1 Johan 3:3 - Caekäcai Kangthae (Lemi)

³ Khrista tea aethang khai rüng saite khimi angxynlyng na lä Khrista lä caiping te kätyng mä-ai ma tea mä-ai ma aemäcai hethang kae.

Asang Khongso New Testament

³ Ami doeh Khrih ah hi oepdoenghaih ka tawn loa Khrih to thoengcai batih toengah angmah hoi angmah to a thoengcaisak toeng.

1 Johan 3:3 ပူးပေါင်းရင်းမြစ်များ

Mathai 5:48

Tukätephüng-a Känipre üng Pä-ai Säthaw lä cungrü te kätyng nang ce la cungrü-a awng ö jo.

Luka 6:36

Känipre üng Pä-ai Säthaw ma khimi ce tea bäheng te kätyng nang ce la khimi ce tea bäheng ö tyng jo.

Johan 17:19

Äni ce lä Säthaw tähang mä-ai ma bung aepy hethang tähang-a, Kai lä äni ce tähang Kai ma bung aemäthy ping te vi dy.

Angtawtha 15:9

Säthaw lä äni ce bung mä-ai hai täphü kha khai te y. Äni ce lä Isu tea yng te phüng-a, äni ce üng bälung la caiping vi dy.

Pawlae ma Rom märü üng kangkawng tähang tärü saite cae 15:12

Buisaw Isaia ma thui te lä, “Davidae amäjy thung üng lawngtä tho ai. Äni lä ceng kälang na tea pyng ai. Ceng kälang na lä äni tea ae-y kha aethang khai ö ai mang” näkha awng vi.

2 Korin 7:1

Kangby jä-ai na ä, Säthaw üng hini aedo saite na lä mä-ai tähang vi te phüng-a, mä-ai ma tea ätabung hai bälung üng ngaiphi tüng y saite angxynlyng na tea lä aemäcai pang ö si. Mä-ai lä Säthaw tea ri kha tämö khai saite hai-a käcai ping-a awng ö si.

Kolosa 1:5

Lo mitang khaw te Angthang Kähawi lä nang ce tea kangmang-a tyng te phüng-a, honi Angthang Kähawi üng py te aethang khai saite phüng tea nang ce lä thai ö te phüng-a, kai ni lä anghawtho hawi dy. Tukätephüng-a khösang mang-a nang ce tähang khai saite aethang khai te tea nang ma ce üng yng saite hai, bälung aevaw saite lä tyng te vi dy.

2 Thesalon 2:16

Mä-ai üng Areng Isu Khrista hai Pä-ai Säthaw ma mä-ai tea bälung aevaw kha tähang kähawi hai-a, dungtäsa aethaw dang saite hai aethang khai saite py te vi. Mä-ai üng Pä-ai Säthaw lä nang ce üng bälung na tea aethaw py kha hawi saite angxynlyng na thui hethang hai, kälu sa khü jawjaw ö hethang säbawng sy.

Titas 3:7

Tukätephüng-a äma üng bälung kähawi saite hai-a Säthaw lä mä-ai bung khimi käcüng näkha mäthi te vi. Tukha mä-ai üng aethang khai te dungtäsa hing saite lä mä-ai dang haw ö ai.

Hebrai 12:14

Khimi angxynlyng na hai mangtä awngneng saite hai-a awng hethang aethawsa ö ba. Caiping saite thung-a hing ö. Caiping y saite khimi ämi la Areng bung nung haw y lyng.

Hebrai 6:18

Säthaw lä äma üng älo aedo saite kätü-a täking saite lo la thui pa te vi dy. Honi känetä lä mäqa haw y saite na vi. Säthaw lä kaeling kaemae sa haw y te phüng-a, mä-ai lä Säthaw tea bälung ae-y khü ö te vi. Säthaw ma mä-ai bung aedung hai hethang äni tea aehui ö te vi. Säthaw ma py te aethang khai saite tea mä-ai lä kähawi-a süng khü hethang aethaw dang ö te vi.

Hebrai 7:26

Isu lä mä-ai üng aely ngai saite Mäthykung Kälengky vi. Äni lä caiping kha cy nae awng y. Sa tämang saite la awng y. Mä-ai hunghö sa saite khimi na hai äni lä aetawng te y vi. Säthaw lä äni bung Känipre üng aesangky saite mityng-a mäsang pa vi dy.

Jako 4:8

Nang ce lä Säthaw äteng-a ly dylä, äni la nang ce äteng-a ly by ai. Hunghö sa saite nang ce lä nang ma ce üng sa saite na cai hai ö lawi. Yng vawng y saite nang ce lä cai saite kaedawng awng ö lawi.

1 Piter 1:15

Honi jüng-a nang ce bung re saite Säthaw lä cai te kätyng nang ce sa saite angxynlyng na la cai ö lawi.

1 Piter 1:3

Mä-ai üng Areng Isu Khrista üng Pä-ai Säthaw tea kawng te lo thui ö si. Äni lä mä-ai tea tengxyng y bäheng te phüng-a, Isu Khrista bung kädü thung üng mäning haile te hai-a mä-ai tea aepeng saite kangthae py vi dy. Tukätephüng-a mä-ai lä aethang khai saite kanghing awng ö te vi.

2 Piter 1:4

Äni üng phung-ang hai hawi saite hai-a äma lä mä-ai tea lengphi saite hai ävang käting älo aedo saite na py te vi dy. Tukätephüng-a äni üng älo aedo saite na hai-a nang ce lä hini älawngpre üng ngaiphi tüng y saite hai-a täphra saite üng aelawi kha Säthaw üng käcüng aeme aeqa saite kätyng nang ce üng käcüng-a aeme aeqa saite thung-a la awng haw ö vi ai.

2 Piter 3:14

Tukätephüng-a, kai üng bälung aevaw te tea yng saite kangby jä-ai na ä, nang ce lä hini angxynlyng na tea aering ö te phüng-a, cy y hethang, cai hethang Säthaw hai awngneng hethang aethawsa ö.

1 Johan 2:6

Mä-ai lä Säthaw hai bungtä awng dylä Isu Khrista kätyng awng hethang kae.

1 Johan 4:17

Äni üng bälung aevaw saite lä mä-ai thung-a cungrü hai ö te vi dy. Tukätephüng-a hini älawngpre-a awng saite khimi angxynlyng na tea Säthaw ma tärae cei hethang Käni-a mä-ai lä äni tea ri hethang awng y vi dy. Isu Khrista lä hini älawngpre-a hing te kätyng mä-ai la hing ö te by vi.