रोमी 9:22 - चेपाङ

²² परमेस्‍वर्‌मा ओउःत हायःसा स्‍याव्‌लेःनाः। वाय्‌सा खेःओ मान्‍तालम्‌कः ओउःकोः ल्‍हुङ् मल्‍ह्ओमा ग्‍वम्‌मा छ्यानःसाकायः परमेस्‍वर्‌इपाय् ओउःमयःकायः रेन्‍ह्‌तोलेः न्‍युम्‍ह्‌ताक्‌थासल ज्‍याङःतोकायः गुह्र्माःत ल्‍युङ्‌ह्आकान्।

रोमी 9:22 ပူးပေါင်းရင်းမြစ်များ

रोमी 1:18

ओहाङःसैको सुसुखेइ परमेस्‍वर्‌कः ग्‍यामाःत मुती रेव्‌तो जाङ्‌ह्‌ती ओउःकोः दोङ् पेओ कुरा त्‍याःनानी ओउःमयःकः ओउः लाङ्‌काहाङः मुओ परमेस्‍वर्‌ आन ल्‍हुङ् मल्‍ह्‌ती न्‍युम्‍ह्‌ताक्‌नाःथास।

रोमी 9:17

उय्‍ह्‌लेहाङः मीस्रा देस्‌कोः फारोह् राजाकायः “लौ ‘ल्‍हाव्‍ह्‌दैबाङ्‌हाङः गाःहाङः खेःयामा मान्‍तालम्इ ङाकोः मय्‍ङ् ताङ्‌ह्‌ताक्‌पाःताङः’ त दाय्‍ह्‌ती नाङ्‌कायः ङाकोः ग्‍वम् छ्यानःनेःआलाङ्‌स। एत हायःसाकायः ह नाङ्‌कायः राजा स्‍याव्‌ताक्‌नेःआलाङ्” त दाय्‍ह्‌ती परमेस्‍वर्‌इ तोओ आखरःहाङः लेखती मुनाः।

रोमी 9:20

लौ नाङ्‌पाय् मान्‍ता ह खेःतेःनाः गत हायःतीतेः परमेस्‍वर्‌इ तोओकायः काय्‌काय्‌ती त्‍याङ्‌सा म्‍हर्‌तेःचाः। पोम् जाङ्‌ह्ओ मान्‍ताकायःपाय् पोम्इलेः “लौ दोह् हायःतीतेः ङाकायः एतलेः जाङ्‌ह्‌तेःनाःची” त दाय्‍ह्‌ती तोउलु।

रोमी 9:21

ओउः पोम् जाङ्‌ह्ओ मान्‍ताइ पोम्‌पाय् लयः झाक्‌तीलेः साःसै जाङ्‌ह्‌सा खाय्‌नौ। ओउः मान्‍तापाय् यात् गोर्‌ साःखेसै पेओ पोम् जाङ्‌ह्‌ती यात् अरु गोर्‌खेसै पेमालो जाङ्‌ह्‌सा झाक्‌नाः त खेःया ओउःत हायःसा स्‍याव्‌लेःनाः।

१ थेसलोनिकि 2:16

ओहाङःसै परमेस्‍वर्‌कोः दल्‌ताक्‌सा पेओ समचार्‌पाय् ङीइ यहुदी खेःमालो जात्‌लम्‌कायः तोतोक्‌हाङः ङीकायः त्‍याःसा बोङःआताङी। ओउःत झ्‍यान्‍ते ओउःमयःइ रेव्ओ काम् जाङ्‌ह्‌तीपाय् दप्‌तोलेः द्युम्‌ताक्आकानी। ओउःमयःकः परमेस्‍वर्‌ आन ल्‍हुङ् मल्‍ह्‌ती न्‍युम्‍ह्‌ताक्‌नाःथास।

१ थेसलोनिकि 5:9

ङीकायः न्‍युम्‍ह्‌ताक्‌साकायः परमेस्‍वर्‌इ छ्युङ्‌ह्आतय्‍ही खेःल। ओउः न्‍युम्‍ह्ओसै ङीकोः प्रभु येसुइ दल्‌ताक्‌नाःतय्‍ही ओउःत स्‍याव्‌साकायः परमेस्‍वर्‌इ छ्युङ्‌ह्आतय्‍ही।

२ तीमोथी 2:20

ताङ्‌ह्ओ कीम्‌हाङः नाःतो खाल्‌कोः माल्‌ताल्‌लम् मुनाः। यात्‌नीस्‌खे सुन् चान्‍दीकोः जाङ्‌ह्ओलेः मुनाः अरुखे साः सीङःकोः जाङ्‌ह्ओ लेःआः कोय्‌खे पेओ काम्‌कायः जाङ्‌ह्ओलेः अरुखे क्रीसीःओ काम्‌कायः जाङ्‌ह्ओलेः।

