1 Johan 2:13 - Caekäcai Kangthae (Lemi)

¹³ Pä-ai na ä, angcü üng hai awng saite Areng bung nang ce lä mäny ö te phüng-a, nang ce tea kai lä cae tärü te vi. Anghyngli na ä, nang ce lä Setan angra tea bäja ö te phüng-a nang ce tea kai lä cae tärü te vi.

Asang Khongso New Testament

¹³ Ampanawk, atangsuek nahoiah ka om tangcae anih to na panoek o pongah nangcae khaeah ca kang tarik. Thendoengnawk, nangcae loa Kahoih-ai Kami to na pazawk o pongah hi ca hae kang tarik o.

1 Johan 2:13 ပူးပေါင်းရင်းမြစ်များ

Mathai 11:27

“Kai pä-ai ma kai tea haidae hai bälungkähae py king vi dy. Ämi lawngtä lä Säthaw üng cäpaw näte mäny y. Pä-ai lawngtä xyng ni mäny te kae vi. Äpä-ai näte ämi lä mäny y. Kai, Äni üng Cäpaw, ma mäny hai he ngai saite khimi phütä na lä Ä-ai tea mäny ö dy.

Mathai 13:19

Khimi lawngtä lä Säthaw ma Sanphrang sa kha pyng saite pre phüng thai kha äni ma mäny dylä, Setan angra lä äni üng bälung thung-a awng saite Säthaw üng lo tea la pa ja vi. Hini lä lolang qawng-a aeqa saite ämöti na tea mätae pa te vi.

Mathai 13:38

Lai lä älawngpre vi. Ämöti kähawi na lä Säthaw ma pyng saite khimi na vi. Ämöti kähawi y näte lä Setan angra ma pyng saite khimi na vi.

Mathai 5:37

Nang ce lä kälu hae haetä sa dylä, sa ai näkha thui. Sa y dylä, sa y näkha thui ö.

Luka 10:22

“Kai Pä-ai ma kai tea haidae hai bälungkähae py king vi dy. Säthaw üng Cäpaw näte ämi la mäny y. Pä-ai lawngtä xyng ni mäny te kae vi. Kai üng Pä-ai tea ämi la mäny y. Kai, äni üng Cäpaw ma qaitä mäny te kae. Kai, äni üng Cäpaw, ma mäny hai he ngai saite khimi phütä na lä Üngai tea mäny ö dy” näpa.

Johan 14:7

Nang ce ma Kai bung mäny tätang dylä, Kai üng Pä-ai bung la mäny ö ai mang. Vaihi üng hai aetawng kha nang ce lä, Kai üng Pä-ai bung mäny kha nung ö dy” näkha näpa.

Johan 14:9

Isu ma “Philip ä, Kai lä nang ce hai mangtä awng te qae vi dy. Nang ce lä vaihi khytä, Kai bung mae te y vi rawng mei. Kai bung nung saite khimi lä Kai üng Pä-ai bung nung te by kae dy. Kai üng Pä-ai bung kai ce tea mätü näkha ätephüng-a nang lä thui te mei.”

Johan 16:3

Khimi ce lä Pä-ai hai Kai ni bung mäny ö y te phüng-a, hini kätyng nang ce tea sa ö vi ai.

Johan 16:33

Nang ce lä Kai hai aesui kha awngneng hethang tähang hini phüng na Kai thui pyng te vi dy. Nang ce lä älawngpre-a mätangca saite na aeting ö vi ai. Tungaila aethaw aela kha awng ö. Kai lä älawngpre tea bäja te vi dy” näkha näpa.

Johan 17:21

Äni ce angxynlyng lä bungtä awng hethang aetang te kae. Pä-ai ä, Nang, lä Kai hai aesui kha Kai la nang hai aesui te kätyng, äni ce bung mä-ai ma hai aesui hai jo ba. Tukä ea ni Pä-ai nang ma Kai bung mätaw te älawngpre üng khimi na ma yng hethang kae.

Johan 17:3

Dungtäsa hing saite näte lä Säthaw tätang lawngtä xyng tea mäny te hai, Nang, Säthaw, ma mätaw saite Kai, Isu Khrista, bung mäny te tea näte vi.

Johan 8:19

Äni ce ma “Nang üng Pä-ai lä ma-a awng te vi nang mei” näkha düng pa. Isu ma lä “Kai hai Kai üng Pä-ai bung nang ce lä mäny ö te y. Nang ce lä Kai bung mäny dylä Pä-ai bung la mäny ö vi ai” näpa.

