1 Johan 3:10 - Caekäcai Kangthae (Lemi)

¹⁰ Tukätephüng-a Säthaw üng caw nade na hai Setan angra üng caw nade na näte tea lä hini kätyng-a mäny haw ö vi. Kätüng sa y saite khimi na, yng saite rawijae na tea bälung aevaw y saite na lä Säthaw üng caw nade na y lyng.

Asang Khongso New Testament

¹⁰ Sithaw ih canawk hoi Diabol taqawk canawk ih a lahhaih loa hitiah ni: kamsoem hmuen to ka sah ai moa mi kalah to ka palung ainawk boih loa Sithaw ih canawk na ai ni.

1 Johan 3:10 ပူးပေါင်းရင်းမြစ်များ

Mathai 13:38

Lai lä älawngpre vi. Ämöti kähawi na lä Säthaw ma pyng saite khimi na vi. Ämöti kähawi y näte lä Setan angra ma pyng saite khimi na vi.

Luka 6:35

Nang ce üng täre na tea bälung aevaw kha äni ce tea kähawi phai sa pa ö ba. Äni ce te üng ätete dang haile tyng hethang aedawng y käla ma aekhi ö. Tudylä nang ce lä ävang käleng dang kha Aesangky Säthaw üng caw na-a aelawng ö ai mang. Ätephüng-a mei nädylä, Säthaw lä äma üng säbawng te tea mänykaw y saite na hai käsi sa saite khimi na tea la bälung hawi khai te vi.

Johan 1:12

Tungaila khimi phütä na lä äni bung mäkung kha äni tea yng ö dy. Äni ce bung Säthaw üng caw nade na-a aelawng hai pa dy.

Johan 11:52

Isu lä Judae khimi na qaitä tähang dü te y. Äni lä älawngpre-a awng xhixae saite Säthaw üng caw na angxynlyng na tähang dü pa vi ai. Tukä sa te hai-a äni bung kangkawng haetä-a awng hai vi ai.

Johan 8:44

Nang ce üng pä-ai lä Setan angra kae vi. Tukha nang ce pä-ai üng aely kängai kätyng nang ce lä sa hethang aethawsa ö te vi. Setan angra lä angcü üng hai ma khimi bädü te kae vi. Äni tea älo mitang lä awng te y vi kha älo kaeling thui te lä äma üng rawraw kae vi. Äni lä khimi älo kaeling na üng pä-ai kae vi.

Johan 8:47

Säthaw te mang üng ly saite Kung lä Äni üng älo tea tängai te vi. Tungaila nang ce lä Säthaw te mang üng ly y te phüng-a, älo aetängai ö y te vi” näkha näpa.

Angtawtha 13:10

Äni ma “Nang lä Setan angra üng cäpaw, kätüng angxynlyng na üng täre. Nang lä Khimi ce tea kaeling sa jawjaw kha hawi y saite sa pa vi. Nang lä Säthaw üng kätüng sai phüng tea kaeling sa tütü vi.

Pawlae ma Rom märü üng kangkawng tähang tärü saite cae 13:8

Ämi lawngtä la kälung kälai awng hang sy. Kälung kälai haetä xyng ni awng hethang kae. Honi kälung kälai lä lawng lawngtä tea bälung aevaw hethang kae saite vi. Khimi lawngtä lä äma üng kangby jä-ai tea bälung aevaw dylä, Ubädi tea tängai te vi dy.

Ephesi 5:1

Nang ce lä Säthaw ma bälung aevaw bärai saite äma üng caw nade na vi te phüng-a, äma kätyng täthei-a awng hethang aethawsa ö.

Kolosa 3:14

Aely lengky te lä nang ma ce tingtawi lawng lawngtä tea bälung aevaw ö. Honi kätyng lawng lawngtä tea nang ce lä bälung aevaw te phüng-a, nang ce rawijae aesa saite lä cungrü ö ai dy mang.

1 Timote 1:5

Hini särilo üng mawkung lä yng saite na üng lawng lawngtä tea bälung aevaw saite vi. Hini bälung aevaw te na cai saite bälung hai, käsi sa y näkha mäny saite hai kätüng yng saite bälung awng saite khimi na lä dang haw ai.

1 Johan 2:29

Khrista lä cüng vi näsaite tea nang ce lä mäny ö vi. Tukätephüng-a kätüng-a sa saite khimi angxynlyng na lä äni üng caw nade na näte nang ce lä mäny ö haw te vi.

1 Johan 3:1

Mä-ai üng Pä-ai Säthaw lä matangtä mä-ai tea bälung aevaw mei näte aedawng ö lawi. Säthaw lä mä-ai bung äma üng caw nade na näkha mäthi te vi. Mä-ai lä äni üng caw nade na tätang khaw ö vi dy. Hini älawngpre hai aesui saite khimi na ma mä-ai bung mäny y te lä Säthaw tea mäny ö y te phüng-a vi.

1 Johan 3:2

Kai üng bälung aevaw saite rawijae na ä, vaihi mä-ai lä Säthaw üng caw nade na ö vi. Tungaila vaimaw mang-a mä-ai lä ätemakä aelawng ai mei näte mäny ö te y rawng. Tungaila Khrista tyng haile te kätü-a, mä-ai lä äma kätyng aelawng ai näte mä-ai lä mäny ö te vi. Ätephüng-a mei nädylä äni üng tätang khaw lawng saite tea mä-ai lä nung ö ai.

1 Johan 4:21

Khrista lä mä-ai tea hini Ubädi py te vi dy. Säthaw tea bälung aevaw saite khimi lä äma üng yng saite rawijae na tea la bälung aevaw hethang kae te by vi.

1 Johan 4:6

Mä-ai lä Säthaw üng khimi na vi. Säthaw bung mäny saite na lä mä-ai üng mätu saite lo na tea tängai ö vi. Säthaw hai aesui y saite khimi na lä mä-ai üng mätu saite na tea tängai ö y. Hini kätyng khimi lawngtä lä lo mitang tea Muilaw hai-a thui te, y dylä khimi ce tea kaeling kaemae sa hethang Setan ma py saite haidae hai-a thui te tea mä-ai lä mäny haw ö te vi.

1 Johan 4:8

Äpy na tea bälung aevaw y saite lä Säthaw tea mäny y. Ätephüng-a mei nädylä Säthaw lä bälung aevaw saite Kung lawng te phüng-a vi.

1 Johan 5:19

Mä-ai lä Säthaw üng caw nade na vi näte hini älawngpre üng khimi angxynlyng na tea Setan ma pyng ngaila mäny ö te vi.

1 Johan 5:2

Mä-ai lä Säthaw tea bälung aevaw kha äni üng Ubädi na tängai dylä, Säthaw üng caw nade na tea bälung aevaw tätang te vi näkha mäny ö te vi.

3 Johan 1:11

Kai üng bälung aevaw saite äpy ä, hawi y sa saite khimi na üng kätyng täthei-a lä aetu hang. Tungaila kähawi sa saite khimi kätyng täthei-a lä aetu ba. Kähawi sa saite lawngtä lä Säthaw üng caw nade vi. Kähawi y sa saite lawngtä lä Säthaw bung mäny te y.