Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




रोमी 8:34 - चेपाङ

34 ओउःत झ्‍यान्‍ते अरुइ सुइमा गाल्‌तुम्‌ती तोसा खाय्‌नीली। ङीकायः दल्‌ताक्‌साकायः येसु ख्रीस्‌लेः सीओआः। माः रैस सीओ झुङ्आले खेःल ओउःपाय् उह्‌ती च्‍योक्‌माआ। उह्‌ती च्‍योक्आक्‌तीको द्याह् परमेस्‍वर्‌कोः गुल्‍ह्‌दाङ् स्‍याव्‌ती ओउःकोः ङोय्‌दोहाङः मुती ङीकायः परमेस्‍वर्‌कः तेती तोनाःतय्‍ही।

အခန်းကိုကြည့်ပါ။ ကော်ပီ




रोमी 8:34
37 ပူးပေါင်းရင်းမြစ်များ  

ओउःलो लेखालेः ओउः मान्‍ताकोः चोः त तोओमा अरुकायः ओउःकोः लयःकोः काम् जाङ्‌ह्‌ताक्‌लाङ् वाङ्ओ खेःल अरुकायः ओउःइलेः काम् जाङ्‌ह्‌लाङ् वाङ्‌ती ओउःमयःकायः रेव्ओसै दल्‌ताक्‌सा थेङा सीसा ग्‍याओ खेःतो” त दाय्‍ह्‌ती येसुइ तोआथास।


एतलेः येसुइ तोआकान् ओहाङःसैको लोने प्रभु येसुकायः लाङ्‌काताङ् लनःओ खेःतो ओहाङः परमेस्‍वर्‌कोः गुल्‍ह्‌दाङ् स्‍याव्‌ती परमेस्‍वर्‌कोः ङोय्‌सै च्‍युङःतीलेः मुआ।


अरु ल्‍हाव्‍ह्‌दैबाङ्‌कोः मान्‍तालम्‌खेइ ङाकायः यात् चीच्‍योक्‌कायः ह च्‍यवःधाङ्‌नाःताङः नीङ्‌खेइ ज्‍याङःतोकायः च्‍यवःतेःनेःनेःनाङ्‌स। ङा सीओसै उह्‌ती च्‍योक्‌नाङः त खेःया नीङ्‌मा च्‍योक्‌तेःनै।


ओउः बेलाहाङः ङाकायः दोह्‌तमा व्‍हत्‌सा परतेःइली। दोङ्‌सी दाय्‍ह्‌भनाङ् दोह् दोह्‌तेः ङाकोः मय्‍ङ् पेह्‌ती परमेस्‍वर्‌ आपाकः तेतेःचै ओउःलेः बयःतेःनै बा।


ओहाङःसैको सात्आक्‌तीको सीती वाय्ओहाङःसै परमेस्‍वर्‌इ येसुकायः उह्‌ती च्‍योक्‌ताक्आथै दोह् हायःती दाय्‍ह्‌सा येसुपाय् सीती मुसा त्‍याक्आक्‌थाल।


ओउःत झ्‍यान्‍ते यात्‌चाक्इ अरुकायः गाल्‌तुम्‌ती ताः ताः नोःताःउलु। ओउःत हायःमामाःत दोह् दोह् हायःओइ नाङ्‌कोः ङ्‌हाम्ओ हौकायः रेव्‌तो जाङ्‌ह्‌ताक्‌नाःथै ओउःपाय् जाङ्‌ह्‌लाम्।


सेलः मुओलम्‌कोः प्रभुलेः स्‍याव्‌साकायःमा सीओलम्‌कोः प्रभुलेः स्‍याव्‌साकायःमा ख्रीस्‌लेः सीओआः। सीआक्‌तीको उह्‌ती च्‍योक्‌माआ।


येसु ख्रीस्‌पाय् ङीकोः रेव्ओ काम्‌लम् मीह्‌ती वाय्‌साकायः सात्‌ताक्ओलेः खेःतो सात्आक्‌तीको ङीकायः परमेस्‍वर्‌कोः मीक्‌हाङः पेतो स्‍याव्‌ताक्‌साकायः ओउःपाय् उह्‌ती च्‍योक्‌ताक्ओलेः खेःतो।


लौ येसु ख्रीस्इ ङीकायः दल्आतय्‍ही त झ्‍यान्‍ते ङी ओउःकुस् ब्राङ्‌ती मुओलम्‌कायः द्याह् परमेस्‍वर्‌कःसै गाल्‌तुम्‌ती तोसा दोह्‌मा नाःल।


