तीतस् 3:9 - चेपाङ

⁹ ओउः कुराखेपाय् स्‍याव्‌लेःनाः आह्रे त्‍यानःकाय्ओ कुरामा नाःतो होह्र् थेङ्‌सा कुरामा ऐन्‌कोः काय्‌काय्ओ कुराकायःमा फेउ। ओउःत जाङ्‌ह्‌ती दोह्‌मा काम् लोल।

तीतस् 3:9 ပူးပေါင်းရင်းမြစ်များ

१ कोरीन्‍थी 13:2

फेरी सुसुइलो परमेस्‍वर्‌कोः ङ्‌हा छ्यानःआक्‌मालो कुरा सबैलेः जुगाङ् जोतोलेः छ्यानःसा खाय्‌चौ सुसुइलो आन पेतो ङ्‌हाम्‌ती झ्‍यान्‍ते दान्‍दाकायः न्‍हेङःती ल्‍होक्‌सा खाय्‌चौ बुरु अरुलम्‌कायः राप्‌नीली त खेःया ओउःपाय् दोह्‌मा खेःल बा।

१ कोरीन्‍थी 8:1

द्यव्‌ताकायः ल्‍हाओ जेःगाकोः कुरा ङाइ द्याह् तोनेःनाङ्‌स। “ङीइ सबैपाय् व्‍हाय्ओ ल्‍हुङ् दोःआतय्‍ही” त चीःनाःतय्‍ह्‌नी। एत चीःसापाय् चीःनाःतय्‍ही ओउःत चीःओ मान्‍ताखेइ लयःकायःलेः ताङ्‌ह्‌ताक्‌सा बोङःनानी। राप्ओ ल्‍हुङ् नाःओ मान्‍ताखेइ अरुकायःलेः पेतो स्‍याव्‌ताक्‌नानी।

१ तीमोथी 4:7

ओउः उय्‍ह्‌लेकोः दोङ् कुरा खेःमालो ल्‍हाक्‌राय्‌कोः खाल्‌लम्‌मा अरु आह्रे नोःओमा सायःतेःचौ ओउः कुरापाय् दोह्‌मा हायःउलु। परमेस्‍वर्‌कोः ल्‍याम्‌हाङः वाह्‌सा बोङःउ।

२ तीमोथी 2:14

ओउः कुरापाय् नाङ्इ स्‍यान्ओलम्‌कायः कोदीङःती तोउसु। “लौ स्‍यान्ओ कुराकायः गलमा काय्‌काय्‌तेःचनै” त दाय्‍ह्‌ती ओउःमयःकायः परमेस्‍वर्‌कोः मीक्‌हाङः गानाक्‌ती तोमाउसु। काय्‌काय्‌धार्‌नालेः सायःओलम्‌कायः ब्रःताक्‌नाःथास वाय्‌ताक्‌नाःथास पेओपाय् दोह्‌मा जाङ्‌ह्‌नीली।

२ तीमोथी 2:16

ल्‍हाव्‍ह्‌दैबाङ्‌कोः आह्रे भाङःती नोःओ कुरालम्‌सै वेङ्‌ती मुस ओउःत आह्रे नोःओइलेः मान्‍तालम्‌कायः परमेस्‍वर्‌कःसै न्‍हाङ्‌तोलेः लोक्‌तो लोक्‌तो स्‍याव्‌ताक्‌नाःथास।

२ तीमोथी 2:23

आह्रे व्‍हाय्‌मालो कुरा नोःओलम्‌कुस् वाह्‌तेःचाः ओउःत हायःओसै काय्‌काय्‌ताक्‌काय्‌सा वाङ्‌नाः इत नाङ्इ चीःतेःनौ।

तीतस् 1:14

ओहाङःसैको ओउःमयःइ यहुदीकोः वीनःराय्‌लम्‌मा दोङ् कुरा सायःसा ग्‍यामालोलम्‌कोः आह्रे नोःओमा सायःओकायः फेनानी।

याकुब् 4:1

नीङ्‌कःहाङः दोह् हायःती काय्‌काय्ओमा मीन्‍ह्‌काय्ओमा मुनाः। ओउःत हायःओपाय् लयःकोः ल्‍हुङ्‌कोः मोह्‌हाय्ओसै वाङ्ओआः बा।