1 Johan 2:22 - Caekäcai Kangthae (Lemi)

²² Kaeling kaemae sa saite kung lä ämi mei. Isu lä Mesia y vi näkha thui saite kung vi. Äni lä Khrista üng täre kälengky vi dy. Äni lä Pä-ai Säthaw hai Äcäpaw Isu Khrista bung aephae te vi.

Asang Khongso New Testament

²² Totibaloa ami maw kamlai takung loa? Jesuh loa Messiah na ai ni, tiah ka thuikung to ni. Ato batih kami loa Khrih ih Misa ah oh moa Ampa hoi Capa ka vahkung ni.

1 Johan 2:22 ပူးပေါင်းရင်းမြစ်များ

Mathai 24:24

Mesia käjüng aesa saite hai buisaw käjüng aesa saite na tho kha cangxei saite na hai kamarae na mätü ö vi ai. Äni ce sa haw dylä, Säthaw ma re saite khimi na tea mäteng ma yng te tämang rung khytä sa vi ai.

Mathai 24:5

Khimi awng mang saite na lä kai üng ämüng aengang kha ly ö ai. Äni ce ma ‘Kai lä Mesia dy’ näkha thui ö vi ai. Äni ce lä khimi awng mang saite na tea kaeling sa ö vi ai.

Johan 8:44

Nang ce üng pä-ai lä Setan angra kae vi. Tukha nang ce pä-ai üng aely kängai kätyng nang ce lä sa hethang aethawsa ö te vi. Setan angra lä angcü üng hai ma khimi bädü te kae vi. Äni tea älo mitang lä awng te y vi kha älo kaeling thui te lä äma üng rawraw kae vi. Äni lä khimi älo kaeling na üng pä-ai kae vi.

1 Johan 1:6

Mä-ai lä äni hai mangtä rawijae sa ea awng näkha thui ngaila käving-a awng kha sa tämang saite awng te vi rawng nädylä, lo mitang hai-a hing y kha kaeling kaemae thui ö saite na kae vi.

1 Johan 2:18

Kai üng bälung aevaw saite caw nade na ä, kangkhüng üng kätü lä tyng vi ai dy. Khrista üng täre kälengky lä tyng ai näte tea nang ce lä thai ö pyng te vi dy. Vaihi la Khrista üng täre na lä awng mang-a tho rüng pyng te vi dy. Tukätephüng-a kangkhüngky üng kätü lä aenai vi näsaite tea mä-ai lä mäny ö te vi.

1 Johan 2:23

Äcäpaw bung aephae saite kung lä Äpä-ai hai bungtä awng haw y lyng. Isu lä Säthaw üng Cäpaw näkha cüngpra-a thui dylä äni lä mä-ai üng Pä-ai Säthaw hai bungtä kae vi dy.

1 Johan 2:4

Khimi lawngtä lä äni üng Ubädi tea tängai y käla ma kai lä “Säthaw tea mäny vi” nädylä kaeling kaemae thui te kae. Älo mitang lä äni tea awng y lyng.

1 Johan 4:20

Khimi lawngtä ma, “Kai lä Säthaw tea bälung aevaw vi” näkha thui kha äma üng yng saite rawijae na tea esäre te vi rawng nädylä äni lä kaeling kaemae sa te lawngtä kae vi. Nung haw saite äma üng rawijae na tea bälung aevaw y saite khimi lä, nung haw y saite Säthaw tea la bälung aevaw haw y lyng.

1 Johan 4:3

Tungaila Isu Khrista lä hini älawngpre-a Säthaw te üng ly te näkha thui y saite khimi na lä Säthaw üng Muilaw awng ö y lyng. Hini lä Khrista üng täre kälengky üng haidae vi. Äni lä ly ai näte angthang nang ce lä thai ö te vi dy. Hini älawngpre-a äni lä vaihi kätü-a mäteng ma awng rüng te vi dy.

1 Johan 5:1

Isu lä Mesia näkha yng saite khimi qütä na lä Säthaw üng caw nade na vi. Äpä-ai bung bälung aevaw saite khimi qütä lä äcaw na tea la bälung aevaw ö bawi te by vi.

2 Johan 1:7

Kaeling kaemae sa te awng mang saite na lä hini älawngpre mityng qütä-a tyng ö vi dy. Isu Khrista lä khimi-a aelawng kha hini älawngpre-a tyng saite tea äni ce lä aephae ö te vi. Honi kätyng thui saite khimi lä kaeling kaemae thui kha Khrista üng täre Kälengky-a aelawng te vi.

Judae 1:4

Ätephüng-a mei nädylä Säthaw lo tängai y saite khimi phütä na lä nang ce thung-a kangru mang kung ö te vi ba. Äni ce lä Säthaw üng tähang kähawi phüng-a äma ce üng ngaiphi tüng y saite kätyng awng haw vi näkha mätu ö te vi. Äni ce lä mä-ai üng Areng hai Ingkung lawngtä xyng awng saite Isu Khrista tea aephae ö vi. Äni ce tea lä Säthaw ma dengpy ai näkha jangni üng hai ma tärü rüng pyng te vi dy.

Lokphong 3:9

Tängai ö. Setan angra üng äkähui na lä Judae khimi tätang na y käla ma Judae khimi na näkha kaeling thui ö vi. Kai lä äni ce bung nang ce üng maw-a ly kha khokung-a aebo hai ö ai. Nang ce tea kai ma bälung aevaw saite lä äni ce angxynlyng na ma mäny ö ai.