1 Johan 2:1 - Caekäcai Kangthae (Lemi)

¹ Kai üng caw nade na ä, hunghö sa y hethang hini cae thung-a nang ce tea kai lä tärü te vi. Tungaila khimi lawngtä hunghö sa dylä, Pä-ai maw-a mä-ai üng jüng-a mäkai pa hethang lawngtä awng vi. Äni lä cüng saite Isu Khrista vi.

Asang Khongso New Testament

¹ Ka canawk, zaehaih na sak o han aiah hi ca hae nangcae khaeah kang tarik; to-e longlongto mah zaehaih sah moeng nahaeloa aicae zuengah Pa khaeah ka hnih hanah kami katoeng Jesuh to aicae mah tawnh o.

1 Johan 2:1 ပူးပေါင်းရင်းမြစ်များ

Luka 10:22

“Kai Pä-ai ma kai tea haidae hai bälungkähae py king vi dy. Säthaw üng Cäpaw näte ämi la mäny y. Pä-ai lawngtä xyng ni mäny te kae vi. Kai üng Pä-ai tea ämi la mäny y. Kai, äni üng Cäpaw ma qaitä mäny te kae. Kai, äni üng Cäpaw, ma mäny hai he ngai saite khimi phütä na lä Üngai tea mäny ö dy” näpa.

Johan 13:33

Kai caw nade na ä, Kai lä nang ce hai tänaetä awng he kae dy. Nang ce lä Kai bung mäqang ö vi ai. ‘Kai ly saite mityng-a, nang ce lä ly haw y lyng’ näkha Judae mätawngky na tea thui te kätyng, vaihi nang ce tea la Kai ma thui te dy ba.

Johan 14:16

Kai lä Pä-ai tea mäkai kha nang ce hai mangtä awng jawjaw hethang säbawng saite Kung lawgtä bung mätaw ai mang.

Johan 14:6

Isu ma “Kai lä lolang vi. Älo mitang hai Hing saite la vi. Pä-ai tea tyng rung khytä ly haw saite lolang lä Kai ma qaitä kae.

Johan 21:5

Isu ma “Rawijae na ä, mawi dang ö mei” näkha düng pa. Äni ce ma “Dang y vi” näpa.

Johan 5:14

Tupyng-a Isu ma äni bung Säthaw üng Ingkäcai-a aeting ea “Nang lä vaihi naw te hawi vi dy. Hunghö sa haile vi hang lawi ba. Tukä y dylä nang tea lä hini qawng-a cang y mätang te tyng ai” näkha näpa.

Johan 5:36

Baptismae Johan üng ätete lo thui te qawng-a lengky saite ätete lo lä kai tea awng. Honi na khüng hai hethang Pä-ai ma kai kö thung-a a saite kälu vi. Kai vaihi sa saite kälu lä kai bung Pä-ai ma mätaw kha mätü te vi dy.

Johan 6:27

Aekang y saite käcakänei na tähang aethawsa ö y ma. Dungtäsa kähing py saite käcakänei na tähang aethawsa ö. Kai, Khimi üng Cäpaw, ma nang ce tähang hini käcakänei na py ai mang. Ätephüng-a mei nädylä kai üng Pä-ai Säthaw lä kai tea bälung kähawi mätü king te vi dy” näkha näpa.

Johan 8:11

Nawngmädi ma “Areng ä, ämi lawngtä la awng y vi dy” näkha näpa. Isu ma “Kai la nang üng hunghö phüng-a dengpy y lyng. Ly lawi mai cü. Hunghö sa vi hang lawi ba” näkha näpa.

Angtawtha 7:52

Nang ce üng kangsi na lä, buisaw angxynlyng na tea sakälö khü ö te vi. Äni ce lä Säthaw üng mawsawng käcüng ly ai näkha thui rüng saite buisaw na tea la bädü ö te vi dy. Vaihi nang ce lä, äni ce bung a kha bädü hai ö pa vi dy.

Pawlae ma Rom märü üng kangkawng tähang tärü saite cae 5:10

Jangni-a mä-ai lä Säthaw üng täre na-a lawng vai ö te vi dy. Tungaila äni üng Cäpaw dü saite hai-a, mä-ai tea äni üng kangby jä-ai na-a bälawng te vi dy. Vaihi mä-ai lä Säthaw üng kangby jä-ai na lawng ö vi dy. Khrista üng hing te hai-a Säthaw lä mä-ai bung aeqang tätang khaw vi ai.

Pawlae ma Rom märü üng kangkawng tähang tärü saite cae 6:15

Khimi phütä ma, “Mä-ai lä Ubädi thung-a awng te kätyng hing hethang ngai y vi dy. Säthaw üng tähang kähawi hai-a awng te phüng-a, hunghö sa haw ö vi dy” näkha nä ö vi. Honi kätyng lä tätang y lyng.

Pawlae ma Rom märü üng kangkawng tähang tärü saite cae 8:34

Äni ce tea ämi ma dengpy ai mei. Isu Khrista lä mä-ai tea dengpy y lyng. Äni lä mä-ai tähang dü hai pa te cang y, Säthaw lä äni bung kädü thung üng mätha tyng pa te vi dy. Vaihi äni lä Säthaw üng bangtang mang-a awng kha mä-ai tähang Säthaw tea aetang pa te vi.