ओउःकोः ग्‍वालामःइ ङी ङ्‌हाम्ओलम्‌कायःपाय् परमेस्‍वर्‌ झाक्ओ कुरा तेती तोनौ ओउःत झ्‍यान्‍ते ङी मान्‍तालम्‌कोः ल्‍हुङ्‌तुक् चीःओ परमेस्‍वर्‌इ ओउः ग्‍वालामःइ तोओ कुरामा चीःलेःनौ।


नीङ्‌पाय् ख्रीस्‌कुस् उह्‌ती च्‍योक्ओ मान्‍ता लेःतेःइ ओउःत झ्‍यान्‍ते त्‍यावःअ लाङ्‌काहाङः मुओ दोङ् कुरालेः बोङःनु दा। ओहाङःपाय् ख्रीस्‌पाय् परमेस्‍वर्‌कोः गुल्‍ह्‌दाङ्‌लेः स्‍याव्‌ती ओउःकोः ङोय्‌दोसै च्‍युङःतीलेः मुनाः।


ओउः चोःपाय् परमेस्‍वर्‌सै दोःती न्‍याम्‌कोः रोलो लेखालेः अङ्‌गाय् थङ्‌गाय् त आन पेतोलेः थोङ्‌नाः। ओहाङःसै गतलो परमेस्‍वर्‌लेः मुनाः चोःपाय् ओउःतलेः घार्‌तोलेः मुनाः। ओउःकोः ग्‍वम् नाःओ नोःराय्इ सबै थोक्‌लम् स्‍यास्‌तीलेः मुनाः। सबैकायः रेव्ओ काम्‌सै छय्‍ङ्‌ताक्आक्‌तीको ओउःपाय् सबैसै ताङ्‌ह्ओ परमेस्‍वर्‌कायः गुल्‍ह्‌दाङ् स्‍याव्‌ती ओउःकोः ङोय्‌दोहाङः मुलेःनाः।


द्याह्‌मा लोनेःमा गलकायःमा ओउःकायः ङ्‌हाम्‌ती परमेस्‍वर्‌कःताङ् वाङ्‌ह्ओलम्‌कायः ओउःइ पेतोलेः दल्‌ताक्‌सा खाय्‌नौ दोह् हायःती दाय्‍ह्‌सा ओउःमयःकायः परमेस्‍वर्‌कःताङ् तेती तोसाकायः येसुपाय् गलकायःमा मुलेःनाः।


ख्रीस्‌पाय् ओउः लाङ्‌कासै तेःती मान्‍ताइ जाङ्‌ह्ओ नीङ्ओ थाव्‌खेहाङः पोक्‌ल ओउःपाय् दोङ् लाङ्‌काहाङः आल्आ। ओहाङः ख्रीस्‌पाय् ङीकोः होन्‍त द्याह् परमेस्‍वर्‌कोः मीक्‌हाङः मुलेःनाः।


ओउः दोह्‌मा रेव्ओ जाङ्‌ह्‌मालो ख्रीस्‌पाय् ङीकोः रेव्ओ काम्‌लम् सबै क्‍युम्‍ह्‌ती वाय्‌साकायः यातै पेन्‍ह्‌हाङः सीलेःआ। ओउः पेओ नीङ्ओ मान्‍ताइपाय् ङी रेव्ओ मान्‍तालम् परमेस्‍वर्‌कुस् गोय्‌खामःसाकायः ङीकोः होन्‍त लीह्‌सीःओ गोरःआकान्। ओउःकोः आङ् मुतोक्‌हाङः येसुपाय् सात्ओ खेःतो परमेस्‍वर्‌कोः ग्‍वम्इ उह्‌ती च्‍योक्‌ताक्ओ खेःतो।


ओहाङःसै ङीकायः दल्‌ताक्‌साकायः येसु ख्रीस्‌पाय् सीआक्‌तीको उह्‌ती च्‍योक्आक्‌तीको लाङ्‌काहाङः परमेस्‍वर्‌इ सबै लाङ्‌काकोः ल्‍होक्ओमयःकायःमा हुकुम् बयःओलम्‌कायःमा ग्‍वम् नाःओलम्‌कायःमा पुःलेःनाः।


ओउः गलकायःमा जीङः नाःओ ङा लेःआः ङ बा। ङ्‌हापाय् सीसापाय् सीलेःङोतो द्याह् योची दा ङा द्याह् गलकायःमा सेलः मुलेःनाङः। ङाइपाय् रीःदोलीकोः धोकाकोः सान्‍चो क्रुत्‌हाङः चुम्‌ती झ्‍यान्‍ते सीताक्‌सामा सेलः स्‍याव्‌ताक्‌सा ग्‍वम् नाःओलेः खेःनाङः” त दाय्‍ह्‌ती ओउःइ तोआताङः।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