रोमी 4:5 - चेपाङ

⁵ काम् केलःती जाङ्‌ह्ओ मान्‍तापाय् ओउःत लेःआः सुसुइ परमेस्‍वर्‌कायः जुगाङ् म्रोताक्ओ काम्‌पाय् “जाङ्‌ह्‌सा खाय्‌ङल” त ल्‍हुङ्‌हाङः चीःआक्‌तीको “लौ परमेस्‍वर्‌इ रेव्ओ काम् जाङ्‌ह्ओ मान्‍ताकायः पेतो स्‍याव्‌ताक्‌सा खाय्‌नौ” त ङ्‌हाम्‌नौ ओउःकोः ङ्‌हाम्‌झ्‍याङ्‌कायः परमेस्‍वर्‌इ लयःइ मीक्‌हाङः पेतोलेः योनौ।

रोमी 4:5 ပူးပေါင်းရင်းမြစ်များ

मर्‌कस् 9:23

“दोह् हायःतीतेः ‘नाङ्इ खाय्‌तेःनौ त खेःया’ ततेः तोतेःआची। सुसुइ ङाकायः ङ्‌हाम्‌नाःताङः ओउःकायः दोह् खेःयामा दोःनाः बा” त दाय्‍ह्‌ती येसु त्‍याङ्आ

युहना 5:24

दोङ्‌सी दाय्‍ह्‌भनाङ् सुसुइ ङाइ तोओ कुरा सायःती ङाकायः ल्‍होक्ओ आपाकायः पेतो ङ्‌हाम्‌नाःथै ओउःलेः गलमा द्योक्‌मालो जीङः दोःआनै बा। ओउःपाय् लयःकोः ङ्‌हा जाङ्‌ह्ओ रेव्ओ काम् जाङ्‌ह्‌झ्‍याङ्‌कायः न्‍युम्‍ह्‌माःत सीओहाङःसै उह्‌ती च्‍योक्आलेः स्‍याव्‌नै।

युहना 6:29

“परमेस्‍वर्‌इ ल्‍होक्ओ चाक्‌कायः ङ्‌हाम्‌नु दा। इलेः परमेस्‍वर्‌कोः काम्‌पाय्” त येसु दाय्‍ह्‌ती त्‍याङ्आ।

रोमी 10:3

परमेस्‍वर्‌इ मान्‍तालम्‌कायः लयःकोः मीक्‌हाङः गत हायःती पेतो स्‍याव्‌ताक्‌नौ त दाय्‍ह्‌सा ओउः यहुदीलम्इ पेतो तय्‍ह्‌नीली। ओउःत झ्‍यान्‍ते ओउःमयः लयःकोः ल्‍याम्‌हाङः वाह्‌सा बोङःआकानी परमेस्‍वर्‌कोः दोङ् ल्‍याम्‌हाङः वाह्‌सा ग्‍याइली।

रोमी 3:22

सुसुइमा येसु ख्रीस्‌कायःलेः ङ्‌हाम्‌नानी ओउःमयः सबैलेः यहुदीलम्‌मा यहुदी खेःमालोलम्‌मा ओउःकोः मीक्‌हाङः पेओ नीङ्ओ मान्‍ता स्‍याव्‌लेःनै।

रोमी 4:24

ङीकायःमा स्‍याव्‌लेःनाः “परमेस्‍वर्‌इपाय् ङीकोः प्रभु येसुकायः सीओसै उह्‌ती च्‍योक्‌ताक्आकान्” त ङीइ परमेस्‍वर्‌कायः ङ्‌हाम्‌नाःतय्‍ही त झ्‍यान्‍ते ङीमा परमेस्‍वर्‌कोः मीक्‌हाङः पेतोलेः स्‍याव्‌नाःतय्‍ही।

रोमी 4:3

“आब्राहाम्इ परमेस्‍वर्‌कायः ङ्‌हाम्आकान् ओउःत झ्‍यान्‍ते परमेस्‍वर्‌इ लयःकोः मीक्‌हाङः ओउःकायः नीङ्‌तोलेः योआथै” त दाय्‍ह्‌ती दाय्‍ह्ओ परमेस्‍वर्‌कोः आखरःहाङः लेखती मुनाः।

रोमी 4:6

उय्‍ह्‌लेकोः दावुद् राजा ओउःतलेः स्‍यान्‌ती तोओ खेःतो। परमेस्‍वर्‌कायः म्रोताक्ओ काम् आःताः जाङ्‌ह्‌माःत सुसुकायः परमेस्‍वर्‌इ पेतो योनाःथास ओउः मान्‍तापाय् आन चोङाय्‌तो लेःआः इ।

फीलीपी 3:9

ओउःत हायःती ख्रीस्‌कुस् ब्राङ्‌तोलेः स्‍याव्‌नाङः। ऐन्‌कोः कुरा जाङ्‌ह्ओकायः खेःल ख्रीस्‌कायः ङ्‌हाम्‌ती झ्‍यान्‍ते द्याह् ङा परमेस्‍वर्‌कोः मीक्‌हाङः पेतोलेः मुनाङः। ओउःत स्‍याव्ओपाय् ङ्‌हाम्ओलम्‌कायः परमेस्‍वर्‌कःसै दोःनाः।