ओउःपाय् ओउः दोङ् कुरा छ्यान्ह्ओ ग्वालामः लेःआः नीङ्कुस् गलकायःमा मुलेःनाः। अरु ल्हाव्ह्दैबाङ्हाङः मुओ ङाकायः ङ्हाम्मालो मान्तालम् ओउः ग्वालामः दोःइली। ओउःकायः ओउः मान्तालम्खेइ च्यवःमानीली तय्ह्मानीली ओउःत झ्यान्ते दोःमाइली। ओउःपाय् नीङ्कःगन ब्राङ्तोलेः मुनाः ओउःत झ्यान्ते नीङ्खेइ ओउःकायः तय्ह्तेःनानी।
रोमी 8:11 - चेपाङ11 ओहाङःसै परमेस्वर्इ येसुकायः सीओसै च्योक्ताक्आकान्। ओउःत झ्यान्ते ओउःकोः ग्वालामःपाय् नीङ्कःहाङः मुनाः त खेःया ओउः ख्रीस्कायः उह्ती च्योक्ताक्ओ परमेस्वर्इपाय् नीङ्कोः सीओ आङ्कायःमा ओउःकोः ग्वालामःइ सेलः स्याव्ताक्तेःनै। အခန်းကိုကြည့်ပါ။ |
रोमी 8:11
37 ပူးပေါင်းရင်းမြစ်များ
इ ल्हाव्ह्दैबाङ्कोः आङ्हाङः मुच्युक्हाङः ङी ल्हुङ् द्युम्तो स्याव्नाङी ओउःत झ्यान्ते “पेओ आङ् दोःपाःतय्ही” त म्हर्ती ल्हुङ् सरङ् भरङ् त सायःनाङःइसी तेन्छ्याङ्कोः आङ् फेसाकायः खेःल ओउः रौ आङ् दोःसा आन झाक्नाङी। ओहाङःसैको ओउः सीसा खेःओ आङ्खेपाय् ल्ह्युन्ती वाय्ती ओउः सीसा चीःमालो नया आङ्खे दोःनाःतय्ही बा।
मान्ताइ पेमालो सायः वार्नौ त खेःया ओउः सायः पेमालो दुङ्लेःनाः। ओहाङःसैको ओउः वार्ओ सायःपाय् वाय्तो लेःआः। ओउःतलेः सुसुखेइ लयः ल्हुङ्कोः पेमालो कुरा बोङःचानी ओउःपाय् वाय्तोलेः स्याव्नै। खेःल मान्ताइ पेओ सायः वार्नौ त खेःया ओउः सायः दुङ्ती तोरःतो लन्ह्ती झ्यान्ते पेतो काव्ह्ती त्युम्ह्सा दोःनाः। ओउःतलेः सुसुखेइ परमेस्वर्कोः ग्वालामःकोः कुरा बोङःनानी ओउःपाय् गलमा द्योक्मालो रौ जीङः दोःनै।
परमेस्वर्इलेः ङीकोः ताङ्ह्ओ प्रभु येसुकायः सीओसै उह्ती च्योक्ताक्आकान् बा। येसुपाय् सीती झ्यान्ते ओउः गलमा वाय्मालो तोती गम्ओ कुरापाय् पेतोलेः स्याव्नाः। ओउःपाय् ङी ङ्हाम्ओलम्कोः स्यालःओ मान्ता लेःआः। लौ ओउः झाक्ओ काम् जाङ्ह्साकायः ङीकायः ल्हुङ् धोमाय्ताक्ओ परमेस्वर्इ सबै पेओलम् दोःतेःताक्तेःपै। ओहाङःसै येसु ख्रीस्इ बयःओ ग्वम्इलेः ओउःकायः म्रोताक्सा काम्लम् जाङ्ह्ताक्पाःतय्ही। येसु ख्रीस्कायःपाय् गलकायःमा ताङ्ह्ताक्पाःथै। ओउःतलेः स्याव्पाः दा।
ओउः दोह्मा रेव्ओ जाङ्ह्मालो ख्रीस्पाय् ङीकोः रेव्ओ काम्लम् सबै क्युम्ह्ती वाय्साकायः यातै पेन्ह्हाङः सीलेःआ। ओउः पेओ नीङ्ओ मान्ताइपाय् ङी रेव्ओ मान्तालम् परमेस्वर्कुस् गोय्खामःसाकायः ङीकोः होन्त लीह्सीःओ गोरःआकान्। ओउःकोः आङ् मुतोक्हाङः येसुपाय् सात्ओ खेःतो परमेस्वर्कोः ग्वम्इ उह्ती च्योक्ताक्ओ खेःतो।
ကြော်ငြာတွေ