1 Johan 3:8 - Caekäcai Kangthae (Lemi)

⁸ Hunghö na sa jawjaw saite na lä Setan angra hai aesui saite na vi. Ätephüng-a mei nädylä Setan angra lä angcü üng hai ma hunghö na sa te phüng-a vi. Tukätephüng-a Säthaw üng Cäpaw lä Setan angra üng kälu na tea täphra hethang ly te vi dy.

Asang Khongso New Testament

⁸ Ami doeh zaehaih ka sah toemoe loa Diabol ih kami ni, kawmawtiah Diabol loa atangsuek nahoiah mah zaehaih a sak roe boah. Ahi kawng pongah hae Taqawk mah sak ih boih to phraek hanah ni Sithaw Capa loa angzoh.

1 Johan 3:8 ပူးပေါင်းရင်းမြစ်များ

Mathai 12:28

“Kai lä Säthaw üng Muilaw ma kai tea py te haidae hai angra na bung mätho haw te vi dy. Tukha hini na ma Säthaw lä äma üng pre tea vaihi ma pyng rüng te mätü te vi dy.

Mathai 13:38

Lai lä älawngpre vi. Ämöti kähawi na lä Säthaw ma pyng saite khimi na vi. Ämöti kähawi y näte lä Setan angra ma pyng saite khimi na vi.

Mathai 4:3

Tukha Setan angra ma äni tea ly kha, “Nang lä Säthaw üng cäpaw tätang dylä, hini kälung na bung täkaw-a bälawng by ä” näkha näpa.

Marka 1:24

Äni ma “Nazare märü üng Isu ä, nang lä kai ce tea ätemakä sa hethang ngai te mei. Täphra hethang ngai te mei. Nang lä Säthaw üng cai saite Cäpaw näte kai lä mäny vi” näkha thui pa dy.

Luka 10:18

Isu ma äni ce tea “Kai lä Setan angra bung käni üng anglaw säde te kätyng aeqa te nung vi.

Johan 12:31

Vaihi ma älawngpre üng khimi na tea tärae cei he kätü lä tyng te dy. Säthaw ma hini älawngpre tea pyng saite Setan angra bung lä mäthoja vi ai.

Johan 16:11

Säthaw lä älawngpre bung pyng saite Setan angra tea tärae cei pyng te phüng-a, äni ce lä tärae cei te phüng aedawng te tämang ö vi.

Johan 8:44

Nang ce üng pä-ai lä Setan angra kae vi. Tukha nang ce pä-ai üng aely kängai kätyng nang ce lä sa hethang aethawsa ö te vi. Setan angra lä angcü üng hai ma khimi bädü te kae vi. Äni tea älo mitang lä awng te y vi kha älo kaeling thui te lä äma üng rawraw kae vi. Äni lä khimi älo kaeling na üng pä-ai kae vi.

Pawlae ma Rom märü üng kangkawng tähang tärü saite cae 16:20

Awngneng te py saite üng Säthaw lä Setan angra bung nang üng kho täkui-a qae y tea ma ketibu vi ai. Mä-ai üng Areng Isu Khrista üng tähang kähawi lä nang ce hai mangtä awng jawjaw sy.

Ephesi 2:2

Nang ce lä hini älawngpre üng khimi na kätyng hunghö sa ö te vi dy. Khösang-a awng kha haidae awng te angra na bung pyng saite Setan angra tea hui ö vi dy. Hini Setan angra lä Säthaw lo tängai y saite khimi na bung hawi y saite mang-a bähawi jawjaw vi.

Kolosa 2:15

Säthaw lä phung-ang leng saite angra na tea Khrista üng thinglang hai-a bäja te tea Känipre üng angtawtha na hai khimi ce maw-a mätü pa vi dy.

