1 Johan 2:27 - Caekäcai Kangthae (Lemi)

²⁷ Nang ce tea lä Khrista ma Muilaw Käcai py te vi dy. Honi Muilaw Käcai lä nang ce üng bälung thung-a awng jawjaw ö te vi. Tukätephüng-a nang ce tea lä lo mitang phüng khimi kälang na ma mätu hethang ngai y dy lyng. Muilaw Käcai ma nang ce tea angxynlyng phüng na mätu te vi dy. Äni üng mätu saite na lä mitang khaw te vi. Kaeling kaemae thui te y lyng. Muilaw Käcai üng mätu saite nang ce lä tängai kha Khrista hai bungtä awng ö lawi.

Asang Khongso New Testament

²⁷ To-e nangcae hanah loa Khrih mah nangcae nuiah a Pakhra to a bawhthuih boah. A Pakhra to nangcae khaeah oh nathung loa patukkung ami doeh nangtoeng o ai. Kawmawtiah a Pakhra mah nangcae to cungriboih kawng ang patuk o moa ang patuk o ih loa loktang tang ni, amsawn na ai ni. Topongah Pakhra patukhaih ih to pazui oloa Khrih hoiah angpaeh o toemoe ah.

1 Johan 2:27 ပူးပေါင်းရင်းမြစ်များ

Mathai 13:11

Isu ma äni ce tea “Säthaw ma pre pyng saite phüng ho saite na nang ce tea mäny hai dy. Tungaila khimi kälang na tea lä mäny hai y.

Johan 14:16

Kai lä Pä-ai tea mäkai kha nang ce hai mangtä awng jawjaw hethang säbawng saite Kung lawgtä bung mätaw ai mang.

Johan 14:17

Äni lä Säthaw phüng mitang-a aetüng pa saite Muilaw Käcai vi. Älawng üng khimi na lä honi Muilaw Käcai bung bälung thung-a mäkung haw y. Nung y kha äni bung mäny ö y. Tungaila nang ce üng bälung thung-a hini Muilaw Käcai awng jawjaw te phüng-a, nang ce lä äni bung mäny te vi.

Johan 14:26

Pä-ai lä kai üng ämüng hai-a, nang ce tähang mätaw saite säbawng te Kung, Muilaw Käcai lä, nang ce tea angxynlyng na mätu pa ai. Kai thui pyng te na sädi dang hai ai mang.

Johan 16:13

Tungaila Säthaw üng älo mitang phüng mätu saite Muilaw Käcai tyng ea lä, nang ce tea älo mitang angxynlyng phüng na täphawng pa ai mang. Honi Muilaw Käcai lä äma ngai te kätyng-a thui he y. Äma thai saite phüng na ni nang ce tea thui hethang kae. Ämaw mang üng phüng na äni ma nang ce tea thui rüng vi ai.

Johan 4:14

Tungaila kai ma py saite tui nei te hengtä lä manila tui aehe he y dy. Hini tui lä äni üng äthung-a tui cäpring-a aelawng kha dungtäsa hing saite dang hai ai” näpa.

Johan 6:45

Buisaw na ma thui te lo ‘Äni angxynlyng na tea Säthaw ma angtu thui pa vi ai.’ Pä-ai üng älo thai kha aetu saite na lä kai tea ly ö dy.

1 Korin 2:12

Säthaw lä hini älawngpre-a khimi ce üng älang kaedawng saite kätyng mä-ai tea py te y. Äni lä äma üng Muilaw mä-ai tea py te vi dy. Tukätephüng-a Säthaw ma mä-ai tea py saite angxynlyng na mä-ai lä mäny haw ö te vi.

1 Korin 2:13

Tukätephüng-a kai ce lä hini phüng na khimi ce tea thui te kätü-a, khimi ce ma mätu te bälunghae saite lo na hai tawng ö te y. Muilaw Käcai ma mä-ai tea mätu te bälunghae saite lo na hai kai ce lä Muilaw Käcai hai aesui saite na tea thui mäcai ö te vi.

2 Korin 1:21

Säthaw äma khekhe lä kai ce hai nang ce tea Khrista-a bungtä lawng hai mei kha yng te cakhi hai hethang sa pa vi dy. Äni ma mä-ai bung lä re kha khai lyng pa te vi dy.

Ephesi 4:21

Khrista üng phüng thai saite nang ce hai äni üng äkähui na ma nang ce tea mätu te na lä, Isu üng lo mitang kätyng vi näte kai lä bälung ae-y khaw te vi.

Kolosa 2:6

Nang ce lä Khrista Isu tea “Areng” näkha nä hethang dang te phüng-a, äni hai bungtä awng jawjaw ö te vi.

1 Thesalon 2:13

Kai ce ma Säthaw tea kawng te lo thui jawjaw te phüng lä, nang ce ma kai ce te üng Säthaw lo thai kha yng ö te phüng-a vi. Honi lä khimi ce üng lo angthang y käla Säthaw üng lo angthang kätyng aedawng ö te vi. Hini lä Säthaw üng lo tätang khaw vi. Honi lo angthang hai-a yng saite na üng bälung tea lä Säthaw ma mäqa pa te by vi.

1 Thesalon 4:9

Nang ma ce tingtawi bälung aevaw ö qi hethang phüng lä tärü he ngai näpi y dy. Lawng lawngtä tea bälung aevaw hethang kae näsaite lä Säthaw khekhe ma nang ce tea mätu pyng te vi dy.

1 Timote 2:7

Honi phüng-a Säthaw lä ceng kälang na tea yng saite hai älo mitang phüng-a angthang thui hethang angtawtha-a kai bung re te vi. Kai thui saite lä lo mitang vi. Kaeling y lyng.

1 Piter 1:23

Nang ce lä hing kha dungtäsa Säthaw üng lo hai-a aepeng kangthae ö te vi. Hini aepeng kangthae saite lä tänaetä ma pra saite y. Nang ce lä dungtäsa hing saite Kung üng caw nade na lawng ö te vi.

1 Johan 2:28

Kai üng bälung aevaw saite caw nade na ä, Khrista hai bungtä awng jawjaw ö ba. Hokä dylä Khrista ly haile tyng te käni-a, mä-ai lä äni üng maw-a ri hethang hai saerae hethang la ngai y dy lyng.

1 Johan 3:24

Äni üng Ubädi na tea tängai saite na lä Säthaw hai bungtä awng kha Säthaw la äni ce hai bungtä awng te by vi. Säthaw ma mä-ai tea py saite Muilaw Käcai hai-a Säthaw lä mä-ai hai bungtä awng saite tea mä-ai lä mäny haw ö te vi.