तीतस् 3:1 - चेपाङ

¹ सर्‌कार्‌कोः मान्‍तालम्‌कोः कुरामा सर्‌कार्‌कोः हुकुम् बयःओलम्‌कोः कुरामा ग्‍याती सायःनु। “पेओ काम्‌मा गलकायःमा गेती जाङ्‌ह्‌नु” त दाय्‍ह्‌ती मान्‍तालम्‌कायः स्‍यान्‌ती तोउ दा।

तीतस् 3:1 ပူးပေါင်းရင်းမြစ်များ

मत्ती 22:21

“इपाय् सीजर्‌ राजाकोः लेःआः” त दाय्‍ह्‌ती त्‍याङ्इतो “ओउःत झ्‍यान्‍ते ओउः पैसा सीजर्‌ राजाकोः लेःआः माःर। दोह् खेःयामा सीजर्‌कोः लेःआः मुनाः ओउःखेलेः सीजर्‌कायः पाय्‍क्‌पाः। दोह् खेःयामा परमेस्‍वर्‌कोः खेःनाः ओउःखेलेः परमेस्‍वर्‌कायः पाय्‍क्‌पाः” त दाय्‍ह्‌ती येसु त्‍याङ्आ।

१ कोरीन्‍थी 15:58

लौ उया ङाइ राप्ओ पुःचोङ् हौचोङ्‌य ग्रमःत मुती प्रभुकोः काम्‌पाय् गलकायःमा पेतो म्‍ह्याङ्‌तीलेः जाङ्‌ह्‌झुङ्‌नु दा ओउःपाय् आह्रे काम् खेःबाय्‌ल।

एफेसस् 2:10

ङीकायःपाय् ओउःइ ङ्‌हा रय्‍ह्‌ती गम्ओ काम्‌लम् जाङ्‌ह्‌ती वाह्‌साकायःलेः परमेस्‍वर्‌इ ख्रीस्‌कुस्इ जाङ्‌ह्आतय्‍ही।

फीलीपी 1:11

ओहाङःसैको एत वाह्‌ती येसु ख्रीस्इ बयःओ दोङ् पेओ कुरा दोःती परमेस्‍वर्‌कायः लुङ्‌ती ताङ्‌ह्‌तेःताक्‌सा खाय्‌तेःनानी।

कोलसी 1:10

ओहाङःसैको परमेस्‍वर्‌ झाक्ओ कुरापाय् न्‍हाङ्‌तोलेः चीःती नीङ्इ सबै पेओ काम्‌लम् जाङ्‌ह्‌तीलेः वाह्‌ती झ्‍यान्‍ते ओउःकायः गलकायःमा म्रोताक्‌सा खाय्‌तेःनानी।

१ तीमोथी 2:2

राजालम्‌कायःमा अरु हुकुम् बयःओलम्‌कायःमा तेती तोनु ओउःमयःइ पेतो हायःनानी त खेःया ङी लीह्‌माःत ल्‍हुङ् धोमाय्‌तो स्‍याव्‌ती परमेस्‍वर्‌कः एङःती ओउःकोः काम् पेतो जाङ्‌ह्‌ती मुसा दोःनाःतय्‍ही।

१ तीमोथी 4:6

इ कुरापाय् नाङ्इ अरु ङ्‌हाम्ओ पुःचोङ् हौचोङ्‌कायः स्‍यान्‌तेःनौ त खेःया येसु ख्रीस्‌कोः काम् पेतो जाङ्‌ह्‌तेःनौ। ओउः दोङ् ङ्‌हाम्‌ताक्‌सा कुरा सायःतीमा ओउः पेओ स्‍यान्‌राय् ग्‍याती जाङ्‌ह्‌तीमा नाङ्इ व्‍हाय्‌तोलेः वाह्‌सा खाय्‌तेःनौ।

१ तीमोथी 5:10

ओउः मान्‍ताइपाय् पेओ काम् जाङ्‌ह्ओकायः अरुइ तय्‍ह्‌पाःथास। फेरी ओउःमयः लयःकोः चोःलम्‌कायः पेतो स्‍यान्ओ खेःओ खेःतो अरु मान्‍ताकायः कीम्‌हाङः पेतो रोम्ओमा ङ्‌हाम्ओलम्‌कायः पेतो स्‍यवओमा खेःओ खेःतो। लीह्‌सीःओ गोरःओलम्‌कायः लव्‍ह्ओमा सबै पेओ काम्‌लम् जाङ्‌ह्ओ खेःओ खेःतो।

