रोमी 8:32 - चेपाङ

³² ओउःपाय् लयःकोः चोःकायः लयःकुस् ओम्‌पायःती गम्‌माःत ङी सबैकायः दल्‌ताक्‌साकायः ल्‍हाआथै। ओहाङःसैको लयःकोः चोःपाय् ल्‍हाआतय्‍ही त झ्‍यान्‍ते ओउःइ अरु सबै न्‍हाङ्‌तोलेः बयःनाःतय्‍ही माः र।

रोमी 8:32 ပူးပေါင်းရင်းမြစ်များ

मत्ती 3:17

एत च्‍यवःतोक्‌हाङः “लौ इपाय् ङाकोः आन राप्ओ ल्‍हुङ्‌गोरे चोःलेःतेः खेःनाः बा। ओउःकः ङा आन म्रोनाङः” त दाय्‍ह्‌ती लाङ्‌कासै यात्‌ज्‍योः हाव्‌नयः दाय्‍ह्ओ वाङ्आ।

मत्ती 7:11

खेःल नीङ्इ लयःकोः चोःकायः पेतोलेः बयःतेःनानी बा। ओउःत झ्‍यान्‍ते नीङ् पेओ खेःमालोलम्‌खेइपाय् लयःकोः चोःलम्‌कायः पेतो बयःसा चीःतेःनानी त खेःया दोङ्‌सीलेः नीङ्‌कोः परमेस्‍वर्‌ आपाखेइ ओउःकः तेओलम्‌कायः न्‍हाङ्‌तीलेः पेतो बयःनौ।

युहना 3:16

परमेस्‍वर्‌इ ल्‍हाव्‍ह्‌दैबाङ्‌कोः मान्‍ताकायः आन पेतो राप्‌नौ बा ओहाङःसैको ओउःमयःकायः इच्‍युक् राप्‌ती झ्‍यान्‍ते लयःकोः ल्‍हुङ्‌गोरे चोः ल्‍होक्‌ती ल्‍हाआकान्। लयःकोः चोः ल्‍हाआक्‌तीको सुसुइ ओउःकायः ङ्‌हाम्‌नानी ओउःखेलेः अरुलो लेखा ह्र्योक्‌ती वाय्‌तो स्‍याव्‌माःत गलमा द्योक्‌मालो रौ जीङः दोःनै।

रोमी 11:21

दोह् हायःती दाय्‍ह्‌सा लयः छीङ्‌ह्ओ यहुदीलम्‌कायः परमेस्‍वर्‌इ ङ्‌हाकोः दालालम्‌लो लेखा वाय्‌सा खेःतो त खेःओ नीङ् लोने च्‍योतोती गम्ओलम्‌पाय् पेतो हायःतेःनीली त खेःया ओउःइ नीङ्‌कायः न्‍हाङ्‌तोलेः वाय्‌सा ग्‍यानाः।

रोमी 4:25

येसु ख्रीस्‌पाय् ङीकोः रेव्ओ काम्‌लम् मीह्‌ती वाय्‌साकायः सात्‌ताक्ओलेः खेःतो सात्आक्‌तीको ङीकायः परमेस्‍वर्‌कोः मीक्‌हाङः पेतो स्‍याव्‌ताक्‌साकायः ओउःपाय् उह्‌ती च्‍योक्‌ताक्ओलेः खेःतो।

रोमी 6:23

माः रैस रेव्ओ काम्‌कोः जाङ्‌ह्‌झ्‍याङ्‌खेकोः मान्‍ता सीतो स्‍याव्‌सा लेःआः ङीकायः परमेस्‍वर्‌इ सोह् बयःओखे ङीकोः प्रभु येसुकुस् मुओ गलमा द्योक्‌मालो जीङः लेःआः बा।

रोमी 8:28

ओहाङःसै लयःइ झाक्‌ती गोत्ओमा लयःकायः राप्ओ मान्‍तालम्‌कायः परमेस्‍वर्‌इ गल खेःयाकायःमा ओउःमयःकायः पेतो स्‍याव्‌ताक्‌नाःथास एतलेः चीःनाःतय्‍ह्‌नी।

१ कोरीन्‍थी 2:12

ङीपाय् ल्‍हाव्‍ह्‌दैबाङ्‌खेकोः ग्‍वालामः दोःतय्‍हीली परमेस्‍वर्‌इ लयःकोः ग्‍वालामःखे दोःताक्आतय्‍ही ओहाङःसैको ओउःइ बयःओ कुरापाय् ङीइ चीःसा खाय्‌नाःतय्‍ही।

२ कोरीन्‍थी 4:15

इ सबै नीङ्‌कायः पेतो स्‍याव्‌ताक्‌सा लेःआः बा एत हायःती न्‍हाङ्‌तोलेः नाःतो मान्‍तालम्‌कायः परमेस्‍वर्‌इ योनःती योती ओउःकोः रौ जीङः दोःताक्‌नाःथास। ओउःच्‍युक् नाःतो मान्‍तालम्इपाय् न्‍हाङ्‌तोलेः परमेस्‍वर्‌कायः ताङ्‌ह्‌ताक्‌ती “च्‍युता” त दाय्‍ह्‌ती तोनानी।

२ कोरीन्‍थी 5:21

ख्रीस्इपाय् दोह्‌मा रेव्‌तो जाङ्‌ह्उलु ओउःकोः मीक्‌हाङः ङीकायः ख्रीस्‌कुस् पेतो स्‍याव्‌ताक्‌साकायः परमेस्‍वर्‌इ ख्रीस्‌कायः रेव्‌तो मान्‍ताकोः रेव्‌झ्‍याङ्‌कोः बयःआथै।

२ कोरीन्‍थी 6:10

लीह्‌सीःओ बेलाहाङःलम्‌मा गलकायःमा चोङाय्‌तीलेः मुनाङी। ङीपाय् ह्र्यात् मान्‍तालो लेखा खेःङीतो बुरु नाःतो मान्‍ताकायः बयःसा खाय्‌नाङःसु। ङीकोःपाय् दोह्‌मा नाःल सबैलेः ङीकोः मुलेःनाः।

१ युहना 4:10

माः रैस इपाय् दोङ् राप्ओ लेःआः। ङीखेइ ओउःकायः राप्ओ खेःल ङीइ ओउःकायः राप्‌धाङ्‌माखाहाङः ओउःखेइ ङीकोः रेव्‌झ्‍याङ्‌कोः क्‍युम्‍ह्‌ती वाय्‌साकायः लयःकोः चोःपाय् आङ् ल्‍हाङःती बयःसा थेङा ल्‍होक्आतय्‍ही।

प्रकाश 21:7

सुसु रेव्ओकायः क्‍लीमःनानी ओउःकायः ङाइ इतलेः बयःलेःनाङः। ङापाय् ओउःकोः परमेस्‍वर्‌लेः स्‍याव्‌नाङः ओउःपाय् ङाकोः चोःलेः स्‍याव्‌नै।