1 Johan 4:1 - Caekäcai Kangthae (Lemi)

¹ Kai üng bälung aevaw saite rawijae na ä, Säthaw üng Muilaw lä kai tea awng näsaite khimi qütä üng älo na tea lä yng ö hang. Khimi lawngtä lä Säthaw üng Muilaw hai thui mei, thui y mei näte tea mäny hethang nang ce lä kähawi-a aedawng khü kha säny hethang kae ö te vi. Buisaw kaeling awng mang saite na lä älawngpre mityng qütä-a tyng kha awng ö te phüng-a vi dy.

Asang Khongso New Testament

¹ Ka palung ih ampuinawk, Pakhra ka tawnh tiah ka thui kami boih to taang o hmah, to-e anihcae mah pakhra tawnh ih to Sithaw khae hoi-ih kangzo maw tito tanoek tacak o hmaloe ah. Kawmawtiah tahma kaling paroeai to longnui takiket kruekah a caeh o boah.

1 Johan 4:1 ပူးပေါင်းရင်းမြစ်များ

Marka 13:21

“Honi kätü-a khimi lawng lawngtä ma ‘Kheng e. Hi-a Mesia lä awng dy’ y käla ‘Kheng e. Ho-a Mesia awng dy’ näkha thui dylä yng ö hang ba.

Luka 12:57

“Säthaw maw-a tüng saite mäny kha nang ce lä kätüng sa hethang kae.

Luka 21:8

Tukha Isu ma äni ce tea “Nang ce tea khimi ce ma kaeling kaemae sa y hethang kähawi-a kheng ö rüng. Ätephüng-a mei nädylä khimi ce ma ‘Kai lä Mesia dy’ näkha thui ö vi ai. Y dylä ‘Mesia tyng hethang kätü lä aenai dy’ näkha äni ce thui ö be ai rawng. Tungaila äni ce tea nang ce lä yng ö hang.

Angtawtha 17:11

Beri märü üng khimi na lä, Thesalonika märü üng khimi na qawng-a, bälunghaeky ö vi. Tukha Beri märü üng khimi na lä Pawlae thui saite Angthang Kähawi tea kähawi-a tängai ö te vi. Äni ce lä Pawlae thui saite lo kätyng tüng mei, tüng y mei näte mäny haw hethang Caekäcai tea käni qütä phai ö vi.

Angtawtha 20:29

Kai ly ja te kätü-a, kätüng y mätu saite khimi phütä na lä, nang ce thung-a kung vi ai. Äni ce lä käsui hai aetawng kha bäheng y te hai kangkawng tea täphra hethang aethawsa vi ai näte kai lä mäny vi.

1 Korin 12:10

Muilaw Käcai ma khimi lawngtä tea cangxei saite na sa hethang haidae py vi dy. Kälang lawngtä tea lä buisaw lo thuikaw saite py vi. Kälang tea lä äni ma Muilaw Käcai üng haidae hai-a khimi lawngtä ma kälu sa te, y dylä Setan üng haidae hai-a kälu sa te tea mäny haw hethang sakaw saite py vi dy. Khimi lawngtä tea lä äni ma mäny haw y saite lo cawngkhang aepe hethang thuikaw saite py, äkälang lawngtä tea lä äni ma khimi ce thaikaw haw hethang mäny haw y saite lo cawngkhang aepe tea thui mäcai haile kaw saite py vi dy.

1 Korin 14:29

Buisaw lo na tea khimi lawng netä y dylä, lawng thungtä thui ö sy. Khimi kälang na ma hini buisaw lo na hai thui saite lä Muilaw Käcai hai thui mei, thui y mei, näte dawng ö khü sy.

1 Thesalon 5:20

Buisaw na üng lo na tea lä mäthi y käla awng ö hang ba.

1 Thesalon 5:21

Hini jüng-a äte angxynlyng phüng na tea lä käny kha hawi saite na tea lä süng ö khü ba.

2 Thesalon 2:2

Khimi phütä na lä Areng üng Käni lä tyng rüng vi dy näkha thui ö vi. Khimi ce lä buisaw na üng lo, y käla, kai ce ma thui te lo na, y käla, cae tärü te phüng na thui ö vi ai. Hikä thui te thai dylä, nang ce lä jahaw-a bälung mawng kha aethüng y hethang nang ce tea aesi aebai kha kai ce lä thui hethang ngai ö te vi.

1 Timote 4:1

Muilaw Käcai ma aenysy-a thui saite lä kangkhüng üng käni-a, khimi phütä na lä kätüng khaw yng saite tea khaisö ö ai. Äni ce lä kaeling sa saite angra na üng lo tängai ea, angra na üng mätu saite na te mang-a hui ö vi ai.

2 Timote 3:13

Käsi sa te hai kaeling sa te khimi na lä sa tämang ö rae ai mang. Äni ce lä khimi ce tea kaeling sa te kätyng khimi kälang na ma la äni ce tea kaeling sa ö by ai.

2 Piter 2:1

Jangni-a buisaw käjüng aesa kha thui saite na lä Säthaw üng khimi na thung-a awng ö by vi. Honi kätyng nang ce thung-a käjüng sa kha mätu saite särae na awng ö vi ai. Äni ce lä khimi ce üng yng saite na tea täphra hethang kangru-a sa tämang saite na mätu ö vi ai. Hini särae na lä äma ce bung hunghö üng aelawi hai saite Areng tea mäteng ma aephae ö vi ai. Äni ce tea la Säthaw ma täphra phraw pa ö vi ai

1 Johan 2:18

Kai üng bälung aevaw saite caw nade na ä, kangkhüng üng kätü lä tyng vi ai dy. Khrista üng täre kälengky lä tyng ai näte tea nang ce lä thai ö pyng te vi dy. Vaihi la Khrista üng täre na lä awng mang-a tho rüng pyng te vi dy. Tukätephüng-a kangkhüngky üng kätü lä aenai vi näsaite tea mä-ai lä mäny ö te vi.

1 Johan 2:7

Kai üng bälung aevaw saite rawijae na ä, kai lä nang ce tea Ubädi kangthae tea tärü te y lyng. Hini lä angcü üng hai awng pyng saite Ubädi kangrüng kae. Honi Ubädi lä nang ce ma thai pyng saite na kae.

2 Johan 1:7

Kaeling kaemae sa te awng mang saite na lä hini älawngpre mityng qütä-a tyng ö vi dy. Isu Khrista lä khimi-a aelawng kha hini älawngpre-a tyng saite tea äni ce lä aephae ö te vi. Honi kätyng thui saite khimi lä kaeling kaemae thui kha Khrista üng täre Kälengky-a aelawng te vi.

3 Johan 1:11

Kai üng bälung aevaw saite äpy ä, hawi y sa saite khimi na üng kätyng täthei-a lä aetu hang. Tungaila kähawi sa saite khimi kätyng täthei-a lä aetu ba. Kähawi sa saite lawngtä lä Säthaw üng caw nade vi. Kähawi y sa saite lawngtä lä Säthaw bung mäny te y.

Lokphong 2:2

Nang ce sa saite na tea kai lä mäny vi. Nang ce aethaw rae kha sa saite hai, änawngsa te na tea kai lä mäny. Hunghö sa saite khimi na tea bälungsa haw y te hai, angtawtha na y käla ma angtawtha na kätyng thui saite na tea käny kha äni ce lä khimi kaeling kaemae na vi näkha aeting saite na kai lä mäny vi.