1 Timote 3:16

Ho ea khai saite na tea Säthaw ma mä-ai tea täphawng saite na lä cangxei hethang hawi bärai vi. Honi tea ämi ma eja haw y lyng. Khrista lä khimi cüngtang-a aelawng vi dy. Muilaw Käcai hai-a mä-ai tea Isu lä Säthaw üng Cäpaw tätang vi näkha mätü vi dy. Äni bung lä Känipre angtawtha na ma nung ö vi dy. Äni üng angtawtha na lä äni üng phüng ceng qütä na tea thui ö te vi dy. Hini älawngpre mityng qütä üng khimi na lä Äni tea yng ö dy. Säthaw ma Äni bung lä Känipre-a nähaija vi dy.

Hebrai 2:14

Honi caw nade na lä äthi hai ängang awng saite khimi na vi te phüng-a, Isu lä honi na kätyng äthi ängang awng saite khimi-a aelawng khe te by vi dy. Äni üng dü saite hai-a Setan angra üng haidae tea täphra haw te vi dy. Honi Setan angra tea lä khimi ce bung bädü hai hethang haidae awng vi.

Hebrai 9:26

Tudylä älawngpre sa angcü te kätü üng hai Isu lä mätang bälaica jawjaw hethang kae. Tungaila vaihi lä hini älawngpre angxynlyng na byng hethang aenai te kätü-a, äni lä qengtä hai ma tho kha äma ma bung löci aesa ea khimi ce angxynlyng üng hunghö na tea mäcai ping pa vi dy.

2 Piter 2:4

Tukätephüng-a jangni-a Känipre üng angtawtha phütä na ma hunghö sa te kätü-a, Säthaw lä äni ce tea dengpy te vi. Säthaw lä äni ce bung ving saite angqaw khaw käthu-a kädephae kha pä-ung pa ö vi dy. Äni lä äni ma tärae cei te käni tyng te khytä äni ce bung honi thawng käving thung-a pä-ung ö vi ai.

1 Johan 1:2

Honi älo lä khimi-a aelawng kha khimi angxynlyng na ma äni tea nung haw ö te vi. Kai ce lä nung pyng kha nang ce tea thui ö te vi. Honi dungtäsa kähing py saite lawngtä lä angcü üng hai ma awng kha mä-ai üng Pä-ai Säthaw hai mangtä awng te vi. Vaihi Säthaw lä äni bung mä-ai tea mätü te vi dy.

1 Johan 3:10

Tukätephüng-a Säthaw üng caw nade na hai Setan angra üng caw nade na näte tea lä hini kätyng-a mäny haw ö vi. Kätüng sa y saite khimi na, yng saite rawijae na tea bälung aevaw y saite na lä Säthaw üng caw nade na y lyng.

1 Johan 3:5

Khrista lä mä-ai üng hunghö na tea nähaija hethang tyng te tea nang ce lä mäny ö te vi. Äni lä äte hunghö la sa te y lyng.

1 Johan 5:19

Mä-ai lä Säthaw üng caw nade na vi näte hini älawngpre üng khimi angxynlyng na tea Setan ma pyng ngaila mäny ö te vi.

Judae 1:6

Säthaw ma äni ce tea py saite kälu na tea khaisö saite Känipre üng angtawtha na phüng aedawng haile ö. Äni ce lä äma ce mityng na mang üng thoja ö te vi. Tukätephüng-a Säthaw lä äni ce tea dungtäsa singqy rui hai mäkhing kha käving thung-a khai pa vi dy. Säthaw lä äte angxynlyng na tea tärae cei te Käni khytä äni ce bung lä hini kätyng khai vi ai rawng.

Lokphong 20:10

Tupyng-a Säthaw lä äni ce tea kaeling kaemae sa saite Setan angra bung keng hai maikang saite tuilipui thung-a kädephae vi dy. Honi mityng-a lä mawikäsi hai äma üng buisaw käjüng aesa saite ni bung la kädephae pyng te by vi dy. Äni ce lä kärung käni dungtäsa naw mätang saite aeting jawjaw ö vi ai.

Lokphong 20:15

Dungtäsa kähing dang saite ämüng tärü te cae-u thung-a qa y saite khimi na bung lä Areng ma mai tuilipui thung-a kädephae pa ö vi dy.