रोमी 7:11 - चेपाङ

¹¹ ऐन्‌कोः कुरापाय् ङाकोः ल्‍हुङ्‌हाङः पोक्आक्‌तीको ङाकोः रेव्ओ ल्‍हुङ्इ ङाकायः थ्‍योन्‍ह्‌ती झ्‍यान्‍ते सीसा खेःओ मान्‍ता स्‍याव्‌ताक्आताङः।

रोमी 7:11 ပူးပေါင်းရင်းမြစ်များ

रोमी 3:20

ऐन्‌कोः कुरा जाङ्‌ह्‌ती ह सुमा परमेस्‍वर्‌कोः मीक्‌हाङः पेतो नीङ्‌तो स्‍याव्इली। ओउः त झ्‍यान्‍ते ऐन् चीःसाकायः दोह् काम् लोनाः दाय्‍ह्‌सा “लौ इत इत हायःसा पेल” त मान्‍ताकायः व्‍हक्‌ताक्‌नाःथास ओउःत हायःसाकायः ओउः ऐन्‌पाय् बयःओ लेःआः।

रोमी 7:13

ओउःत झ्‍यान्‍ते “ओउः पेओ ऐन्इपाय् ङाकायः सीताक्आताङः” त दाय्‍ह्‌ती मान्‍ता म्‍हर्‌नै यादो। खेःल रेव्ओ ल्‍हुङ्इ ओउः पेओ ऐन्‌कोः कुरा नोःती ङाकायः थ्‍योन्‍ह्‌ती सीसा खेःओ स्‍याव्‌ताक्आताङः। ओउःत हायःती रेव्ओ ल्‍हुङ्‌पाय् न्‍हाङ्‌तोलेः रेव्ओ लेःआः त छ्यानःओ लेःआः।

रोमी 7:8

ओउः ऐन् चीःआक्‌तीको ऐन्‌कोः त्‍याःओ कुरापाय् “लौ जाङ्‌ह्उ” त ङाकोः रेव्ओ ल्‍हुङ्‌पाय् थ्‍योन्‍ह्‌ती दाय्‍ह्‌ती ङाकायः आन लह्‌ती वाह्‌ताक्आताङः। ओउः ऐन्‌कोः कुरापाय् नाःल त खेःया रेव्ओ ल्‍हुङ्इ ओउःत हायःसा खाय्उलु ओउः ऐन्इपाय् सीओ मान्‍तालो लेखालेः दोह्‌मा हायःसा खाय्उलु।

एफेसस् 4:22

ओउःत झ्‍यान्‍ते नीङ्‌कोः ङ्‌हाकोः रेव्ओ ल्‍हुङ् फेती ओउः खाल्‌कोः ल्‍हुङ्‌कोः मोह्‌हाय्ओ काम् जाङ्‌ह्‌तेःचानी। ओउः ङ्‌हाकोः ल्‍हुङ्‌पाय् रेव्‌ती वाय्‌लेःनाः।

हेब्रैनी 3:13

ओउःत झ्‍यान्‍ते तेन्‌छ्याङ्‌कोः दीन्‌लम्‌हाङः “सुकायःमा रेव्ओइ थ्‍योन्‍ह्‌ती ल्‍हुङ् चाक्‌तोलेः स्‍याव्‌ताक्‌लाम्” त दाय्‍ह्‌ती दीन् दीन्‌कायः स्‍योत्‌ती स्‍योत्‌ती लःलयःमयःकायः लव्‍ह्‌काय्‌न दा।

याकुब् 1:22

ओउः नोःराय्‌कोः कुरा सायःसा ह खेःल ल्‍हुङ्‌हाङः रोत्‌ती जाङ्‌ह्‌सामा खेःतो। सायःसा ह त खेःया आह्रे लेःआः।

याकुब् 1:26

फेरी सुसुइ “लौ ङापाय् धर्‌मा जाङ्‌ह्ओ मान्‍ता लेःआः ङ” त दाय्‍ह्‌ती ताःनाःइसी बुरु लयःकोः लेइ पेमालो कुरा नोःनौ त खेःया ओउः मान्‍ताइ जुगाङ् चीःनीली ओउःइ जाङ्‌ह्ओ धर्‌मा आह्रे खाल् स्‍याव्‌नाः।