तीतस् 2:11 - चेपाङ11 परमेस्वर्इ सबैकायः योनःती दल्ताक्सा ग्वम्पाय् द्याह् छ्यानःओ लेःआः। အခန်းကိုကြည့်ပါ။ |
तीतस् 2:11
50 ပူးပေါင်းရင်းမြစ်များ
ओहाङःसैको ओउः थनःओ कीम्कोः मीतीङ् खाय्आक्तीको नाःतो यहुदीलम्मा अरु जात्कोः परमेस्वर्कायः झाह्ओलम्इमा पावुल् नीस् साथीचाःकायः गुल्ह्आकानी। गुल्ह्आक्तीको ओउःनीस्इ इ गुल्ह्ओ मान्तालम्कायःपाय् “लौ परमेस्वर्कोः कुरा फेमाःत ङ्हाम्ती ओउःइ बयःओ पेओ जीङः दोःती मुन” त दाय्ह्ती ओउःनीस्इ स्यान्आथास।
इत हायःसाकायः प्रभु परमेस्वर्इ उय्ह्लेहाङःसै तोआताङी ‘लौ यहुदी खेःमालो जात्लम्कायः स्यान्ती ल्हुङ् थोङ्ताक्साकायःमा सबै ल्हाव्ह्दैबाङ्हाङः ङाकोः दल्ताक्सा कुरा तोसाकायःमा ङाइ ल्होक्नेःनाङ्स’ त परमेस्वर् दाय्ह्ती दाय्ह्ओ कुरा लेखती मुनाः” त दाय्ह्ती पावुल् नीस् साथीचाःइ ओउः यहुदी मान्तालम्खेकायः तोआथास।
खेःसापाय् खेःतो ख्रीस्कोः काम्मा आदम्कोः काम्मा थेथेलेः ख्रीस्खेकोः पेओलेः खेःतो आदम्खेकोः रेव्तोलेः। दोह् हायःती दाय्ह्सा आदम्खेइ रेव्तो हायःती सीताक्ओ बयःआकान् परमेस्वर्खेइ मान्ताकोः रेव्झ्याङ्कायः वाय्सा थेङा येसु ख्रीस्पाय् सोह् बयःआकान्। फेरी ओउः यात्चाक् आदम् त तोओकोः रेव्तो हायःधार्ना नाःतो मान्तालेः सीआकाय् परमेस्वर्इ योनःती योधार्नामा यात्चाक् येसु ख्रीस्इ सोह् बयःधार्नामा न्हाङ्तोलेः पेतो हायःती झ्यान्ते नाःतो मान्तालम्कायः पेओ रौ जीङः दोःलेःनाः।
येसु ख्रीस्इ ल्हुङ् ब्राङ्काय्ताक्आतय्ही ओउःइपाय् ङी ङ्हाम्ओलम्कायः परमेस्वर्कःताङ् वानःआतय्ही ओहाङःसैको परमेस्वर्इ ङीकायः योनःती योती लयःकुस् पेतोलेः वाह्ताक्आतय्ही। फेरी “ङी परमेस्वर्कुस् लोने पेतो ताङ्ह्तोलेः स्याव्नाःतय्ही” त ल्हुङ्हाङः तय्ह्ती झ्यान्ते आन म्रोनाःतय्ही।
द्याह् येसु ख्रीस्इपाय् ल्हाव्ह्दैबाङ्हाङः थाती वाङ्आक्तीको ह ओउःकोः योनःती जाङ्ह्ओ काम् सबै च्यवःसा खाय्नाःतय्ही। मान्ताकायः सीती ह्र्योक्ती वाय्सा खेःओ ग्वम्कायः ओउःइलेः ल्हेस्ती वाय्आकान्। फेरी ङीइपाय् ओउःकोः पेओ समचार् सायःधार्नालेः ओउः गलमा द्योक्मालो रौ जीङःकोः कुरापाय् सबैकायः छ्यानःओ लेःआः।
मान्ताकोः जात्खे एत खेःधाङ्ल येसुखे एत हुकुम् बयःसा राजा स्याव्ओलेः च्यवःनाःतय्ह्नी। ङ्हालेः येसुपाय् लाङ्काकोः ल्होक्ओमयःसै बल मीतो स्याव्तो ओहाङःसै परमेस्वर्इ मान्तालम्कायः योनःती योती झ्यान्ते येसु ओउःमयःकायः दल्ताक्साकायः ल्हाङःती सीलेःआ। ओउः सीआ त खेःओ द्याह् ओउःपाय् राजालो लेखालेः आन पेतो ताङ्ह्तोलेः स्याव्ओ त च्यवःनाःतय्ह्नी।
ကြော်ငြာတွေ