1 Johan 2:28 - Caekäcai Kangthae (Lemi)

²⁸ Kai üng bälung aevaw saite caw nade na ä, Khrista hai bungtä awng jawjaw ö ba. Hokä dylä Khrista ly haile tyng te käni-a, mä-ai lä äni üng maw-a ri hethang hai saerae hethang la ngai y dy lyng.

Asang Khongso New Testament

²⁸ Ka canawk, angmah khaeah angpaeh o toemoe ah, totibaloa angmah to amtueng na-ah misa hoihhaih hoiah koi o ueloa angmah angzoh Ni ah azathaih hoiah anghawk han angaih mak ai.

1 Johan 2:28 ပူးပေါင်းရင်းမြစ်များ

Mathai 16:27

Kai, Khimi üng Cäpaw, lä Äpä-ai üng phung-ang hai Säthaw üng angtawtha käcai na hai mangtä ly vi ai. Honi kätü-a khimi angxynlyng na äma ce sa te kätyng ävang py pa vi ai.

Mathai 16:28

Tängai ö. Hi-a awng saite khimi phütä na lä Sanphrang kätyng Khimi üng Cäpaw bung nung y kälang-a dü y vi ai rawng” näkha näpa.

Marka 8:38

Khimi lawngtä lä hini dungpasi te käni-a kai hai kai üng mätu saite angthang na phüng-a kaejae dang dylä, Kai, Khimi üng Cäpaw, la äni üng phüng-a Äpä-ai üng phung-ang hai Säthaw üng angtawtha käcai na hai mangtä ly te kätü-a lä kaejae dang vi ai” näkha näpa.

Luka 17:30

Kai, Khimi üng Cäpaw, ly haile te kätü-a lä honi kätyng awng by vi ai.

Pawlae ma Rom märü üng kangkawng tähang tärü saite cae 9:33

Honi kätyng Säthaw lä Caekäcai thung-a, “Tängai ö. Khimi ce lä mäthui khy kha aetüng hai saite kälung tea Zaion märü-a kai lä khai vi ai. Honi kälung tea khimi ce lä mäthui khy kha täbakhu hai ö vi ai. Tungaila äni tea yng saite khimi lä manila aethawsi ö y vi ai” näkha awng te vi.

1 Korin 1:7

Nang ce lä bälung aethaw awng bärai te hai mä-ai üng Areng Isu Khrista tyng haile te kätü tea aering ö te vi. Nang ce aering ö te kätü-a, Muilaw Käcai hai aesui kha sakaw saite angxynlyng na tea lä Säthaw ma py te vi dy.

1 Korin 15:23

Tungaila khimi qütä lä Säthaw üng khai rüng saite kätyng-a dü saite thung üng hing haile ai. Angcüky-a Säthaw ma Khrista bung lä dü saite thung üng mäning haile tyng te vi dy. Honi pyng dylä, Khrista ly haile te kätü-a, äni hai aesui saite khimi na lä dü saite thung üng hing haile tyng ö ai.

Ephesi 3:12

Mä-ai lä Khrista tea yng te hai äni hai bungtä awng te phüng-a, Säthaw üng maw-a ri y käla bälung ae-y khü kha ly haw ö te vi dy.

Kolosa 3:4

Nang ce üng hing saite langdüng lä Khrista vi. Äni lä älawngpre-a ly haile te kätü-a, nang ce la äni üng phung-ang dang kha äni hai mangtä tho ö by ai.

1 Thesalon 2:19

Mä-ai üng Areng Isu Khrista ly haile te kätü-a, äni üng maw-a mä-ai lä aedaw te kätü-a, mä-ai üng aethang khai saite, anghawtho saite hai sanphrang lökhu kätyng ävang dang hethang awng saite na lä nang ce vi dy. Nang ce bung kai ce lä aethaw hai haw ö te vi.

1 Thesalon 3:13

Säthaw ma nang ce tea bälung cakhi saite aethaw py sy. Tudylä mä-ai üng Areng Isu Khrista hai äni tea yng saite angxynlyng na mangtä ly haile te kätü-a, nang ce lä mä-ai üng Pä-ai Säthaw üng maw-a caiping kha cy nae awng ö y vi ai. Amen.

1 Thesalon 5:23

Awngneng te käpy Kung, Säthaw, lä nang ce te üng hing saite tea cai hai kha cungrü hai king vi ai. Mä-ai üng Areng Isu Khrista ly haile tyng te kätü khytä, nang ce tea cy y hethang Säthaw lä nang ce üng bälung hai hing saite ätabung na tea kähawi-a rui hethang kai lä aetang te vi.

