रोमी 8:25 - चेपाङ

²⁵ ङीइ झाह्ओ कुरापाय् च्‍यवःधाङ्‌मालोहाङः ओउः झाह्ओ स्‍याक्‌साकायः गुह्र्माःत ल्‍युङ्‌ह्‌नाःतय्‍ही।

रोमी 8:25 ပူးပေါင်းရင်းမြစ်များ

लुका 21:19

ओउःत स्‍याव्‌लेःनाः ङाकायःमा ङाकोः कुराकायःमा फेमाःत नीङ् ल्‍हुङ् ग्रमःत मुलेःतेःनै त खेःया नीङ्‌पाय् दल्‌तेःनै बा।

लुका 8:15

अरु मान्‍तालम्‌खेइ परमेस्‍वर्‌कोः कुरा सायःती पेओ ल्‍हुङ्‌हाङः सेती ङ्‌हाम्आक्‌तीको ओउःकोः काम् गुह्र्माःत ब्‍याव्‌तीलेः जाङ्‌ह्‌नानी। इ मान्‍तालम्‌पाय् ओउः पेओ साःहाङः दीह्ओ बीया चोयालो लेखा मुलेःनै” त दाय्‍ह्‌ती येसुइ छ्यानःआथास।

रोमी 12:12

लोने वाङ्‌सा खेःओकायः झाह्‌तीमा आसतोलेः ल्‍युङ्‌ह्‌ती मुन। लीह्‌सीःओ गोरःओ बेलाहाङः काय्‍ह्‌य्‍हाव्‌माःत ग्रमःत मुन। गलकायःमा परमेस्‍वर्‌कः तेती तोनु

रोमी 2:7

सुसुखेइ गलकायःमा पेओ काम्‌लेः जाङ्‌ह्‌धै लयःकायः पेतोमा ताङ्‌ह्‌तो स्‍याव्‌साकायःमा गलमा द्योक्‌मालो जीङःकायःमा बोङःनानी ओउःमयःकायःलेः परमेस्‍वर्‌इ गलमा द्योक्‌मालो जीङः बयःआनाःथास।

रोमी 8:23

फेरी ओउः जाङ्‌ह्ओ थोक्‌लम् ह खेःल ङी परमेस्‍वर्‌कोः ग्‍वालामःसै ङ्‌हा त्‍याक्ओलम्‌मा परमेस्‍वर्‌कोः चोःलम् स्‍याव्‌साकायःमा आङ् दल्‌साकायःमा ल्‍युङ्‌ह्‌ती मुओहाङः लीह्‌ती ङान्‍ह्‌नाःतय्‍ही।

कोलसी 1:11

फेरी परमेस्‍वर्‌कोः सबैसै ताङ्‌ह्ओ आन पेओ ग्‍वम्‌सै नीङ् क्रोङ्‌तो ल्‍हुङ् दोःती सबै चोङाय्‌तोलेः गोरःसा खाय्‌तेःनानी।

१ थेसलोनिकि 1:3

दोह् हायःती दाय्‍ह्‌सा ङीकोः प्रभु येसु ख्रीस्‌कायः पेतो राप्‌तीमा ङ्‌हाम्‌तीमा नीङ्इ ओउःकोः काम् त्‍युस्‌ती जाङ्‌ह्‌तेःनानी फेरी प्रभुकोः द्यान्‍ह्‌ती वाङ्‌सा दीन्‌कायः नीङ् ग्रमःतलेः ल्‍युङ्‌ह्‌ती मुतेःनै। ओउःत गीलती ङीइ परमेस्‍वर्‌ आपाकायः तेती तोतोक्‌हाङः गलकायःमा “च्‍युता” त तोनाङःसु।

२ थेसलोनिकि 3:5

परमेस्‍वर्‌कोः राप्ओ ल्‍हुङ्‌मा ख्रीस्‌कोः गोरःती वाह्ओ ल्‍हुङ्‌मा प्रभुइ दोःताक्‌तेःपै।

हेब्रैनी 10:36

एत ङाइ दोह् हायःती दाय्‍ह्‌नाङः दाय्‍ह्‌सा परमेस्‍वर्‌ झाक्ओ काम् जाङ्‌ह्‌साकायः नीङ् ग्रमःत गुह्र्माःतोलेः मुधाङ्‌सालेः खेःतो। ओहाङःसैको ओउःइ तोती गम्ओ कुरापाय् नीङ् दोःतेःनै बा।

हेब्रैनी 6:12

बाय्‌तो स्‍याव्‌माःत ओउः जुगाङ् गुह्र्माःत ङ्‌हाम्ओलम्‌कः तेःनु। ओउःमयः परमेस्‍वर्‌इ तोती गम्ओ कुरा दोःलेःनै।

हेब्रैनी 6:15

आब्राहाम्इपाय् इ तोती गम्ओ कुरा ताप्‌साकायः पेतो गुह्र्माःत ल्‍युङ्‌ह्आकान् ओउःत झ्‍यान्‍ते परमेस्‍वर्‌सै आन दोःआ।

प्रकाश 1:9

ङापाय् युहना त तोओलेः नीङ्‌कोः पुः स्‍याव्‌ती ङाइ नीङ्‌कुस् येसुकायः लीह्‌सीःओ गोरःमानाङः नीङ्‌कुस्‌लेः ओउःकोः राजीहाङः मुमानाङः ओउः वाङ्‌साकायः ल्‍युङ्‌ह्‌तीलेः मुमानाङः। परमेस्‍वर्‌कोः नोःराय्‌मा येसुइ छ्यानःओ कुरामा थोल्‍ह्‌ती तोती झ्‍यान्‍ते ङापाय् पात्‍मोस् त तोओ तीःइ तोङःती गम्ओ देस्‌हाङः थुनतीलेः मुनाङः।

प्रकाश 13:10

सुसुकायः “ओउःपाय् थुनपाःथै” त रय्‍ह्‌ती गम्ओलेः मुनाः ओउःकायः थुनसाकायः आलःनानी। सुसु अरुकायः “तरवाल्इ सात्‌पाःथास” त दाय्‍ह्‌ती रय्‍ह्ओ लेःआः ओउःकायः तरवाल्इ सात्‌सा खेःतो। ओउःत झ्‍यान्‍ते परमेस्‍वर्‌कोः मान्‍तालम् लीह्‌सीःओ गोरःती ल्‍हुङ् क्रोङ्‌तोलेः ङ्‌हाम्‌ती मुसा खेःतो त दाय्‍ह्ओलेः मुनाः।

प्रकाश 14:12

ओउःमयःखे ओउःत स्‍याव्‌नै त झ्‍यान्‍ते परमेस्‍वर्‌कोः मान्‍तालम्‌खेइ लीह्‌सीःओ च्‍यवःओ बेलाहाङः पेतो गोरःसामा खेःतो येसुकायः ल्‍हुङ् क्रोङ्‌तोलेः ङ्‌हाम्‌ती परमेस्‍वर्‌कोः गानाक्‌ती तोओ कुरा ग्‍याती जाङ्‌ह्‌सामा खेःतो।