रोमी 5:1 - चेपाङ1 ङीइ ङ्हाम्ती झ्यान्ते परमेस्वर्कोः मीक्हाङः पेतो स्याव्आतय्ही ओउःत खेःओ ङीकोः प्रभु येसु ख्रीस्इ परमेस्वर्कुस् ल्हुङ् ब्राङ्काय्ताक्आतय्ही। အခန်းကိုကြည့်ပါ။ |
रोमी 5:1
53 ပူးပေါင်းရင်းမြစ်များ
फेरी ओउः नोःराय्इपाय् मान्तालम् गत हायःती परमेस्वर्कोः मीक्हाङः पेतो नीङ्तो स्याव्सा खाय्नानी त छ्यानःलेःनै। ङ्हाहाङःमा लोनेमा गलकायःमा मान्ताइ ङ्हाम्ओ त खेःया ओउःपाय् नीङ्तोलेः स्याव्ती स्याक्लेःनै दोह् हायःती दाय्ह्सा “सुखेलोइ ङ्हाम्नानी ओउः मान्तापाय् ङ्हाम्धार्नालेः नीङ्तो स्याव्नै” त दाय्ह्ओ परमेस्वर्कोः आखरःहाङः लेखती मुनाः।
दोह् हायःती दाय्ह्सा परमेस्वर्कोः राजीहाङः दोह् दोह् जेःसा दोह् दोह् तुङ्सा त दाय्ह्ती जवओ कुरालेः नाःल। ओउःकोः राजीहाङः दोह् दोह् कुरापाय् ताङ्ह्लेःनाः दाय्ह्सा पेतो छय्ङ्तो मुओलेःमा ल्हुङ् धोमाय्ओमा ल्हुङ् चोङाय्ओमा इ सबै कुरा परमेस्वर्कोः ग्वालामःइ बयःओ लेःआः ओउःकोः राजीहाङः ताङ्ह्ओ लेःआः।
काम् केलःती जाङ्ह्ओ मान्तापाय् ओउःत लेःआः सुसुइ परमेस्वर्कायः जुगाङ् म्रोताक्ओ काम्पाय् “जाङ्ह्सा खाय्ङल” त ल्हुङ्हाङः चीःआक्तीको “लौ परमेस्वर्इ रेव्ओ काम् जाङ्ह्ओ मान्ताकायः पेतो स्याव्ताक्सा खाय्नौ” त ङ्हाम्नौ ओउःकोः ङ्हाम्झ्याङ्कायः परमेस्वर्इ लयःइ मीक्हाङः पेतोलेः योनौ।
ओउःतलेः खेःनाःतय्ही ऐन्कोः कुरा जाङ्ह्ती परमेस्वर्कोः मीक्हाङः सुइमा जुगाङ् पेतोलेः स्याव्सा खाय्तय्ह्नीली। येसु ख्रीस्कोः कुरा ङ्हाम्आक्तीको ह पेतो छय्ङ्तोलेः स्याव्नाःतय्ही। एत चीःती ङी यहुदीलम्इमा परमेस्वर्कोः मीक्हाङः पेतो स्याव्साकायः येसु ख्रीस्कोः कुरा ङ्हाम्नाःतय्ह्नी ऐन्कोः कुरा जाङ्ह्तय्ह्नीली दोह् हायःती दाय्ह्सा ऐन्कोः कुरा जाङ्ह्ती परमेस्वर्कोः मीक्हाङः सुमा पेतो स्याव्इली।
ओउःपाय् ल्हुङ्खेकोः रेव्ओ कुराखे लेःआः। परमेस्वर्कोः ग्वालामःखेकोः पेओ कुराखे इलेःआः। राप्ओ ल्हुङ्मा चोङाय्ओ धोमाय्ओ ल्हुङ्मा लीह्सीःओ गोरःओ पेओ योनःती योओ ल्हुङ्मा ङ्हाम्सीःओ काङ्ओ रेव्तो जाङ्ह्सा ग्यामालो ल्हुङ्मा लयःकायः मीतो योओमा ओउः सबैलेः परमेस्वर्कोः ग्वालामःइ बयःओ कुरालेः ऐन्इ ताक्मालो कुरा खेःल।
परमेस्वर्इलेः ङीकोः ताङ्ह्ओ प्रभु येसुकायः सीओसै उह्ती च्योक्ताक्आकान् बा। येसुपाय् सीती झ्यान्ते ओउः गलमा वाय्मालो तोती गम्ओ कुरापाय् पेतोलेः स्याव्नाः। ओउःपाय् ङी ङ्हाम्ओलम्कोः स्यालःओ मान्ता लेःआः। लौ ओउः झाक्ओ काम् जाङ्ह्साकायः ङीकायः ल्हुङ् धोमाय्ताक्ओ परमेस्वर्इ सबै पेओलम् दोःतेःताक्तेःपै। ओहाङःसै येसु ख्रीस्इ बयःओ ग्वम्इलेः ओउःकायः म्रोताक्सा काम्लम् जाङ्ह्ताक्पाःतय्ही। येसु ख्रीस्कायःपाय् गलकायःमा ताङ्ह्ताक्पाःथै। ओउःतलेः स्याव्पाः दा।
ကြော်ငြာတွေ