तीतस् 2:14 - चेपाङ14 ओउः ख्रीस्इपाय् लयःकोः आङ् ल्हाङ्ती ङीकायः रेव्ओ काम्सै दल्ताक्आतय्ही छय्ङ्ताक्नाःतय्ही। ओहाङःसै ङीपाय् ओउःकोः मान्ता ह स्याव्ती पेओ काम् जाङ्ह्सा गेतो स्याव्तय्ही। အခန်းကိုကြည့်ပါ။ |
तीतस् 2:14
54 ပူးပေါင်းရင်းမြစ်များ
ङाइ नीङ्कायः पेतो स्यान्नेःआलाङ्स त झ्यान्ते नीङ् लःलयःकायः साहीनीङ्सी लयःकोः येसुकायः ङ्हाम्ओ पुःचोङ्लम् हौचोङ्लम्कायः लव्ह्ती ओम्पायःती गम्नु दा। ओउःमयःकायः योसाकायः परमेस्वर्कोः ग्वालामःइ बयःतेःआकाय्। ओहाङःसैको लयःकायः ङ्हाम्ओलम्कायः येसुइ क्ल्याय्ओ सीङःहाङः ल्हाङःती लयःकोः वयः बयःआकान् ओउःत झ्यान्ते प्रभुकोः मान्तालम् पेतो योती साहीती मुन दा। इ ङाइ तोओ कुरा सुइमा म्हेःलाम्।
ओउः चोःपाय् परमेस्वर्सै दोःती न्याम्कोः रोलो लेखालेः अङ्गाय् थङ्गाय् त आन पेतोलेः थोङ्नाः। ओहाङःसै गतलो परमेस्वर्लेः मुनाः चोःपाय् ओउःतलेः घार्तोलेः मुनाः। ओउःकोः ग्वम् नाःओ नोःराय्इ सबै थोक्लम् स्यास्तीलेः मुनाः। सबैकायः रेव्ओ काम्सै छय्ङ्ताक्आक्तीको ओउःपाय् सबैसै ताङ्ह्ओ परमेस्वर्कायः गुल्ह्दाङ् स्याव्ती ओउःकोः ङोय्दोहाङः मुलेःनाः।
गुच्युक् न्हाङ्तोलेः ख्रीस्कोः वयःइपाय् ङीकोः ल्हुङ्तुक्खे छय्ङ्ताक्सा खाय्नौ बा। ओउः जुगाङ् नीङ्तो ख्रीस्इपाय् परमेस्वर्कोः गलकायः मुओ ग्वालामःकोः ग्वम् दोःती लयःकोः आङ्लेः परमेस्वर्कायः ल्हाआकास। ओहाङःसै ख्रीस्कोः वयःइ ङीकायः आह्रे जवओ काम्लम् फेताक्नाःतय्ही ओउःत हायःती ङीइ ओउः जीङः नाःओ परमेस्वर्कायः काम् जाङ्ह्सा खाय्नाःतय्ह्नी।
नीङ्कोः आय्कानः तोकानःइ आह्रे जवती जाङ्ह्ओसै दल्ताक्साकायः ह्र्याती मीह्ती वाय्सा खाय्ओ सुन् चान्दी ल्हाङःती बयःओ खेःबाय्ल त नीङ्इ चीःतेःनानी। सुन् चान्दीखेपाय् खेःल ओउः सबैसै महङ्गो येसु ख्रीस्कोः ल्हाती गम्ओ वयःखे ल्हाङःती बयःओलेः। ओउः ख्रीस्पाय् पेओमा केह्ओ भेदा मेत्छ्याःकोः चोःलो लेखालेः सात्साकायः ल्हाओ लेःआः।
नीङ्खे आने ओउः खाल्कोः मान्तालेः खेःतेःइली। नीङ्खेपाय् परमेस्वर्इ लयः छीह्ओमयःलेःतेः इ। राजाकोः पुरोहीत्लो लेखा स्याव्ती नीङ् रेव्ओसै पेङ्कलःती जय्कुमःत मुओ परमेस्वर्कोः लयःकोः मान्तालम्लेःतेः इ। ओउःत खेःओ “परमेस्वर्पाय् गुच्युक् पेओलेः हायःआकान्” त नीङ्इ अरुकायः छ्यानःती तोसाकायःलेः ओउःइ नीङ्कायः “लौ नीङ्कोः च्याक्ओमा रेव्तो वाह्ओसै फेती ङाकोः पेओ थोङ्तो स्याव्ओहाङः वाह्लाङ् वाङ्न” त दाय्ह्ती गोत्ती तोतेःआकाय्।
ओउः दोह्मा रेव्ओ जाङ्ह्मालो ख्रीस्पाय् ङीकोः रेव्ओ काम्लम् सबै क्युम्ह्ती वाय्साकायः यातै पेन्ह्हाङः सीलेःआ। ओउः पेओ नीङ्ओ मान्ताइपाय् ङी रेव्ओ मान्तालम् परमेस्वर्कुस् गोय्खामःसाकायः ङीकोः होन्त लीह्सीःओ गोरःआकान्। ओउःकोः आङ् मुतोक्हाङः येसुपाय् सात्ओ खेःतो परमेस्वर्कोः ग्वम्इ उह्ती च्योक्ताक्ओ खेःतो।
ओउः ङ्हाम्सीःओ परमेस्वर्कोः कुरा छ्यानःओचाक् येसु ख्रीस्इमा नीङ्कायः योनःती योती ल्हुङ् धोमाय्ताक्तेःपै। ओउः परमेस्वर्कोः चोः येसुपाय् अरुसै ङ्हालेः सीओसै उह्ती च्योक्माआ ओउःपाय् ल्हाव्ह्दैबाङ्कोः राजालम्सै पुःमानाः। येसु ख्रीस्इपाय् ङीकायः राप्लेःनाःतय्ही ओउःकोः वयः बयःती ङीकोः रेव्झ्याङ्कोः क्युम्ह्ताक्आतय्ही।
ကြော်ငြာတွေ