‘लौ इपाय् लान्इ ङायःओ चाक् लेःआः बा’ त दाय्ह्ती नोःकाय्तेःइतो ङा मान्ताकोः चोः त तोओ मुतोक्हाङः ङाखेइ जेःती तुङ्तो मुओआः ङ ओउःत झ्यान्ते ङाकायःपाय् ‘लौ इ मान्तापाय् जेःक्राक् तुङ्क्राक् लेःआः बा। इपाय् पैसा जेःओ मान्ताकुस्मा रेव्तो जाङ्ह्ओ मान्तालम्कुस्मा ब्राङ्तोलेः वाह्नाः’ त दाय्ह्ती नोःकाय्तेःनै। ओउःत नोःकाय्तेःइतो बुरु व्हाय्ओ मान्ताकायःपाय् ओउःइ जाङ्ह्ओ काम् योधार्नालेः तय्ह्सालेः खाय्नाः बा” त दाय्ह्ती येसुइ तोआथास।
रोमी 3:4 - चेपाङ4 परमेस्वर्इ तोती गम्ओ कुरापाय् दोङ् ङ्हाम्सीःओ कुरा लेःआः बा। माःहै मान्तालम्खेपाय् सबै माःओलेः मुचै त खेःया परमेस्वर्खे दोङ्सीःओ मुलेःनाः। ओउःकोः आखरःहाङः “लौ त्यानःकाय्ती नोःतोक्हाङःमा तय्छनःती योओ बेलाहाङःमा नाङ्कोः कुरा दोङ् पेओ कुरा लेःआः त सबैकायः छ्यानःसाआः” त दाय्ह्ओ परमेस्वर्कायः तोओ कुरा आखरःहाङः लेखती मुनाः। အခန်းကိုကြည့်ပါ။ |
रोमी 3:4
33 ပူးပေါင်းရင်းမြစ်များ
ओउःत हायःओ त खेःओ “ओउः यहुदीलम् क्वेन्ह्ती तोन्तोक्हाङः जुगाङ्लेः वाय्तो स्याव्आकाय्या” त दाय्ह्ती यात्नीस्इ व्हत्चानी यादो। खेःल ओउः यहुदीलम्खे ब्रःतोक्हाङः यहुदी खेःमालोलम्खे दल्तो स्याव्आकाय्। एत चीःआक्तीको ओउः यहुदीलम्पाय् ल्हुङ् लती “लौ ङीमा ओउःलो लेखालेः स्याव्पाःतय्ही” त दाय्ह्ती म्हर्ताक्साकायः परमेस्वर्इ ओउः यहुदी खेःमालो जात्लम्कायः दल्ताक्आथास।
ओउःमयःखेइ ओउःतलेः लयःकायः ताङ्ह्ताक्सा बोङःनीतो ङाखे “ङीकोः प्रभु येसु ख्रीस्लेः ङीकायः दल्ताक्सा थेङा क्ल्याय्ओ सीङःहाङः सीओआः” त दाय्ह्ओ कुरा ह ताङ्ह्ताक्तीलेः तोसा झाक्नाङः। ओउः ख्रीस्पाय् सीआ त दाय्ह्ओ कुराखे चीःती ल्हाव्ह्दैबाङ्कोः कुराखे ङा द्याह् दोह्तमा म्हर्ङल ओउः कुरासै पेङ्कलःती वेङःआलाङःस।
दोङ्सीलेः ङीकोः ङ्हा चीःआक्मालो ङ्हाम्ओ कुरापाय् आन ताङ्ह्जेःनाः बा। ओउः कुरा इलेःआः। “येसु ख्रीस्पाय् मान्ताकोः आङ्हाङः थाती वाङ्ओआः। ओउःकायः ‘परमेस्वर्कोः ग्वालामःइ जुगाङ् छय्ङ्तो लेःआः’ त छ्यानःआकान् ओउःकायःमा परमेस्वर्कोः लाङ्कासै ल्होक्ओमयःइ च्यवःआथै ओउःकोः कुरापाय् देस् देस्ताङ् थोल्ह्ती तोओआः। थोल्ह्ती तोआक्तीको ल्हाव्ह्दैबाङ्कोः मान्तालम्इ ओउःकायः ङ्हाम्आकानी ओहाङःसै ओउःकायः ताङ्ह्ताक्साकायः त्यावःताङ् लनःआथै” त दाय्ह्ओ मुनाः।
एतलेः तोतीमा कीरीया जेःतीमा परमेस्वर्इ नीस्ज्योः जुगाङ् क्लोय्क्सा खाय्मालो कुरा गम्आकान्। इनीस् कुराकायःमा दोह् कुराकायःमा ओउःइ गलमा माःसा खाय्उलु। ओउःत झ्यान्ते “ङी परमेस्वर्कःताङ् दल्साकायः वाङ्ओलम् ओउःकोः तोती गम्ओ कुरा दोःनाःतय्ही” त दाय्ह्ती चीःती ल्हुङ् धोमाय्तो स्याव्नाःतय्ही।
ကြော်ငြာတွေ