1 Korin 15:34

Lo mitang phüng tea kähawi-a dawng kha nang ce üng tämang saite lang mang-a hui jawjaw ö vi hang lawi. Kai lä nang ce thung-a Säthaw bung mäny y saite khimi na awng vi näte thui hethang kae. Hini phüng-a nang ce lä saerae hethang kae ö te vi.

2 Korin 5:21

Khrista lä manila äte hunghö sa vai te y vi. Tungaila Säthaw lä mä-ai üng tähang-a äni tea lä hunghö awng te kätyng mäthi te vi dy. Tukätephüng-a mä-ai lä Khrista hai bungtä awng ö dylä, Säthaw ma mä-ai tea lä khimi käcüng-a mäthi vi ai.

Galati 4:19

Kai üng ngai bärai saite caw nade na ä, nawngmädi lawngtä lä äby aepeng te kätü-a, naw mätang te kätyng nang ce tähang-a kai la naw mätang haile tyng te by vi. Nang ce lä Khrista tea yng te kähing sai ryng khü y rytä lä, kai lä honi naw mätang saite tea aeting vi ai rawng.

Ephesi 2:18

Khrista phüng-a nang ce hai kai ce lä haetä saite Muilaw Käcai hai-a mä-ai üng Pä-ai Säthaw tea ly haw te vi.

Ephesi 4:26

Nang ce kädawtho dylä, hunghö sa ö hang. Käni düng y te kälang-a ma kädawtho te aenawng ö lawi.

1 Timote 2:5

Ätephüng-a mei nädylä Säthaw lä lawngtä xyng awng kae. Khimi ce hai Säthaw säla-a aede hethang sa haw pa saite Kung lä Khrista Isu lawngtä xyng kae vi.

1 Timote 3:14

Kai lä nang awng tea Ephesi märü-a qae y te kätü-a tyng hethang aethang khai tätang ngaila, hini täru saite lo na nang tea tärü te vi.

Hebrai 9:24

Khrista lä khimi ce üng äkö hai sa saite Mityng Käcai-a kung te y lyng. Älawngpre-a awng saite Mityng Käcai lä Känipre-a awng saite Mityng Käcai täthei vi dy. Äni lä mä-ai üng jüng-a Säthaw üng maw-a tyng hethang Känipre-a kung te vi dy.

Jako 1:27

Mä-ai üng Pä-ai Säthaw ngai saite kälu na lä mätang bälai saite ruicaw na hai nawngmädi lömai na tea säbawng hethang vi. Tukha hini älawngpre khimi na üng käsi sa saite hai-a, nang ce lä pawprae y hethang aethawsa ö.

Jako 3:9

Mä-ai lä mä-ai üng Pä-ai hai Areng tea bälai hai bälaw kha Säthaw üng ämaw äcae kätyng sa saite khimi na tea lä täking ö te by vi.

1 Piter 2:22

Äni lä hunghö sa vai te y. Äni lä kaeling kaemae lo thui vai te y vi.

1 Piter 3:18

Mä-ai üng hunghö angxynlyng na tähang Khrista lä qengtä dü pa te vi dy. Äni lä nang ce bung Säthaw tea nähai hethang cüng saite lawngtä lä cüng y saite na tähang dü pa te vi dy. Khimi ce ma äni üng ätabung tea bädü ngaila, Säthaw lä äni bung Muilaw Käcai hai-a mäning haile tyng pa vi dy.

1 Johan 3:18

Kai üng bälung aevaw saite caw nade na ä, mä-ai üng bälung aevaw saite lä älo hai ma qaitä aecyng haw y. Mitang khaw saite hai kähawi na sa kha mä-ai üng bälung aevaw saite na tea mätü ö si ba.

1 Johan 3:5

Khrista lä mä-ai üng hunghö na tea nähaija hethang tyng te tea nang ce lä mäny ö te vi. Äni lä äte hunghö la sa te y lyng.

1 Johan 3:7

Kai üng caw nade na ä, nang ce tea ämi ma la the haw y hang sy. Käcüng tea sa saite khimi na ni Säthaw maw-a khimi käcüng kätyng aelawng ö te vi. Hini khimi na lä Säthaw maw-a Khrista kätyng cüng saite na vi dy.

1 Johan 4:4

Kai üng bälung aevaw saite caw nade na ä, nang ce lä Säthaw hai aesui saite na vi te phüng-a, buisaw kaeling na tea bäja ö vi dy. Ätephüng-a mei nädylä nang ce üng äthung-a awng saite Muilaw Käcai lä hini älawngpre-a pyng saite Setan üng haidae qawng-a lengky te phüng-a vi.

1 Johan 5:17

Sa tämang saite angxynlyng na lä hunghö vi. Tungaila Säthaw ma dü te khytä dengpy y saite hunghö la awng te vi.

1 Johan 5:21

Tukätephüng-a kai üng caw nade na ä, mimi na tea lä cäphaw y hethang nang ce lä sädi khai ö.

3 Johan 1:4

Kai üng caw nade na lä Säthaw üng lo mitang-a hing te phüng thai kha kai lä anghawtho hai te qawng-a äte kälang haetä la awng y vi.