2 Korin 4:6

Säthaw ma, “Käving thung-a kaevang awng sy” näkha thui vi dy. Hini Säthaw lä mä-ai üng bälung na thung-a la äni üng kaevang aevang hai te vi dy. Tukätephüng-a Isu Khrista üng mimai-a mä-ai lä Säthaw üng phung-ang tea nung kha mäny haw ö te vi.

1 Timote 5:1

Nang qawng-a nawngmäcaw mätawngky lawngtä tea lä älo aethaw paitae hai pring pa hang. Äni tea lä nang üng äpä-ai kätyng tämö khai kha älo hai aepe pa. Nang qawng-a nade nawngmäcaw na tea lä äkangby na kätyng thui ba.

Titas 2:6

Hini kätyng särai na tea lä äma ce ma kähawi-a aeküng hethang mäci pa ö.

1 Johan 1:1

Angcü üng hai awng kha kähing py saite älo phüng kai ce ma nang ce tähang tärü ö te vi. Honi tea kai ce lä thai kha ämi hai kheng ea nung haw kha äkö hai aela khe ö saite vi.

1 Johan 2:1

Kai üng caw nade na ä, hunghö sa y hethang hini cae thung-a nang ce tea kai lä tärü te vi. Tungaila khimi lawngtä hunghö sa dylä, Pä-ai maw-a mä-ai üng jüng-a mäkai pa hethang lawngtä awng vi. Äni lä cüng saite Isu Khrista vi.

1 Johan 2:12

Kai üng bälung aevaw saite caw nade na ä, Säthaw ma nang ce üng hunghö na lä Khrista üng phüng-a bälawi vi dy näte phüng kai lä nang ce tea tärü te vi.

1 Johan 2:14

Kai üng caw nade na ä, nang ce lä mä-ai üng Pä-ai Säthaw tea mäny ö te phüng-a, nang ce tea kai lä cae tärü te vi. Pä-ai na ä, angcü üng awng saite Areng bung mäny ö te phüng-a nang ce tea kai lä cae tärü te vi. Anghyngli na ä, nang ce lä aethaw awng kha Säthaw üng lo lä nang ce üng bälung thung-a awng ea Setan angra tea bäja ö te phüng-a kai lä cae tärü te vi.

1 Johan 3:12

Äkangby Abela bung bädü kha Setan hai aesui saite Ka-i-na kätyng aelawng ö hang. Ätephüng-a Ka-i-na ma äkangby tea bädü mei nädylä, äni lä kähawi y na sa kha äkangby lä kätüng na sa te phüng-a vi.

1 Johan 4:4

Kai üng bälung aevaw saite caw nade na ä, nang ce lä Säthaw hai aesui saite na vi te phüng-a, buisaw kaeling na tea bäja ö vi dy. Ätephüng-a mei nädylä nang ce üng äthung-a awng saite Muilaw Käcai lä hini älawngpre-a pyng saite Setan üng haidae qawng-a lengky te phüng-a vi.

1 Johan 5:18

Säthaw üng caw nade na lä hunghö tea sa jawjaw y te mä-ai lä mäny ö te vi. Säthaw üng Cäpaw lä äni ce bung aedung hai pa te phüng-a Setan lä honi khimi tea käsi sa haw y lyng.

1 Johan 5:20

Säthaw üng Cäpaw lä hini älawngpre-a ly kha mä-ai tea mänykaw saite py te vi dy. Tukätephüng-a Säthaw tätang tea mä-ai lä mäny haw ö te vi. Mä-ai lä äni üng Cäpaw Isu Khrista hai bungtä awng te phüng-a, vaihi mä-ai lä Säthaw tätang hai bungtä awng ö te by vi. Hini lä Säthaw tätang vi. Äni lawngtä xyng ni khimi ce tea dungtäsa kähing py haw te kae.

Lokphong 12:11

Äni ce lä Beram caw üng äthi hai, äni ce thui saite Säthaw üng lo mitang hai-a Setan tea bäja ö vi dy. Äni ce lä dü hethang ri y käla äma ce üng hing saite tea la mäsai ö y vi dy.

Lokphong 2:7

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi na tea lä Säthaw üng angkhaw thung üng kähing py saite thingkawng kung üng äthai ca hethang kai ma py ai” näpa.