Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




तीतस् 1:10 - चेपाङ

10 दोह् हायःती दाय्‍ह्‌सा नाःतो दोङ् सायःसा ग्‍यामालोलम् मुनै। ओउःमयःइ आन आह्रे कुरालेः माःती नोःती अरुलम्‌कायः ब्रःताक्‌नानी। ओउः यहुदीकोः ङ्‌हाम्ओलम्इ “ङीइ जवओ सबैइ हायःसा खेःतो” त दाय्‍ह्‌ती अरुसै न्‍हाङ्‌तोलेः एत हायःनानी।

အခန်းကိုကြည့်ပါ။ ကော်ပီ




तीतस् 1:10
29 ပူးပေါင်းရင်းမြစ်များ  

लौ नीङ् धर्‌मा स्‍यान्ओमयःमा फरीसीलम्‌मा लोनेतेः आनतेः न्‍युम्‍ह्‌तेःनानी दोह् हायःती दाय्‍ह्‌सा नीङ्इ ब्रेह्ओ लेइ नोःती दाय्‍ह्‌तेःनै नीङ्इ बुधा सीती वाय्ओ मोमःचोःलम्‌कोः कीम्‌ताङ् आल्‌ती पोक्‌ती ओउः कीम्‌कोः माल्‌ताल्‌लम् आलःती जेःतेःनानी। जेःआक्‌तीको अरुकायः ‘लौ ङापाय् पेओ मान्‍तालेः’ त छ्यानःसा थेङा ओउःमयःकोः मीक्‌हाङः नीङ्इ परमेस्‍वर्‌कायः ज्‍याङःतोलेः तोओमा जाङ्‌ह्‌तेःनानी। दोङ्‌सीलेः इलो खेःआ माःओ जाङ्‌ह्‌झ्‍याङ्‌कायः नीङ्‌पाय् लोनेः न्‍हाङ्‌तोलेः नाःतोलेः न्‍युम्‍ह्‌तेःनानी।


ओउः मान्‍तालम्‌कःहाङः यात्‌नीस्‌पाय् “यहुदी खेःमालो मान्‍तालम् ङी यहुदी मान्‍तालम्‌लो लेखा पुन् तात्ओ चीन्‍ह त्‍याक्‌सा खेःतो” त दाय्‍ह्‌ती मुओ खेःतो। ओहाङःसैको पत्रुस्‌लम् यरुसालेम्‌ताङ् पाय्‍ह्‌ती वाङ्‌तोक्‌हाङः ओउःमयःइ पत्रुस्‌कायः जान्आकानी।


ओउःनीस् अन्‍तीयोक् सहर्‌हाङः मुतोक्‌हाङः यहुदीया देस्‌सै यात्‌नीस् मान्‍तालम् वाङ्‌ती अरु कुरा स्‍यान्आकानी “मोसाइ जवती तोओ तात्‌सा चीन्‍ह त्‍याक्‌धाङ्‌मालो मान्‍तालम्‌कायः परमेस्‍वर्‌इ बयःओ नया जीङः दोःथासल” त दाय्‍ह्‌ती ओउः यहुदीयासै वाङ्ओलम्इ अरु येसुकोः कुरा तोहालेः ङ्‌हाम्ओ मान्‍तालम्‌कायः स्‍यान्‌ती तोखयःआकानी।


लौ इहाङःकोः मान्‍तालम्‌कःहाङःसै यात्‌नीस्‌चाक् नीङ्‌कःताङ् नोःलाङ् वाङ्‌ती नीङ्‌कायः ‘ल्‍हुङ्‌तुक् ब्रःताक्‌सा बोङःतेःनै’ त दाय्‍ह्ओ सायःआलाङःसु। ओउः ब्रःताक्‌ती नोःओलम्‌पाय् ङीइ तोती ल्‍होक्ओ खेःबाय्इली।


ङा पाय्‍ह्आक्‌तीको अरु पेमालो मान्‍तालम् नीङ्‌कःताङ् उन्‍चुलावःलाङ् वाङ्‌ती यात्‌नीस्‌कायः पेमालो हायःसा ल्‍हुङ् द्यान्‍ह्‌ताक्‌नानी।


अ नीङ् चीःमालो गालातीहाङः मुओलम्‌य सुसुइ नीङ्‌कायः ब्रःतेःताक्‌तेःआकाय्। येसु ख्रीस्‌कायः क्‍ल्‍याय्ओ सीङःहाङः सात्ओ त नीङ्‌कायः पेतोलेः ल्‍हाक्‌ती छ्यानःतेःइतो द्याह् ओउः दोङ् पेओ कुरातेः सायःसा ग्‍यातेःइली।


ओउःत स्‍याव्आक्‌तीको ङीपाय् व्‍हाय्‌धाङ्‌मालो हौलम्‌लो लेखा खेःतय्‍हीली। मारुःइ साङ्‌ह्‌ताक्ओ तीःलो लेखालेः इहाङः उहाङः स्‍यान्‌लाङ् आल्‌मामाःत पेमालो मान्‍ताकोः माःती स्‍यान्ओ कुराखे ङ्‌हाम्‌मामाःत


फेरी ओउःमयःकोः आय्‌कानः तोकानःलम्‌सै दोःओ आह्रे ल्‍हाक्‌राय् कुरालम्‌मा आन होह्र्कोः कुराकायःमा “इत स्‍यान्ओ फेनु दा” तमा तोसा खेःतेःनाः। ओउः कुरापाय् परमेस्‍वर्‌कोः काम् पेतो स्‍याव्‌ताक्उलु स्‍यान्आक्‌तीको काय्‌काय्ओ ह वाङ्आनाः। परमेस्‍वर्‌कोः कुरा ङ्‌हाम्आक्‌तीको ह ओउःकोः काम् मान्‍ताइ पेतो स्‍याव्‌ताक्‌सा खाय्‌नानी बा।


