2:6

Mä-ai lä Säthaw hai bungtä awng dylä Isu Khrista kätyng awng hethang kae.

1 Johan 3:1

Mä-ai üng Pä-ai Säthaw lä matangtä mä-ai tea bälung aevaw mei näte aedawng ö lawi. Säthaw lä mä-ai bung äma üng caw nade na näkha mäthi te vi. Mä-ai lä äni üng caw nade na tätang khaw ö vi dy. Hini älawngpre hai aesui saite khimi na ma mä-ai bung mäny y te lä Säthaw tea mäny ö y te phüng-a vi.

1 Johan 3:3

Khrista tea aethang khai rüng saite khimi angxynlyng na lä Khrista lä caiping te kätyng mä-ai ma tea mä-ai ma aemäcai hethang kae.

1 Johan 3:7

Kai üng caw nade na ä, nang ce tea ämi ma la the haw y hang sy. Käcüng tea sa saite khimi na ni Säthaw maw-a khimi käcüng kätyng aelawng ö te vi. Hini khimi na lä Säthaw maw-a Khrista kätyng cüng saite na vi dy.

1 Johan 4:12

Säthaw bung ämi la nung vai te y. Tungaila mä-ai lä lawng lawngtä tea bälung aevaw ö vi nädylä, Säthaw lä mä-ai hai bungtä awng te vi dy. Äni üng bälung aevaw saite lä mä-ai üng äthung-a cungrü hai ö te vi.