२ तीमोथी 1:6

ओउःत खेःओ ओउः परमेस्‍वर्‌इ बयःओ ग्‍वम्‌लेः सबै काम् जाङ्‌ह्‌साकायः गम्उ दा। ओउः ग्‍वम्‌पाय् ङाइ नाङ्‌कःहाङः क्रुत् झाम्‍ह्ओ बेलाहाङः दोःतेःआ।

२ तीमोथी 2:14

ओउः कुरापाय् नाङ्इ स्‍यान्ओलम्‌कायः कोदीङःती तोउसु। “लौ स्‍यान्ओ कुराकायः गलमा काय्‌काय्‌तेःचनै” त दाय्‍ह्‌ती ओउःमयःकायः परमेस्‍वर्‌कोः मीक्‌हाङः गानाक्‌ती तोमाउसु। काय्‌काय्‌धार्‌नालेः सायःओलम्‌कायः ब्रःताक्‌नाःथास वाय्‌ताक्‌नाःथास पेओपाय् दोह्‌मा जाङ्‌ह्‌नीली।

२ तीमोथी 2:21

ओउः पेमालो खाल्‌लम् ताती वाय्आकानी त खेःया सबै पेओलेः मुनाः। ओउःतलेः मान्‍ताइ रेव्ओ काम् फेती वाय्आक्‌तीको छय्‍ङ्‌तो स्‍याव्‌ती प्रभुकायः खाले पेओ काम् म्‍ह्याङ्‌ती जाङ्‌ह्‌सा खाय्‌नानी।

तीतस् 1:16

“ङीइ परमेस्‍वर्‌कायः तय्‍ह्‌नाङःसु” त दाय्‍ह्‌ती ओउःमयःइ नोःनीतो पेमालो काम् जाङ्‌ह्‌नानी त झ्‍यान्‍ते “परमेस्‍वर्‌कायः तय्‍ह्‌नीली” त सबैकायः छ्यानःओ लेःआः। ओउःमयःपाय् अह्र्सीःओमा ल्‍हुङ् चाक्ओमा मुलेःनै पेओ काम् दोह्‌मा जाङ्‌ह्‌सा खाय्‌नीली।

तीतस् 2:14

ओउः ख्रीस्इपाय् लयःकोः आङ् ल्‍हाङ्‌ती ङीकायः रेव्ओ काम्‌सै दल्‌ताक्आतय्‍ही छय्‍ङ्‌ताक्‌नाःतय्‍ही। ओहाङःसै ङीपाय् ओउःकोः मान्‍ता ह स्‍याव्‌ती पेओ काम् जाङ्‌ह्‌सा गेतो स्‍याव्‌तय्‍ही।

तीतस् 3:14

ङीकोः मान्‍तालम्इ दोह् दोह् थोक्‌लम् राह्‌तो लेःआः ओउः थोक् दोःताक्‌साकायः काम् पेतो जाङ्‌ह्‌सा खेःइतो। ओउःमयः काम् जाङ्‌ह्‌माःत मुसा स्‍याव्‌ल।

तीतस् 3:8

लौ इपाय् दोङ् ङ्‌हाम्‌सीःआ कुरा लेःआः। इ कुरामा नाङ्इ परमेस्‍वर्‌कोः ङ्‌हाम्ओलम्‌कायः सबै दोङ्‌ह्‌तोलेः स्‍यान्‌सा खेःतो ओहाङःसैको ओउःमयः पेतोलेः हायःती वाह्‌सा खाय्‌नानी। इ कुरापाय् सबैकायः पेलेःनाः स्‍याव्‌लेःनाः।

२ पत्रुस् 1:12

इ दोङ् कुरापाय् नीङ्इ चीःती पेतो ग्रमःतलेः ङ्‌हाम्‌तेःनानी चीःसापाय् पेतोलेः चीःतेःनानी ङाइ ओउः कुरापाय् कोदीङःती तोनेःनाङ्‌स।

यहुदा 1:5

नीङ्इ ङ्‌हा चीःओ कुरा ङाइ पुछ्युङःती तोनेःनाङ्‌स। उय्‍ह्‌लेहाङः प्रभुइ लयःकोः मान्‍तालम्‌कायः मीस्रा देस्‌सै वानःती दल्‌ताक्आथास। ओउःमयःकायः दल्‌सापाय् दल्‌ताक्‌थासतो ओउःमयःकःहाङः सुसुइ लोने ओउःकायः ङ्‌हाम्‌सा ग्‍यामालो खेःतो ओउःमयःकायःलेः प्रभुइ लोनेः वाय्‌ताक्आथास।