रोमी 8:18 - चेपाङ

¹⁸ इ ल्‍हाव्‍ह्‌दैबाङ्‌हाङः मुतोक्‌हाङः ङीइ लीह्‌सीःओ च्‍यवःसापाय् च्‍यवःतय्‍ह्‌नीतो लोने न्‍हाङ्‌तोलेः आन पेओमा ताङ्‌ह्ओमा च्‍यवःनाःतय्‍ह्‌नी त ङाइ ताःनाङः।

रोमी 8:18 ပူးပေါင်းရင်းမြစ်များ

खबरदुत 20:24

इच्‍युक् ह चीःआलाङः दोह्‌गार्‌ स्‍याव्‌पाः ङाइ लीह्‌ङल। सीचाङःया स्‍याक्‌चाङःया प्रभु येसुइ ङाकायः दोह् काम्‌लो बयःचाःताङः ओउः काम्‌लेः ङाइ दप्‌ती जाङ्‌ह्‌सा दोःपाङः इ ह ङा झाक्‌नाङः। ओउःइ बयःओ काम्‌पाय् इलेःआः मान्‍ता मान्‍तालम्‌कायः परमेस्‍वर्‌कोः पेओ समचार्‌ तोसा लेःआः।

रोमी 8:19

परमेस्‍वर्‌कोः चोःलम् पेओमा ताङ्‌ह्‌तो स्‍याव्ओ त छ्यानःनम् दीन्‌कायः सबै जापीनःती गम्ओ थोक्‌लम् झाह्‌तीलेः ल्‍युङ्‌ह्‌ती मुनाः।

कोलसी 3:4

ओहाङःसैको ङीकायः जीङः बयःओमा ङीकायः स्‍यास्ओ ख्रीस्‌पाय् थाती वाङ्ओहाङः नीङ्‌मा ओउःकुस् थातेःनै ओउःकुस् पेतो ताङ्‌ह्‌तो स्‍याव्‌तेःनै।

२ थेसलोनिकि 2:14

ओउःत हायःसाकायः ङीइ ओउःकोः पेओ समचार्‌ थोल्‍ह्‌ती तोओहाङः परमेस्‍वर्‌इ गोत्‌तेःआकाय्। ओहाङःसै नीङ् प्रभु येसुकुस् ताङ्‌ह्‌तोलेः स्‍याव्‌सा दोःतेःनै।

तीतस् 2:13

लोने दाङ्‌सा पेओ दीन्‌कायः झाह्‌ती ल्‍युङ्‌ह्‌तोक्‌कायः एतलेः वाह्‌नाःतय्‍ही। ओउः दीन्‌हाङः ङीकोः ताङ्‌ह्ओ परमेस्‍वर्‌ ङीकायः दल्‌ताक्‌सा येसु ख्रीस्‌पाय् आङ्‌ग थाङ्‌ग त थाती वाङ्‌नै।

हेब्रैनी 11:35

परमेस्‍वर्‌कायः ङ्‌हाम्‌धार्‌नालेः मोमःचोःलम् लयःकोः सीओ मान्‍तालम् सीओसै उह्‌ती च्‍योक्ओलेः दोःआकाय्। अरु ङ्‌हाम्ओलम् “लौ सीआक्‌तीको ङी इ जीङःसै अरु न्‍हाङ्‌तोलेः पेओ जीङः दोःनाङी” त दाय्‍ह्‌ती अरुइ ओउःमयःकायः घान्‌ती थोःती सात्‌तोक्‌हाङः बेन्‌सा बोङःनीली।

१ पत्रुस् 1:13

ओउःत खेःओ ग्रमःत मुती ल्‍हुङ् व्‍हाय्‌तोलेः स्‍याव्‌तेःपै। “येसु ख्रीस्‌कोः थाती वाङ्‌सा दीन्‌हाङः पेतोलेः स्‍याव्‌नाःतय्‍ही” त दाय्‍ह्‌ती ओउः दीन् योसाकायः झाह्‌तोलेःमा चोङाय्‌तोलेःमा ल्‍युङ्‌ह्‌नु।

१ पत्रुस् 4:13

ओउः लीह्‌सीःओ नीङ्इ ख्रीस्‌कुस्इलेः गोरःतेःनानी ओउःत झ्‍यान्‍ते म्रोतोलेः मुन ओहाङःसैको लोनेः ओउः ताङ्‌ह्‌तो स्‍याव्ओ दीन्‌हाङः नीङ् आन चोङाय्‌तोलेः स्‍याव्‌तेःनै।

१ पत्रुस् 5:1

लौ नीङ् स्‍यालःओ थालवःपालम्‌य ङाइ द्याह् तोचेःनाङ्‌स दा। ङामा थालवःपालेः खेःमानाङः फेरी ख्रीस्‌कोः लीह्‌सीःओ गोरःओ च्‍यवःओ मान्‍तामा खेःमानाङः। लोने वाङ्‌सा खेःओ ताङ्‌ह्‌ताक्‌सा बेलाहाङः ङापाय् ख्रीस्‌कुस् ताङ्‌ह्‌तोलेः स्‍याव्‌सा दोःमानाङः। ओउःत झ्‍यान्‍ते ङाइ द्याह् तोसा कुरापाय् नीङ्इ सायःनाङ्‌स दा।

१ युहना 3:2

लौ राप्ओ पुःचोङ् हौचोङ्‌य ङीपाय् द्याह् परमेस्‍वर्‌कोः चोः लेःआः तय्‍ही ङी “लोनेः गत स्‍याव्‌नाःतय्‍ही” त ङीकायः छ्यानःधाङ्‌तय्‍हीली। इत ह चीःनाःतय्‍ही “ख्रीस्‌कोः लोनेः वाङ्‌सा बेलाहाङःपाय् ङी ओउःकायः दोङ् पेतोलेः च्‍यवःतोक्‌हाङः ओउःलो लेखा थाङ्‌ती स्‍याव्‌नाःतय्‍ही”