रोमी 5:12 - चेपाङ

¹² ओउः अरुसै ङ्‌हा जाङ्‌ह्ओ आदम् त तोओइ ल्‍हाव्‍ह्‌दैबाङ्‌हाङः ङ्‌हापाय् रेव्ओ काम् जाङ्‌ह्आकान् ओउःत रेव्ओ जाङ्‌ह्आक्‌तीको आदम्‌पाय् सीलेःआ ओउः ह खेःल सबै मान्‍तालम्‌कायः सीती वाय्ओ खाल्‌लेः स्‍याव्‌ताक्आथास दोह् हायःती दाय्‍ह्‌सा सबै मान्‍तालम्इमा ओउःकः तेःती रेव्ओलेः जाङ्‌ह्आकानी।

रोमी 5:12 ပူးပေါင်းရင်းမြစ်များ

रोमी 3:23

सबै मान्‍तालम्इ रेव्ओ काम् जाङ्‌ह्ओ लेःआः ओउःमयःपाय् परमेस्‍वर्‌च्‍युक् पेओमा ताङ्‌ह्ओमा स्‍याव्‌सा जुगाङ् खाय्आक्‌नीली।

रोमी 5:18

ओउःत झ्‍यान्‍ते यात्‌चाक्‌कोः रेव्ओ काम् जाङ्‌ह्‌धार्‌नालेः सबै मान्‍तालम् न्‍युम्‍ह्‌तो स्‍याव्‌नै। ओउःतलेः यात्‌चाक्‌कोः पेओ काम् जाङ्‌ह्‌धार्‌नालेः सबै मान्‍तालम् परमेस्‍वर्‌कोः मीक्‌हाङः पेतोलेः स्‍याव्‌ती रौ जीङः दोःनै।

रोमी 5:19

यात्‌चाक् आदम्‌खेपाय् परमेस्‍वर्‌कोः हुकुम् सायःसा ग्‍यामाःत झ्‍यान्‍ते नाःतो मान्‍तालम्‌लेः रेव्‌तो जाङ्‌ह्ओ मान्‍ता स्‍याव्आकाय्। ओउःलो लेखालेः यात्‌चाक् ख्रीस्‌खेइपाय् परमेस्‍वर्‌कोः हुकुम् ग्‍याती जाङ्‌ह्‌ती झ्‍यान्‍ते नाःतो मान्‍तालम् परमेस्‍वर्‌कोः मीक्‌हाङः पेतो स्‍याव्‌नै।

रोमी 5:21

ओहाङःसै ङ्‌हापाय् रेव्ओ काम्‌लम्‌खेइ सीओलेः वानःआथै ओउःतलेः परमेस्‍वर्‌इ योनःती योओखेइ स्‍याक्ओलेः वानःनाःथै। मान्‍तालम् परमेस्‍वर्‌कोः मीक्‌हाङः पेतो स्‍याव्आक्‌तीको प्रभु येसु ख्रीस्इपाय् गलमा द्योक्‌मालो जीङःलेः वानःनौ।

रोमी 6:21

द्याह् ओउः ङ्‌हा जाङ्‌ह्ओ पेमालो कुरापाय् अह्र्सीःओलेः त म्‍हर्‌तेःनै फेरी ओउः रेव्ओ कुराकोः जाङ्‌ह्‌झ्‍याङ्‌कोः दोह्‌लो दाय्‍ह्‌सा सीतोलेः स्‍याव्‌सा ह बा।

रोमी 6:23

माः रैस रेव्ओ काम्‌कोः जाङ्‌ह्‌झ्‍याङ्‌खेकोः मान्‍ता सीतो स्‍याव्‌सा लेःआः ङीकायः परमेस्‍वर्‌इ सोह् बयःओखे ङीकोः प्रभु येसुकुस् मुओ गलमा द्योक्‌मालो जीङः लेःआः बा।

१ कोरीन्‍थी 15:56

ओउः ऐन् मुनाः त खेःया मान्‍ताइ ऐन्‌कोः कुरा जाङ्‌ह्‌माःत झ्‍यान्‍ते रेव्ओ काम् जाङ्‌ह्‌नानी। ओउःमयः रेव्ओ काम् जाङ्‌ह्‌नानी त झ्‍यान्‍ते सीलेःनै।

एफेसस् 2:3

ङीमा ङ्‌हापाय् ओउःमयःकुस् वाह्‌ती लयःकोः ल्‍हुङ्‌कोः रेव्‌तो मोह्‌हाय्ओ झाक्‌ती जाङ्‌ह्आतय्‍ह्‌नी। ओउःत हायःती झ्‍यान्‍ते अरु मान्‍तालो लेखा ङीकःमा परमेस्‍वर्‌ ल्‍हुङ् मल्‍ह्‌तो मुओ खेःतो।

याकुब् 1:15

इत झाक्ओ थाङ्‌ती झ्‍यान्‍ते लोने पेमालो काम्‌लम् वाङ्‌नाः। पेमालो काम्‌लम् ब्‍याव्‌तो स्‍याव्‌ती झ्‍यान्‍ते सीतो स्‍याव्ओलेः वाङ्‌नाः।

याकुब् 3:2

ङीइ सबै आन ब्रःझुङ्‌नाःतय्‍ही। सु मान्‍ताखे गलमा ब्रःतीलेः नोःल ओउःपाय् जुगाङ् नीङ्ओ मान्‍ता लेःआः सबै कुरा ल्‍हुङ् व्‍हाय्‌तोलेः जाङ्‌ह्‌नौ।