रोमी 5:4 - चेपाङ

⁴ ओहाङःसैको ग्रमःत मुओ मान्‍तापाय् परमेस्‍वर्‌कायः म्रोताक्ओ मान्‍ता लेःआः त चीःओ लेःआः। परमेस्‍वर्‌कायः म्रोताक्ओ मान्‍ताइ “लौ ङा लोने पेतो स्‍याव्‌नाङः” त ल्‍हुङ्‌हाङः आसती चीःनानी।

रोमी 5:4 ပူးပေါင်းရင်းမြစ်များ

लुका 21:19

ओउःत स्‍याव्‌लेःनाः ङाकायःमा ङाकोः कुराकायःमा फेमाःत नीङ् ल्‍हुङ् ग्रमःत मुलेःतेःनै त खेःया नीङ्‌पाय् दल्‌तेःनै बा।

रोमी 15:4

ओहाङःसैको परमेस्‍वर्‌कोः आखरःहाङः लेखओ कुरापाय् सबै ङीकायः स्‍यान्‌सा थेङा उय्‍ह्‌लेहाङः लेखओ खेःतो। दोह् हायःती दाय्‍ह्‌सा ओउः कुरा पह्रती ङी ल्‍हुङ् ग्रमःत स्‍याव्‌ती ओउःकोः ताप्‌तो स्‍याव्‌सा दीन्‌कायः गुह्र्मामाःत आसती ल्‍युङ्‌ह्‌सा खाय्‌नाःतय्‍ह्‌नी।

फीलीपी 2:22

ओउःखेइ ङाकुस् नीस् आपाचाःलो लेखालेः परमेस्‍वर्‌कोः पेओ समचार्‌कोः काम् ज्‍याक्‌ती जाङ्‌ह्ओआः बा ओउःत नीङ्इ चीःतेःनानी।

हेब्रैनी 6:19

एत दोङ् कुरा चीःधार्‌ना ङी ल्‍हुङ् ग्रमःत ङ्‌हाम्ओलेः मुनाःतय्‍ही। ङीइ ङ्‌हाम्ओ परमेस्‍वर्‌पाय् ङ्‌हापाय् मन्‍दीर्‌कोः दोङ् दुङ्‌हाङः क्रुस्‌सा दोःओ खेःतो ओउःत झ्‍यान्‍ते सबै मान्‍ताकोः होन्‍त प्रधान् पुरोहीत्‌लम्‌पाय् ओउः मन्‍दीर्‌कोः हेङ्‌केओ नाय् उःसै आल्ओ खेःतो।

याकुब् 1:12

लीह्‌सीःओ च्‍यवःओ बेलाहाङः सुसु ग्रमःत मुनै ओउःपाय् चोङाय्‌तोलेः स्‍याव्‌नै दोह् हायःती दाय्‍ह्‌सा ओउःकोः हायःझ्‍याङ्‌कायः ओउःपाय् पेओ रौ जीङः दोःलेःनाः। ओउः जीङःपाय् “लौ ङाकायः राप्ओलम्‌कायः बयःनाङःसु” त दाय्‍ह्‌ती परमेस्‍वर्‌इ तोती गम्आकान्।

१ पत्रुस् 5:10

ओहाङःसैको नीङ्इ बल लीह्‌सीःओ गोरःआक्‌तीको लोने परमेस्‍वर्‌इ नीङ्‌कायः योनःती योती पेतो ल्‍हुङ् क्रोङ्‌तोलेः ङ्‌हाम्‌तेःताक्‌तेःनै दोह् हायःती दाय्‍ह्‌सा परमेस्‍वर्‌इ नीङ्‌कायः प्रभु येसु ख्रीस्‌कुस् गलकायःमा तोङ्‌ह्‌तोलेः स्‍याव्‌साकायः गोत्‌तेःआकाय्।