1 Timote 6:14

Sa tämang y käla Säthaw üng särilo tängai ba. Tudylä mä-ai üng Areng Isu Khrista ly haile tyng y rytä lä, ämi ma la nang tea cy haw y ai mang.

2 Timote 4:8

Kai lä kawng te hai äni üng lo tängai te phüng-a vaihi Säthaw ma kai tähang ävang käting khai rüng pa vi dy. Khimi angxynlyng na tea kätüng-a tärae cei saite Areng lä äma ly haile te honi Käni-a lä kai tea hini ävang käting py ai. Kai ma qaitä tea py hethang kae y. Äma ly haile te kätü tea aethang khai te hai aering saite khimi angxynlyng na tea la ävang käting py pa ö by ai.

Titas 2:13

Mä-ai lä hikä awng te thüng-a, mä-ai tea kawng hai saite aethang khai te tea aering ö te vi. Honi lä mä-ai üng kaesangky Säthaw hai Aeqangkung Isu Khrista lä äma üng phung-ang hai aetüng ai te tea vi.

Hebrai 9:28

Honi kätyng täthei Khrista lä khimi awng mang te na üng hunghö na tea mäcai hethang äma tea äma löci mawi kätyng-a qengtä aesa pa vi dy. Äni lä äbaeni tyng haile tyng vi ai. Honi kätü-a äni lä khimi ce üng hunghö na hai aesui kha äte la sa pa y dy lyng. Tungaila äni tea aering saite na bung lä äni ma aeqang pa vi ai mang.

1 Piter 1:7

Hini käny saite na lä nang ce üng yng saite tätang vi näte tea mätü ai. Khimi ce lä pra haw saite sui tea mäteng ma mai hai säny kha mäcai ö te vi. Nang ce üng yng saite lä hini sui qawng-a ävang tingky te vi. Tukätephüng-a nang ce üng yng saite lä mätang bälai te hai-a käny dylä, nang ce üng yng saite lä cakhi ö vi ai. Nang ce lä hini kätyng yng dylä, Isu Khrista ly haile te kätü-a Säthaw ma nang ce tea bälaw vi ai. Tukha äni lä nang ce tea phung-ang hai tämö käleng khai saite na py vi ai.

1 Piter 5:4

Beram rui te kung kälengky Khrista ly haile te kätü-a, nang ce lä phung-ang leng bärai saite ävang käting dang ö ai. Hini üng ang saite lä manila aemai y vi ai.

1 Johan 2:1

Kai üng caw nade na ä, hunghö sa y hethang hini cae thung-a nang ce tea kai lä tärü te vi. Tungaila khimi lawngtä hunghö sa dylä, Pä-ai maw-a mä-ai üng jüng-a mäkai pa hethang lawngtä awng vi. Äni lä cüng saite Isu Khrista vi.

1 Johan 3:2

Kai üng bälung aevaw saite rawijae na ä, vaihi mä-ai lä Säthaw üng caw nade na ö vi. Tungaila vaimaw mang-a mä-ai lä ätemakä aelawng ai mei näte mäny ö te y rawng. Tungaila Khrista tyng haile te kätü-a, mä-ai lä äma kätyng aelawng ai näte mä-ai lä mäny ö te vi. Ätephüng-a mei nädylä äni üng tätang khaw lawng saite tea mä-ai lä nung ö ai.

1 Johan 3:21

Kai üng bälung aevaw saite rawijae na ä, mä-ai üng käsi kähawi mäny saite bälung na hai mä-ai ma tea cy raw y dylä, mä-ai lä Säthaw maw-a bälung ae-y khü saite awng ö vi dy.

1 Johan 4:17

Äni üng bälung aevaw saite lä mä-ai thung-a cungrü hai ö te vi dy. Tukätephüng-a hini älawngpre-a awng saite khimi angxynlyng na tea Säthaw ma tärae cei hethang Käni-a mä-ai lä äni tea ri hethang awng y vi dy. Isu Khrista lä hini älawngpre-a hing te kätyng mä-ai la hing ö te by vi.

1 Johan 5:14

Mä-ai lä Säthaw tea ae-y khü haw ö te vi dy. Tukätephüng-a Säthaw üng aely kängai hai-a ätete na mäkai dylä, mäkai saite angxynlyng na tea tängai pa saite bung mä-ai lä mäny haw ö te phüng-a vi.

Lokphong 1:7

Tängai ö. Äni lä khö angnüng qawng na mang ly ai. Äni bung khimi qütä ma nung ai. Äni tea täri hai thung saite khimi na mäteng ma nung ö ai. Älawngpre üng khimi angxynlyng na lä äni tea ri kha raw sung ö ai. Honi lä tätang khaw-a tyng vi ai. Amen.