१ पत्रुस् 2:8

फेरी इ अरु कुरामा लेखओआः परमेस्‍वर्‌कोः कुरा ङ्‌हाम्‌मालो मान्‍तालम्‌कायः “लौ ओउःपाय् दोम् त्‍योक्‌सा बाङ् स्‍याव्‌नाः ओउःहाङः मान्‍ता क्‍वेन्‍ह्‌ती तोन्‌नै” एत हायःसा ङ्‌हाहाङःसै रय्‍ह्ओलेः खेःतो ओउःमयःखेपाय् ङ्‌हाम्‌नीली त खेःया वाह्‌तोक्‌हाङः तोन्आकाय्।

१ पत्रुस् 3:20

ओउः पानःती गम्ओलम्इ उय्‍ह्‌लेहाङः नोआह् त तोओकोः जहास् जाङ्‌ह्‌तोक् बेलाहाङःपाय् परमेस्‍वर्‌कोः कोदीङःती तोओ कुरा सायःसा ग्‍यामालो खेःइतो ओउःत झ्‍यान्‍ते नोआह्‌कुस् आत्‌जन ह तीःजहास्‌हाङः पोक्‌ती झ्‍यान्‍ते तीःसै दल्‌तो स्‍याव्आकाय्।

२ पत्रुस् 2:3

ओउःमयःकोः ल्‍हुङ् तोल्‌तो स्‍याव्‌ती इ माःती स्‍यान्ओलम्इ लयःकोः ल्‍हुङ्‌सै दोःओ कुरा स्‍यान्‌ती नीङ्‌कोः पैसा आह्रेलेः त्‍याक्‌ती जेःनानी। लौ ओउःमयःकायः ज्‍याङःतोहाङःसैलेः परमेस्‍वर्‌इ तय्‌छनःती योआथास ओउःमयः जुगाङ् न्‍युम्‍ह्‌तोलेः वाय्ओसै सुमा दल्इली बा।

२ पत्रुस् 2:9

इ सबैलेः प्रभुइ व्‍हाय्‌तोलेः जाङ्‌ह्‌नौ। ओहाङःसै नोआह्‌कायःमा लोत्‌कायःमा परमेस्‍वर्‌इ दल्‌ताक्आकान् त खेःया अरु पेओ मान्‍तालम्‌खेकायःमा ओउःइ न्‍हाङ्‌तोलेः लीह्‌सीःओसै दल्‌ताक्‌नाःथास। फेरी रेव्ओ काम् जाङ्‌ह्ओलम्‌खेकायः लोने वाङ्‌सा तय्‌छनःती योसा दीन्‌कायः न्‍युम्‍ह्‌ती गम्ओलेः मुनै।

२ पत्रुस् 3:15

नीङ्‌कायःपाय् “लौ इमयः सबै पेतो दल्‌तो स्‍याव्‌पै” त दाय्‍ह्‌ती ङीकोः प्रभु ल्‍युङ्‌ह्‌ती मुनाः रेन्‍ह्‌तोलेः वाङ्‌धाङ्‌ल। एतलेः ङीइ राप्ओ हौ पावुल्इ परमेस्‍वर्‌इ चीःताक्ओ कुरालेः लेखतेःआकाय्।

यहुदा 1:4

दोह् हायःती दाय्‍ह्‌सा यात् नीस् परमेस्‍वर्‌कोः कुरा ग्‍यामालोलम् नीङ्‌कःहाङः अरुइ चीःमाःत वाङ्आकाय्। ओउःमयःइपाय् परमेस्‍वर्‌इ योनःती योओ कुरा ङोय्‍ह्‌तोलेः स्‍यान्‌ती “लौ ङीइ ङ्‌हाम्ओलम्‌कायः द्याह् सबै काम् जाङ्‌ह्‌सा स्‍याव्‌नाः दोह्‌मा रेव्ओलेः खेःल” त माःती ल्‍हास्‍या काम् जाङ्‌ह्‌साकायः तोनानी। एत हायःती ङीकोः यातैज्‍योः प्रभुमा मालीक्‌मा येसु ख्रीस्‌कः झाक्‌माःत मुनै। ओउः खाल्‌कोः मान्‍तालम्‌कायः “न्‍युम्‍ह्‌तोलेः स्‍याव्‌नै” त दाय्‍ह्ओ उय्‍ह्‌लेहाङःसै आखरःहाङः लेखओआः बा।