रोमी 4:6 - चेपाङ6 उय्ह्लेकोः दावुद् राजा ओउःतलेः स्यान्ती तोओ खेःतो। परमेस्वर्कायः म्रोताक्ओ काम् आःताः जाङ्ह्माःत सुसुकायः परमेस्वर्इ पेतो योनाःथास ओउः मान्तापाय् आन चोङाय्तो लेःआः इ। အခန်းကိုကြည့်ပါ။ |
रोमी 4:6
31 ပူးပေါင်းရင်းမြစ်များ
फेरी ओउः नोःराय्इपाय् मान्तालम् गत हायःती परमेस्वर्कोः मीक्हाङः पेतो नीङ्तो स्याव्सा खाय्नानी त छ्यानःलेःनै। ङ्हाहाङःमा लोनेमा गलकायःमा मान्ताइ ङ्हाम्ओ त खेःया ओउःपाय् नीङ्तोलेः स्याव्ती स्याक्लेःनै दोह् हायःती दाय्ह्सा “सुखेलोइ ङ्हाम्नानी ओउः मान्तापाय् ङ्हाम्धार्नालेः नीङ्तो स्याव्नै” त दाय्ह्ओ परमेस्वर्कोः आखरःहाङः लेखती मुनाः।
ओउःत झ्यान्ते ङीइ लयःकोः नेह्रो ओर्ताक्सा जुगाङ् खाय्ङुसुलु दोह् हायःती दाय्ह्सा ङीइ ऐन्कोः कुरा जाङ्ह्ओकायः खेःल येसु ख्रीस्कायः ङ्हाम्आक्तीको ह परमेस्वर्इ लयःकोः मीक्हाङः पेतोलेः योनाःतय्ही। ओउःत खेःओ ङीइ लयः जाङ्ह्ओ नेह्रो ओर्ताक्सा कुराखे खेःल परमेस्वर्इ जाङ्ह्ओ कुराखे लेःआः।
ओउः पुन् तात्ओपाय् “लौ इत जवओ ङ्हासैलेः ङापाय् परमेस्वर्कोः मीक्हाङः पेतो स्याव्आलाङः” त अरुकायः छ्यानःसाकायः जाङ्ह्ओ खेःतो। ओहाङःसैको पुन् तात्ओ जवधाङ्मालो बेलाहाङःपाय् आब्राहाम् परमेस्वर्कोः मीक्हाङः पेतो स्याव्आ त झ्यान्तेलेः आब्राहाम्पाय् सबै परमेस्वर्कोः मीक्हाङः पेतो स्याव्ओ ङ्हाम्ओलम्कोः ताकुः लेःआः। ओउःपाय् पुन् तात्ओ जवमालो मान्तालम्कोः ताकुः लेःआः
काम् केलःती जाङ्ह्ओ मान्तापाय् ओउःत लेःआः सुसुइ परमेस्वर्कायः जुगाङ् म्रोताक्ओ काम्पाय् “जाङ्ह्सा खाय्ङल” त ल्हुङ्हाङः चीःआक्तीको “लौ परमेस्वर्इ रेव्ओ काम् जाङ्ह्ओ मान्ताकायः पेतो स्याव्ताक्सा खाय्नौ” त ङ्हाम्नौ ओउःकोः ङ्हाम्झ्याङ्कायः परमेस्वर्इ लयःइ मीक्हाङः पेतोलेः योनौ।
इत चोङाय्तो स्याव्ओ स्याव्ओलम्पाय् यहुदीकोः पुन् तात्ती जवओ मान्ता झुङ्आले खेःइली सबै मान्ताइ एत स्याव्सा खाय्नानी दोह् हायःती दाय्ह्सा ङाइपाय् ङ्हाहाङः दाय्ह्ओलो लेखालेः आखरःहाङःपाय् “आब्राहाम्इ परमेस्वर्कायः ङ्हाम्आकान् ओउःत झ्यान्ते परमेस्वर्इ लयःकोः मीक्हाङः ओउःकायः पेतोलेः योआथै” त दाय्ह्ओ लेखती मुनाः।
“लौ ङाखे ङ्हाम्ओ मान्ता लेःआः ङ नाङ्खे पेओ काम् जाङ्ह्ओ मान्ता लेःतेःआः” त दाय्ह्ती यात्चाक्इ दाय्ह्नाः यादो। नाङ्खेइ पेओ काम् आःताः जाङ्ह्माःत गत हायःती नाङ्इ परमेस्वर्कायः ङ्हाम्ओ छ्यानःसा खाय्तेःचौ र। ङाखेइ पेओ काम् जाङ्ह्धार्ना “परमेस्वर्कायः ङ्हाम्आलाङः” त छ्यानःसा खाय्नाङः।
ကြော်ငြာတွေ