तीतस् 2:12 - चेपाङ12 ओउःकोः ग्वम्इपाय् परमेस्वर्कः ग्यामालो ल्हुङ्मा ल्हाव्ह्दैबाङ्कोः मोह्हाय्ओ ल्हुङ्कायःमा फेताक्नाःतय्ही ओउः फेआक्तीको पेओ काङ्ओ परमेस्वर्कः झाक्ओ ल्हुङ् तेन्छ्याङ् दोःती वाह्ताक्नाःतय्ही အခန်းကိုကြည့်ပါ။ |
तीतस् 2:12
59 ပူးပေါင်းရင်းမြစ်များ
तोतोक् बेलाहाङः “येसुकोः कुरा दोह् दोह् ङ्हाम्सा खेःतो” त पावुल्इ स्यान्ती “मान्तालम्इ लयःकोः रेव्ओकायः जाङ्ह्सामा म्हर्सामा स्याव्ल। सुसुलोइ पेमालो काम् फेसा ग्याइली लोनेः वाङ्सा दीन्हाङः ओउःमयःकायःलेः परमेस्वर्इ न्युम्ह्ताक्नाःथास” तमा पावुल्इ स्यान्ती तोतोक्हाङः फेलीकस्पाय् ल्हुङ् र्याङःती रैती “लौ छ्यो द्याह् इच्युक्लेः स्याव्पाः। आल्अ दा अरु काम् नाःमाःत य्हाङःओ बेलाहाङः ङाइ फेरी सायःलाङ् गोत्चेःनाङ्” त दाय्ह्ती पावुल्कायः ल्होक्आथै।
ओहाङःसै परमेस्वर्कायः चीःमालो ल्हाव्ह्दैबाङ्कोः मान्तालम्लो लेखालेः वाह्लाम् परमेस्वर्इ बयःओ रौ ल्हुङ् दोःती वाह्न। ओहाङःसै परमेस्वर्कोः ल्हुङ्हाङः झाक्ओ कुरालेः चीःसा खाय्तेःनानी। दोह् दोह् कुरा पेओ लेःआः दोह् दोह् कुरा ओउःकायः म्रोताक्ओ लेःआः दोह् दोह् छय्ङ्तो नीङ्ओलेः मुनाः ओउःमा चीःसा खाय्तेःनानी।
ल्हाव्ह्दैबाङ्हाङः ङीपाय् दोङ् नीङ्तो रेव्मालो ल्हुङ्इ पेतो हायःती वाह्आलाङी। नीङ्कःहाङःमा ङी न्हाङ्तोलेः ओउःत पेतो हायःलाङ् वाह्आलाङी। ओउःत वाह्ओ बेलाहाङःपाय् ङीकोः व्हाय्तो चीःओपाय् मान्ताकःसै दोःओ खेःल परमेस्वर्कःसै दोःओ लेःआः बा। ओउःत झ्यान्ते ङी ल्हुङ्हाङः ङाःतीलेः नोःसा खाय्नाङःसु।
ल्हाव्ह्दैबाङ्कोः नाःतो नाःओलम्कायः “लौ अरुलम्कायः मीतो योतेःचानी” त दाय्ह्ती तोउसु दा। फेरी “तेन्छ्याङ्कोः क्युओ पैसालम् थोक्लम् चोङाय्तोलेः योतेःचानी ओउः देङी वाय्सा खेःओ थोक्पाय् खेःल ङीकायः सबै पेओ दोःताक्सा परमेस्वर्इ बयःसा खाल्कायः चोङाय्तोलेः योती ल्युङ्ह्ती मुन” तमा दाय्ह्ती तोउसु।
ကြော်ငြာတွေ