रोमी 9:5 - चेपाङ5 ङाकोः लयःमयःचोङ्पाय् उय्ह्लेकोः ताङ्ह्ओ आय्कानः तोकानःसै ग्ल्युङ्ह्आकाय्। ख्रीस्मा मान्ता स्याव्तोक्हाङः ओउःमयःकोः जात्कोः मान्तालम्सै दोःओ खेःतो। ओउःपाय् ओउः सबैकायः हुकुम् बयःसा परमेस्वर्कायःपाय् गलकायःमा ताङ्ह्ताक्पाःथै माःहै एतलेः स्याव्पाः। အခန်းကိုကြည့်ပါ။ |
रोमी 9:5
45 ပူးပေါင်းရင်းမြစ်များ
ङाइ नीङ्कायः पेतो स्यान्नेःआलाङ्स त झ्यान्ते नीङ् लःलयःकायः साहीनीङ्सी लयःकोः येसुकायः ङ्हाम्ओ पुःचोङ्लम् हौचोङ्लम्कायः लव्ह्ती ओम्पायःती गम्नु दा। ओउःमयःकायः योसाकायः परमेस्वर्कोः ग्वालामःइ बयःतेःआकाय्। ओहाङःसैको लयःकायः ङ्हाम्ओलम्कायः येसुइ क्ल्याय्ओ सीङःहाङः ल्हाङःती लयःकोः वयः बयःआकान् ओउःत झ्यान्ते प्रभुकोः मान्तालम् पेतो योती साहीती मुन दा। इ ङाइ तोओ कुरा सुइमा म्हेःलाम्।
इ स्याक्ताक्साकायः ङीकोः आय्कानः तोकानःइ झाह्ती तोओ परमेस्वर्इ जाङ्ह्आकान्। ङीकोः आब्राहाम् इसाक् र याकुब् त तोओ तोकानःलम्इ झाह्ओ परमेस्वर् ओउःइलेः लयःकोः काम् जाङ्ह्ओ येसुकायः ताङ्ह्तो स्याव्ताक्साकायः इ मेस्कोः ग्याङ्ह्राय् जाङ्ह्ताक्आकान्। नीङ्खेइ इ येसुकायः चुम्ती पानःआक्तीको ओउः पीलातस् त तोओ अन्चलादीस्कःताङ् दाक्तेःआकानी। दाक्आक्तीको पीलातस्खेइ येसुकायः फेसा बोङःउतो ती नीङ्खेइ ‘ओउःकायः फेलाम्’ ततेः तोतेःआकानी।
यहुदीलम्इ ख्रीस्कोः पेओ समचार् सायःसा ग्याइली त झ्यान्ते ओउःमयःखे परमेस्वर्कोः बीरोत्लेः स्याव्नै। ओउःत हायःधार्नालेः नीङ्खे परमेस्वर्कुस् ब्राङ्तेःनै। ओउःमयः बीरोत्लेः स्याव्सापाय् स्याव्इतो यहुदीलम्कोः आय्कानः तोकानःकायः परमेस्वर्इ छीङ्ह्आकान् ओउःत झ्यान्ते ओउःइ ओउःमयःकायः राप्लेःनाःथास।
दोङ्सीलेः ङीकोः ङ्हा चीःआक्मालो ङ्हाम्ओ कुरापाय् आन ताङ्ह्जेःनाः बा। ओउः कुरा इलेःआः। “येसु ख्रीस्पाय् मान्ताकोः आङ्हाङः थाती वाङ्ओआः। ओउःकायः ‘परमेस्वर्कोः ग्वालामःइ जुगाङ् छय्ङ्तो लेःआः’ त छ्यानःआकान् ओउःकायःमा परमेस्वर्कोः लाङ्कासै ल्होक्ओमयःइ च्यवःआथै ओउःकोः कुरापाय् देस् देस्ताङ् थोल्ह्ती तोओआः। थोल्ह्ती तोआक्तीको ल्हाव्ह्दैबाङ्कोः मान्तालम्इ ओउःकायः ङ्हाम्आकानी ओहाङःसै ओउःकायः ताङ्ह्ताक्साकायः त्यावःताङ् लनःआथै” त दाय्ह्ओ मुनाः।
ကြော်ငြာတွေ