रोमी 6:21 - चेपाङ21 द्याह् ओउः ङ्हा जाङ्ह्ओ पेमालो कुरापाय् अह्र्सीःओलेः त म्हर्तेःनै फेरी ओउः रेव्ओ कुराकोः जाङ्ह्झ्याङ्कोः दोह्लो दाय्ह्सा सीतोलेः स्याव्सा ह बा। အခန်းကိုကြည့်ပါ။ |
रोमी 6:21
46 ပူးပေါင်းရင်းမြစ်များ
नीङ्इ अरु मान्ताकोः काम्लम् ग्याती केलःती जाङ्ह्तेःनानी त खेःया ओउः मान्ताकोः नोकरीलो लेखा स्याव्तेःनै। एतलेः नीङ्इ रेव्ओ काम्लम्खे ग्याती जाङ्ह्तेःनानी त खेःया रेव्ओकोः नोकरी स्याव्ती सीतेःनै। खेःल परमेस्वर्कोः पेओ काम्खे ग्यातीलेः जाङ्ह्तेःनानी त खेःया ओउःकोः मीक्हाङः पेतोतेः स्याव्तेःनै।
नीङ्कोः लीह्सीःओ परमेस्वर्कःसै दोःओआः बा। लीह्आक्तीको परमेस्वर्कोः काम् जाङ्ह्साकायः नीङ् गुच्युक् म्ह्युङ्तीलेः ग्यातेःआकाय्। “ङीइ पेतोलेः हायःआलाङःसु” त दाय्ह्ती छ्यानःसाकायः नीङ् द्याह् आन झाक्तेःनै। ओउः पेमालो जाङ्ह्ओचाक्कः गुच्युक्तेः ल्हुङ् अह्र्सीःतो स्याव्तेःआकाय् गुच्युक्तेः ल्हुङ् रुःतेःआकाय् अरुकायः पेतो राप्ती ओउः काम् पेतो जाङ्ह्साकायः गुच्युक्तेः झाक्तेःआकाय्। माः है एत हायःती नीङ्कोः ल्हुङ् पेतो लेःआः त फानःती छ्यानःतेःआकानी।
मोसाकोः ऐन् ग्यामालो मान्ताकायः एत न्युम्ह्तो स्याव्नाः त खेःओ सुसुइ परमेस्वर्कोः चोः अह्र्तोलेः योचानी ओउःपाय् न्हाङ्तोलेः न्युम्ह्नै बा। दोह् हायःती दाय्ह्सा ओउः मान्ताइपाय् छय्ङ्ताक्ओ ख्रीस्कोः होम्काय्ती बयःओ वयःपाय् अरुइ बयःओ वयःलो लेखा मीतोलेः ताःमानौ ओउःकायः योनःती योओ परमेस्वर्कोः ग्वालामःकायःमा हेला क्लाःमानौ।
ကြော်ငြာတွေ