लौ पुःचोङ् हौचोङ्य सुकायःमा पेमालो काम् न्युम्ह्ताक्साकायः द्यान्ह्तीतेः जाङ्ह्चानी। नीङ्खे ओउःत हायःसा स्याव्ल पेमालो जाङ्ह्ओलम्कायः परमेस्वर्इलेः ल्हुङ् मल्ह्ती लयःइ न्युम्ह्ताक्नाःथास। “लौ ओउःत पेमालो काम् द्यान्ह्ती पाय्क्साकायः ङाकोः काम् लेःआः ङाइलेः न्युम्ह्ताक्नाङःसु” त दाय्ह्ती प्रभु परमेस्वर्इ दाय्ह्ओ ओउःकोः आखरःहाङः लेखती मुनाः।
रोमी 3:5 - चेपाङ5 ङीइ पेमालो जाङ्ह्धार्नालेः परमेस्वर्पाय् अरुसै न्हाङ्तोलेः पेनाः त छ्यानःओ लेःआः। ओउःत खेःओ ङीइ ओउःत रेव्तो हायःती परमेस्वर्कायः पेओ लेःआः त छ्यानःनाःतय्ह्नी त खेःया “ओउःइ ङीकायः न्युम्ह्ताक्सा स्याव्ल” त दाय्ह्ती मान्तालम् दाय्ह्नै यादो। အခန်းကိုကြည့်ပါ။ |
रोमी 3:5
32 ပူးပေါင်းရင်းမြစ်များ
ओहाङःसैको ओउः आखरःहाङः लेखओ ऐन्कोः कुरापाय् सबै ऐन् सायःओ मान्तालम्कायः स्याव्लेःनाः एत चीःनाःतय्ह्नी। माः रैस ऐन्कोः कुरा चीःती झ्यान्ते द्याह्हाङःसै सुइमा “लौ ङाइ रेव्ओ काम्पाय् दोह्मा हायःङल” त तोसा खाय्नीली सबै ल्हाव्ह्दैबाङ्कोः मान्तालम्कायः परमेस्वर्इ गाल्तुम्ती तोसा खाय्नौ।
ओहाङःसैको अरुइ “लौ ङाकोः माःती तोओपाय् परमेस्वर्कोः दोङ् कुराकुस् घार्आक्तीको ओउःपाय् पेओमा ताङ्ह्ओमा त न्हाङ्तोलेः पेतो छ्यानःसा खाय्नाः। एतलेः ङाइ रेव्ओ काम् जाङ्ह्ती परमेस्वर्कायः ताङ्ह्ताक्नाङः त खेःया ओउःइ दोह् हायःती ‘पेमालो’ त दाय्ह्ती ङाकायः गाल्तुम्नाःताङः” त दाय्ह्ओ मुनाः यादो।
फेरी सीओलम् च्योक्इली त खेःया दोह् हायःतीलेः ङाइ एफेसस्हाङः जाःलम्कुस् मीन्ह्आलाङः। मान्ता च्योक्इली त खेःया ओउःत हायःओ आह्रे लेःआः बा। ओउःसै तेन्छ्याङ् ङीइ जेःसा तुङ्सा ह पेलेःनाः दोह् हायःती दाय्ह्सा “स्याङ्ह्लोहाङः सीखेःओ स्याव्ती वाय्नाःतय्ही” एतलेः यात्नीस् मान्तालम्इ तोनानी।
नीङ्कोः लीह्सीःओ परमेस्वर्कःसै दोःओआः बा। लीह्आक्तीको परमेस्वर्कोः काम् जाङ्ह्साकायः नीङ् गुच्युक् म्ह्युङ्तीलेः ग्यातेःआकाय्। “ङीइ पेतोलेः हायःआलाङःसु” त दाय्ह्ती छ्यानःसाकायः नीङ् द्याह् आन झाक्तेःनै। ओउः पेमालो जाङ्ह्ओचाक्कः गुच्युक्तेः ल्हुङ् अह्र्सीःतो स्याव्तेःआकाय् गुच्युक्तेः ल्हुङ् रुःतेःआकाय् अरुकायः पेतो राप्ती ओउः काम् पेतो जाङ्ह्साकायः गुच्युक्तेः झाक्तेःआकाय्। माः है एत हायःती नीङ्कोः ल्हुङ् पेतो लेःआः त फानःती छ्यानःतेःआकानी।
“लौ लाङ्काहाङः मुओलम्य ओउः सहर् योती म्रोतोलेः मुन दा। नीङ् परमेस्वर्कायः ङ्हाम्ओलम्मा ओउःकोः छ्युङ्ह्ती ल्होक्ओमयःमा ओउःकोः कुरा छ्यानःओमयःमा नीङ् सबै म्रोतीलेः मुन दोह् हायःती दाय्ह्सा नीङ्कायः पेमालो हायःओ सहर्कायः परमेस्वर्इ ओउःकोः रेव्झ्याङ् बयःती द्याह् न्युम्ह्ताक्नौ बा” त दाय्ह्ती दाय्ह्ओ खेःतो।
ကြော်ငြာတွေ