रोमी 7:18 - चेपाङ

¹⁸ ङाकोः ल्‍हाव्‍ह्‌दैबाङ्‌हाङः मुओ आङ्‌कोः ल्‍हुङ्‌पाय् नीङ्ओपाय् खेःल त चीःलेःनाङः दोह् हायःती दाय्‍ह्‌सा ङा पेओ काम् जाङ्‌ह्‌सा झाक्‌सापाय् झाक्‌लेःङोतो ओउःत जाङ्‌ह्‌सा खाय्‌ङल।

रोमी 7:18 ပူးပေါင်းရင်းမြစ်များ

मत्ती 15:19

मान्‍ताकोः ल्‍हुङ्‌सै सबै रेव्‌तो कुरा वाङ्‌नाः। मान्‍ताकोः भीत्रहाङः दोह् मुनाः दाय्‍ह्‌सा कुःओ ल्‍हुङ् अरुकायः सात्‌सा ल्‍हुङ् अरुकोः बुधी आलःसा ल्‍हुङ् ल्‍हास्‍या जाङ्‌ह्‌सा झाक्ओ ल्‍हुङ् मुनाः अरुकायः माःती रेव्‌तो तोओ ल्‍हुङ् इ सबैलेः मान्‍ताकःहाङः मुती झ्‍यान्‍ते ओउःकायः रेव्‌ताक्‌नाःथै।

लुका 11:13

ओउःत झ्‍यान्‍ते नीङ् पेओ खेःमालोलम्‌खेइ लयःकोः चोःलम्‌कायः पेतो बयःसा चीःतेःनानी दोङ्‌सीलेः नीङ्‌कोः परमेस्‍वर्‌ आपाखेइ ओउःकः तेओलम्‌कायः लयःकोः ग्‍वालामः बयःलेःनाःथास।”

युहना 3:6

मान्‍ताकःसै मान्‍ताकोः जीङः ह दोःनाः परमेस्‍वर्‌कोः ग्‍वालामःकःसै दोङ् पेओ रौ जीङःखे दोःआनाः।

रोमी 13:14

येसु ख्रीस्इ बयःओ रौ ल्‍हुङ्‌पाय् दोःती ओउः ङ्‌हाकोः आय् ल्‍हुङ्‌कोः रेव्‌तो मोह्‌हाय्ओपाय् फेन।

रोमी 7:15

ओउःत खेःओ ङाइ जाङ्‌ह्ओ काम्‌लम्‌पाय् “दोह् हायःती जाङ्‌ह्आलाङः” त ङाइ पेतो चीःङसल। ङा झाक्ओ काम्‌लम्‌खे ङा जाङ्‌ह्‌ङल दोह् दोह् काम्‌लम्‌खे ङा अह्र्नाङः ओउः काम्‌लम्‌पाय् ङाइ जाङ्‌ह्‌लेःनाङः।

रोमी 7:19

ङा झाक्ओ पेओ काम्‌लम्‌खेपाय् जाङ्‌ह्‌माःत ङा झाक्‌मालो रेव्ओ काम्‌लम्‌खे जाङ्‌ह्‌नाङः।

रोमी 7:25

लौ परमेस्‍वर्‌कायः “च्‍युता” त तोपाःथै ङीकोः प्रभु येसु ख्रीस्इलेः ङाकायः बेन्‌ताक्‌सा खाय्‌नाःताङः। लौ उया ङा ओउःतलेः मुनाङः लयःइलेः ङाकोः दोङ् ल्‍हुङ्‌हाङः ह परमेस्‍वर्‌कोः ऐन्‌खे जाङ्‌ह्‌सा खाय्‌नाङः ङा आङ्इ पेमालो थे ऐन्‌कोः कुरा जाङ्‌ह्‌नाङः।

रोमी 7:5

ङ्‌हाहाङःलेः ङीइ रेव्ओ ल्‍हुङ्‌कोः मोह्‌हाय्ओ कुरा ग्‍याती वाह्ओ बेलाहाङःपाय् ओउः ऐन्इलेः ङीकोः ल्‍हुङ्‌कायः थ्‍योन्‍ह्‌ती ङीकायः आङ् सीताक्‌सा खेःओ काम्‌लम् जाङ्‌ह्‌ताक्आतय्‍ही।

गालाती 5:17

मान्‍ताकोः ल्‍हुङ्‌हाङः झाक्ओ कुरा थेलेः परमेस्‍वर्‌कोः ग्‍वालामः झाक्ओ कुरा थेलेः इ नीस् कुरापाय् ङ्र्याःचल बीरोत्‌लेः खेःकाय्‌नाःच। ओउःत झ्‍यान्‍ते नीङ् लयः झाक्ओ कुरातेः जाङ्‌ह्‌सा खाय्‌तेःउलु।

गालाती 5:24

ख्रीस्‌कोः मान्‍तालम्इ लयःकोः ल्‍हुङ्‌कोः रेव्‌तो मोह्‌हाय्ओलम् ख्रीस्‌कोः क्‍ल्‍याय्ओ सीङःहाङः जुगाङ् म्‍हीत्‌ताक्‌तीलेः वाय्आकानी बा।

फीलीपी 2:13

दोह् हायःती दाय्‍ह्‌सा ओउःकोः लयः झाक्ओ काम् जाङ्‌ह्‌साकायः परमेस्‍वर्‌इ नीङ्‌कायः ग्‍याताक्‌मातेःनै खाय्‌ताक्‌मातेःनै।

फीलीपी 3:12

एत हायःसा आसती म्‍हर्‌सापाय् म्‍हर्‌लेःनाङः ओउःपाय् दोःधाङ्‌ङल ङापाय् जुगाङ् छय्‍ङ्‌तोलेः स्‍याव्‌धाङ्‌ङल। दोह्‌लो येसु ख्रीस्इलेः ङाकायः छीङ्‌ह्‌ती बयःसा बोङःनौ ओउःलेः त्‍याक्‌साकायः ङाइ आन त्‍युस्‌तीलेः बोङःनाङः।

तीतस् 3:3

दोह् हायःती दाय्‍ह्‌सा ङ्‌हापाय् ङीमा चीःमालो ग्‍यामालो रेव्ओ ल्‍हुङ् नाःओलम् खेःतय्‍हीतो। पेमालो ल्‍हुङ्‌कोः मोह्‌हाय्ओ बोङःती अरुकः ल्‍हह्‌ती वाह्आतय्‍ही अरुलम् ङीकः ब्‍लाय्‍क्आकाय् ङीमा अरुलम्‌कः ब्‍लाय्‍क्आतय्‍ही।

१ पत्रुस् 4:2

ल्‍हाव्‍ह्‌दैबाङ्‌हाङः मुतोक्‌हाङः ओहाङःकोः रेव्‌तो मोह्‌हाय्ओलम् ग्‍यामाःत परमेस्‍वर्‌कोः झाक्ओ कुरा जाङ्‌ह्‌नु।