तीतस् 3:7 - चेपाङ7 ओहाङःसैको ङीकायः योनःती योती लयःकोः मीक्हाङः ओजायः जय्कुमःत जाङ्ह्नाःतय्ही। ओहाङःसैको ङीइ गलमा द्योक्मालो जीङः “लोने दोःनाःतय्ही” त म्हर्ती झाह्तीलेः ल्युङ्ह्नाःतय्ही। အခန်းကိုကြည့်ပါ။ |
तीतस् 3:7
25 ပူးပေါင်းရင်းမြစ်များ
ओउःत झ्यान्ते ओउः तोती गम्ओ कुरापाय् परमेस्वर्इ ङ्हाम्ओलम्कायः ल्हुङ् साय्क्तोलेः सोह् बयःनाःथास। ऐन् पेतो जाङ्ह्झ्याङ्कायः बयःओ खेःल ओउः तोती गम्ओ कुरापाय् सबै आब्राहाम्कोः प्लोमःदाने मोमःदाने त तोओलम्कायः स्याव्नाः। ओउः ऐन् चीःती जाङ्ह्ओलम्कायःमा अरु ऐन् चीःमामाःत आब्राहाम्लो लेखा ङ्हाम्ओ मान्तालम्कायःमा स्याव्लेःनाः। ओउःत खेःओ आब्राहाम्पाय् ङी सबैकोः तोकानः लेखालेः मुनाः।
फेरी ङीपाय् परमेस्वर्कोः चोःलम् खेःनाःतय्ही त खेःया ङी चोःलम्लो लेखालेः परमेस्वर् आपासै पेओ दान् दोःनाःतय्ही। दोह् दोह् पेओलम् परमेस्वर्इ ख्रीस्कायः सेती गम्लेःआकान् ओउःलेः येसु ख्रीस्कुस्इ थाःतोलेः त्याक्मातय्ह्नी। ङीइ ख्रीस्कुस् लीह्सीःओ गोरःमानाःतय्ह्नी त खेःया ओउःकुस् ब्राङ्ती ताङ्ह्तोलेः स्याव्मानाःतय्ही।
ओउःतलेः खेःनाःतय्ही ऐन्कोः कुरा जाङ्ह्ती परमेस्वर्कोः मीक्हाङः सुइमा जुगाङ् पेतोलेः स्याव्सा खाय्तय्ह्नीली। येसु ख्रीस्कोः कुरा ङ्हाम्आक्तीको ह पेतो छय्ङ्तोलेः स्याव्नाःतय्ही। एत चीःती ङी यहुदीलम्इमा परमेस्वर्कोः मीक्हाङः पेतो स्याव्साकायः येसु ख्रीस्कोः कुरा ङ्हाम्नाःतय्ह्नी ऐन्कोः कुरा जाङ्ह्तय्ह्नीली दोह् हायःती दाय्ह्सा ऐन्कोः कुरा जाङ्ह्ती परमेस्वर्कोः मीक्हाङः सुमा पेतो स्याव्इली।
ओहाङःसैको नोआह्इमा परमेस्वर्कायः ङ्हाम्ती झ्यान्ते परमेस्वर्इ तोओ लोनेः वाङ्सा खेःओ कुरापाय् ओउः कुरा च्यवःधाङ्माःखाहाङः ओउःइ सायःआकान्। सायःआक्तीको नोआह्इ परमेस्वर्कः रैती लयःकोः कीम्कोः मान्तालम् दल्ताक्साकायः ताङ्ह्ओ “आर्क्” त तोओ तीःजहास् जाङ्ह्आकान्। जाङ्ह्आक्तीको ओउः जहास्हाङः पोस्ती नोआह्मा ओउःकोः कीम्कोः मान्तालम्मा सबै दल्आकाय्। ओउःइ ङ्हाम्आक्तीको दल्आकाय् त झ्यान्ते ओउःइ अरु सीओ ल्हाव्ह्दैबाङ्कोः मान्तालम्कायः “पेमालो हायःआकानी” त छ्यानःआकान्। ओहाङःसैको ओउःकोः ङ्हाम्झ्याङ्कायः परमेस्वर्कोः मीक्हाङः नोआह् पेतो स्याव्लेःआ।
फेरी नीङ् पुःचोङ्लम्य “बुधीपाय् ङासै ध्यव्ओ लेःआः” त चीःती लःलयःकोः बुधीकुस् याक्ती ओउःकायः लव्ह्ती बयःनु दा। नाङ्कोः बुधीपाय् नाङ्कुस् आङ् ब्राङ्ती परमेस्वर्इ योनःती बयःओ रौ जीङः दोःतेःनाःज। एत चीःनु ओहाङःसैको ओउःकायः पेतो हायःआक्तीको नीङ्कोः तेओ कुरा परमेस्वर्इ ल्हेत्माःत ग्याती सायःलेःनै।
ကြော်ငြာတွေ