एत हायःओसै यात्‌नीस्‌चाक् फेती लयःकोः आह्रे नोःकाय्ओ ह झाक्‌तीलेः वाह्‌नै।


ओउः ऐन्‌पाय् पेओ मान्‍ताखेकायः जाङ्‌ह्ओ खेःल जुगाङ् पेमालो मान्‍तालम्‌खेकायः जाङ्‌ह्ओ लेःआः बा। परमेस्‍वर्‌कोः कुरा सायःसा ग्‍यामालोलम्‌कायःमा पेमालो ल्‍हुङ् नाःओलम्‌मा आमा आपाकायः सात्ओलम्‌मा अरु मान्‍ताकायः सात्ओलम्‌कायःमा जाङ्‌ह्ओ लेःआः


ओउःमयःखेइ लीह्‌सीःओ च्‍यवःनानी रेव्‌तो माःती जाङ्‌ह्ओलम्‌खेइ पेमालो हायःधार्‌ना न्‍हाङ्‌तोलेः रेव्‌तो स्‍याव्‌नै। ओउःमयःइमा अरुकायः तोपाल्‌नानी अरुलम्इमा ओउःमयःकायः तोपाल्‌नाःथास।


ओहाङःसैको वानःआक्‌तीको ओउःमयःइ दोङ् कुरा फेती उय्‍ह्‌लेकोः आह्रे भाङःती नोःओ ल्‍हाक्‌राय्‌लम् सायःनानी।


ङ्‌हाम्ओलम्‌कायः स्‍यालःओ थालवःपा मान्‍तापाय् पेओ अरुइ गाल्‌तुम्‌सा खाय्‌मालो मान्‍ता खेःसा खेःतो। फेरी यातैज्‍योः बुधी ह वानःओ मान्‍ता खेःतो ओउःकोः चोःलम् आमा आपाकायः सायःमालो लुङ्‌ह्‌जेःती लीङ्‌हायःओलम् खेःसा स्‍याव्‌ल ओउःमयःमा ख्रीस्‌कायः ङ्‌हाम्ओलम् स्‍याव्‌सा खेःतो।


फेरी सुसुइ “लौ ङापाय् धर्‌मा जाङ्‌ह्ओ मान्‍ता लेःआः ङ” त दाय्‍ह्‌ती ताःनाःइसी बुरु लयःकोः लेइ पेमालो कुरा नोःनौ त खेःया ओउः मान्‍ताइ जुगाङ् चीःनीली ओउःइ जाङ्‌ह्ओ धर्‌मा आह्रे खाल् स्‍याव्‌नाः।


लौ हौलम्‌य ल्‍हाव्‍ह्‌दैबाङ्‌कोः पुत्ओ दीन्‌लम् दाह्‌खयःनाः। “ख्रीस्‌कोः बीरोत् वाङ्‌नाः” त तोओ सायःतेःआकानी। द्याह्‌पाय् ख्रीस्‌कोः बीरोत्‌लम् नाःतोलेः वाङ्आकाय् ओउःत झ्‍यान्‍ते ओउः ल्‍हाव्‍ह्‌दैबाङ्‌कोः लोन्‌दोकोः दीन् “वाङ्‌खयःआ” त चीःनाःतय्‍ह्‌नी।


सुसुइ “परमेस्‍वर्‌कायः तय्‍ह्‌लेःनाङः” त दाय्‍ह्‌ती मुनाः ओउःइ तोओ कुरा जाङ्‌ह्उलु त खेःया ओउःखेपाय् दोङ् ल्‍हुङ् नाःमाःत माःतीलेः तोनौ।


लौ राप्ओ पुःचोङ् हौचोङ्‌य “ङापाय् परमेस्‍वर्‌कोः ग्‍वालामः दोःआलाङः” त तोओ मान्‍ताकायः सबै ङ्‌हाम्‌तेःचनै ओउःइ दोङ्‌सी तोओ खेःनाःया खेःलया ङ्‌हा योआक्‌सा खेःतो। दोह् हायःती दाय्‍ह्‌सा नाःतो माःती तोओ कुरा छ्यानःओमयः ल्‍हाव्‍ह्‌दैबाङ्‌हाङः वाह्‌ती मुनै ओउःत झ्‍यान्‍ते योसाआः।


ओउःतमा चीःलेःनाङ्‌तो नाङ्‌कायः यात्‌नीस् कुराकायः ग्‍ल्‍यानःती जान्‌सा खेःतो। नीङ्‌कःहाङः बालाम्‌कोः स्‍यान्‌राय् ग्‍याती सायःओलम् मुनै। बालाम् त तोओपाय् यात्‌चाक् बालाक्‌त तोओकःताङ् वाङ्‌ती “लौ इस्राएलीलम्‌कायःपाय् मुर्‌तीकायः ल्‍हाओ जेःगा जेःसामा ल्‍हास्‍या काम् जाङ्‌ह्‌साकायःमा थ्‍योन्‍ह्‌ती जाङ्‌ह्‌ताक्उसु दा” त दाय्‍ह्‌ती बालाम्इ ओउःकायः स्‍यान्आकान्।


ओउःत तोनाङ्‌तो यात्‌ज्‍योः पेओ कुरामा हायःतेःनौ। ओउः नीकोलाय् त तोओकोः कुरा जाङ्‌ह्ओलम्‌कः ङालो लेखालेःतेः ब्‍लाय्‍क्‌तेःनाः ओउःत हायःसा पेलेःनाः।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