1 Johan 3:12 - Caekäcai Kangthae (Lemi)

¹² Äkangby Abela bung bädü kha Setan hai aesui saite Ka-i-na kätyng aelawng ö hang. Ätephüng-a Ka-i-na ma äkangby tea bädü mei nädylä, äni lä kähawi y na sa kha äkangby lä kätüng na sa te phüng-a vi.

Asang Khongso New Testament

¹² Kahoih-ai Kami iah kaom Kain, amnauk Abel ka humkung batiah to oh han om ai. Tipongah maw Kain mah anih to a hum? Angmah sak ih hmuen to toeng ai moa amnauk mah sak ih hmuen to a toeng pongah ni.

1 Johan 3:12 ပူးပေါင်းရင်းမြစ်များ

Mathai 13:19

Khimi lawngtä lä Säthaw ma Sanphrang sa kha pyng saite pre phüng thai kha äni ma mäny dylä, Setan angra lä äni üng bälung thung-a awng saite Säthaw üng lo tea la pa ja vi. Hini lä lolang qawng-a aeqa saite ämöti na tea mätae pa te vi.

Mathai 13:38

Lai lä älawngpre vi. Ämöti kähawi na lä Säthaw ma pyng saite khimi na vi. Ämöti kähawi y näte lä Setan angra ma pyng saite khimi na vi.

Mathai 23:35

Tukätephüng-a khimi cüng saite angxynlyng na bung bädü te phüng-a Säthaw ma nang ce tea dengpy ai. Hini lä cüng saite Abela üng hai aetawng te vi. Barakhi üng cäpaw Zakhari bung bädü te khytä vi. Nang ce üng kangsi na lä Zakhari bung Ingkäcai thung-a caiping te mityng hai maicang säla-a bädü ö vi.

Mathai 27:23

Pilata ma äni ce tea “Ätephüng-a mei. Äni lä äte sa tämang te awng vi nang mei” näkha düng pa. Tungaila khimipui na ma “Äni bung thinglang qawng-a täheng kha bädü la” näkha ätüng käleng hai hang rae pa vi dy.

Mathai 5:37

Nang ce lä kälu hae haetä sa dylä, sa ai näkha thui. Sa y dylä, sa y näkha thui ö.

Luka 11:51

Älawng aetawng angcü üng Abela äthi üng hai buisaw Zakhari üng äthi khytä buisaw na bung bädü te vi. Tukätephüng-a vaidung üng khimi ce tea Säthaw ma tärae cei vi ai. Kangkhüng-a bädü saite buisaw Zakhari bung lä äni ce ma maicang hai Ingkäcai säla-a bädü pa ö dy.

Johan 10:32

Isu ma “Pä-ai lä Kai tea kälu kähawi na awng mang-a sa hai te vi. Äte makäti na sa te phüng-a, nang ce lä Kai tea kälung hai käde hethang sa ö te mei” näkha düng pa.

Johan 8:40

“Säthaw te mang üng älo mitang kai lä nang ce tea thui dy. Tungaila kai bung bädü hethang nang ce lä aethawsa ö te vi. Abraham lä hini kätyng sa te y lyng.

Johan 8:41

Nang ce lä nang ma ce üng pä-ai sa te kätyng-a sa ö te vi” näpa. Äni ce ma “Kai ce lä täkü bäjang caw y. Kai ce üng Pä-ai lä Säthaw lawngtä ni awng te kae be” näpa.

Angtawtha 7:52

Nang ce üng kangsi na lä, buisaw angxynlyng na tea sakälö khü ö te vi. Äni ce lä Säthaw üng mawsawng käcüng ly ai näkha thui rüng saite buisaw na tea la bädü ö te vi dy. Vaihi nang ce lä, äni ce bung a kha bädü hai ö pa vi dy.

1 Thesalon 2:14

Yng saite kangby jä-ai na ä, nang ce lä Judae khö-a Säthaw üng kangkawng na, Isu Khrista üng khimi na täthei-a awng ö te vi dy. Nang ce tea lä nang ma ce pre üng khimi na ma mätangca-a sakälö khü ö te vi. Hini kätyng-a Judae khimi na ma Judae khö-a Säthaw üng kangkawng na tea sakälö khü ö pyng te by vi.

Hebrai 11:4

Abela lä Säthaw tea yng te saite hai-a, Ka-i-na qawng-a hawiky saite löci sa vi dy. Abela üng yng te phüng-a, Säthaw lä äni tea khimi käcüng kätyng mäthi vi dy. Säthaw lä Abela üng löci tea hawi näkha thui vi dy. Äni lä dü ngaila Säthaw tea yng te phüng-a, mä-ai tea älo aepe jawjaw ö te vi rawng.

Hebrai 12:24

Säthaw hai khimi ce üng säla-a aenai saite kangthae tea aerü rüng saite lä Isu tea tyng te vi dy. Nang ce lä Isu üng käthüng saite äthi tea tyng ö vi dy. Honi äthi lä Abela üng äthi qawng-a hawiky saite älo tea thui vi.

1 Piter 4:4

Nang ce lä vaihi kähawi-a hing y kha Säthaw bung mäny y saite khimi na hai vaihi aesätawng y te phüng-a, äni ce lä cangxei ö te vi dy. Tukätephüng-a äni ce lä nang ce tea käsi prawng ö te vi.

1 Johan 3:8

Hunghö na sa jawjaw saite na lä Setan angra hai aesui saite na vi. Ätephüng-a mei nädylä Setan angra lä angcü üng hai ma hunghö na sa te phüng-a vi. Tukätephüng-a Säthaw üng Cäpaw lä Setan angra üng kälu na tea täphra hethang ly te vi dy.

Judae 1:11

Äni ce lä tähang si ö bärai vi. Äni ce lä äma üng kangby bung bädü saite Ka-i-na üng älang mang-a hui ö vi dy. Tangkae ngaiphi te phüng-a Balam kätyng sa tämang ö saite na vi. Äni ce lä Kora kätyng Säthaw tea täre mäsa kha aety ö saite na vi dy. Tukätephüng-a äni ce lä Kora kätyng pra ö by vi ai.

Lokphong 17:6

Honi nawngmädi lä Säthaw üng khimi na äthi hai Isu tea yng cakhi te phüng-a dü saite na üng äthi nei kha bärui te tea kai lä nung te vi. Tukha kai lä tengxyng y cangxei vi dy.