1 Johan 2:17 - Caekäcai Kangthae (Lemi)

¹⁷ Älawngpre hai honi üng awng saite na tea ngaiphi saite na lä la ja saite na kae vi. Tungaila Säthaw üng aely kängai sa saite khimi lä dungtäsa hing vi ai.

Asang Khongso New Testament

¹⁷ Longnui hoi a thungih hmuenmae cungri, kami mah koeh ihnawk hae anghmat li boah; to-e Sithaw koehhaih ka sahnawk loa dungzan ah hing tih.

1 Johan 2:17 ပူးပေါင်းရင်းမြစ်များ

Mathai 21:31

Honi cäpaw lawng netä thung-a, äpä-ai üng kängai sa te lä ämi ta mei” näkha düng pa dy. Nang ce lä makä aedawng ö mei. Äni ce ma “Äcäpaw käleng” näkha mäthang pa. Isu ma äni ce tea “Tängai ö, angko cawng saite hai täkübäjang sa saite nawngmädi na lä nang ce Säthaw pre-a tyng y kälang-a äni ce tyng mang vi ai.

Mathai 24:35

Käni hai älawng lä pra ngaila kai üng älo lä manila pra y vi ai.

Mathai 7:21

“Khimi phütä na lä Kai tea ‘Areng ä, Areng ä’ näkha kähyng ngaila, sanphrang Säthaw pyng saite pre thung-a qa y vi ai. Känipre Kai üng Pä-ai Säthaw üng kängai sa saite na tea ni Äni ma ngai ai.

Marka 3:35

Khimi lawngtä lä Säthaw üng kängai kätyng sa dylä kai üng kangby jä-ai, ticaw hai nä-awi na kätyng kae dy” näkha mäthang pa haile dy.

Johan 4:14

Tungaila kai ma py saite tui nei te hengtä lä manila tui aehe he y dy. Hini tui lä äni üng äthung-a tui cäpring-a aelawng kha dungtäsa hing saite dang hai ai” näpa.

Johan 6:58

Hini la Känipre mang üng aeqa saite Täkaw vi. Nang ce üng kangsi na lä Mana täkaw ca kha dü ö te vi. Tungaila hini Täkaw tea ca saite khimi na lä dungtä hing jaw ö vi ai” näpa.

Johan 7:17

Khimi lawngtä ma Säthaw üng aely kängai sa he ngai dylä kai mätu te lä Säthaw te mang üng mei, kai ma üng mei näte äni mäny ai.

Pawlae ma Rom märü üng kangkawng tähang tärü saite cae 12:2

Nang ce lä hini älawngpre-a awng saite khimi üng reitae kätyng hing jawjaw ö hang. Nang ce lä mä-ai ma üng bälung kaedawng tea Säthaw ma mäqa king te hai-a äni ce ma nang ce tea kangthae lawng hai sy. Hokä dylä hawi saite na, Areng üng bälung-a kawng hai saite na näte Säthaw üng cungrü saite aely kängai lä mani mei näte tea nang ce lä mäny haw ö vi ai.

1 Korin 7:31

Vaihi khimi phütä na lä älawngpre üng khimi na kätyng awng ngaila hini älawngpre hai aesui saite na tea lä bälungrui sui jawjaw ö hethang kae y. Ätephüng-a mei nädylä, älawngpre hai hini älawngpre qawng-a awng saite angxynlyng na lä la ö vi ai.

Kolosa 1:9

Tukätephüng-a, nang ce üng angthang thai te phüng-a, nang ce tähang aehae y käla ma kai ni lä aetang jawjaw ö te vi. Säthaw lä nang ce tea mani kätyng awng hai hethang ngai mei näte mäny hethang kai ni lä aetang pa te vi. Säthaw lä nang ce tea Muilaw Käcai tähang hai, thaikaw te bälungkähae py hethang tähang kai ni lä Säthaw tea aetang hawi pa te vi dy.

Kolosa 4:12

Nang ce üng lawngtä Khrista Isu üng mawsawng Epaphra, la nang ce tea cibai sa te lo thui by vi. Nang ce tähang äni lä aetang jawjaw pa te vi. Nang ce üng yng saite cakhi hethang Säthaw üng sa pa saite na tea nang ce mäny hethang äni ma aetang jawjaw pa te vi dy.

1 Thesalon 4:3

Säthaw lä nang ce tea täkübäjang sa saite na aehi king kha käcai-a awng hai hethang ngai te vi.

1 Thesalon 5:18

Äte makäte la tyng mai sy, Säthaw tea kawng te lo thui ö. Khrista Isu hai-a Säthaw ma nang ce tea hini kätyng sa hai hethang ngai te vi.

Hebrai 10:36

Nang ce lä änawngsa jawjaw ö hethang aely ngai. Tukä dylä Säthaw üng aely kängai tea sa khüng te kätü-a, äma üng älo aedo saite na tea nang ce lä dang ö ai.

Jako 4:14

Nang ce lä khawngdang mang-a ätemakä awng ai mei näte mäny ö y. Nang ce üng hing saite lä tänaetä xyng awng kha laja saite khö sämawng kätyng vi.

1 Piter 1:5

Kangkhüng üng käni-a, Säthaw lä äma üng aeqang saite täphawng te kätü khytä, nang ce üng yng saite phüng-a äma üng haidae hai-a nang ce bung aedung pa vi dy.

1 Piter 4:2

Vaihi üng hai älawngpre-a nang ce üng hing saite kätü-a, nang ma ce üng ngaiphi tüng y saite kätyng awng hethang kae y. Säthaw üng aely kängai tähang hing ö lawi.