रोमी 2:20 - चेपाङ

²⁰ परमेस्‍वर्‌कोः ऐन्‌पाय् दोःती झ्‍यान्‍ते ङाइ सबै दोङ् पेओ कुरा चीःलेःनाङः ओउःत खेःओ चीःमालोलम्‌कायःमा हौलम्‌कायःमा ङाइलेः स्‍यान्‌सा खाय्‌नाङः” त दाय्‍ह्‌तीमा ङाःती ताःतेःनाःस।

रोमी 2:20 ပူးပေါင်းရင်းမြစ်များ

मत्ती 11:25

ओहाङःसैको ओउः बेलाहाङः येसुइ परमेस्‍वर्‌ आपाकायः ताङ्‌ह्‌ताक्‌ती तोआकान् “लौ परमेस्‍वर्‌ आपाय नाङ् फेल्‌बाङ् ल्‍हाव्‍ह्‌दैबाङ्‌कोः प्रभुलेः ङाइ तोओ कुरापाय् व्‍हाय्‌तो चीःओ मान्‍तालम्‌कायः छ्यान्‍ह्‌माःत इलो खेःओ मीओलम्‌कायः ह नाङ्इ लयः झाक्‌तीलेः छ्यान्‍ह्‌तेःआकान्।

रोमी 2:19

“लौ परमेस्‍वर्‌कोः ल्‍याम् च्‍यवःसा खाय्‌मालोलम्‌कायः स्‍यालःनाङःसु ओउः ल्‍हुङ् च्‍याक्ओलम्‌कायः ल्‍हुङ् थोङ्‌ताक्‌नाङःसु।

रोमी 3:31

“ङ्‌हाम्‌साकायः ह परमेस्‍वर्‌इ मान्‍ताकायः पेतो योनौ त खेःया ओउः ऐन्‌कोः कुरापाय् आह्रे लेःआः” त यात्‌नीस् दाय्‍ह्‌नै यादो। खेःल बा ओउःत हायःती ओउः ऐन्‌कोः कुरापाय् लोतोलेः वाम्‍ह्‌तो स्‍याव्‌नाः।

रोमी 6:17

लौ परमेस्‍वर्‌कायः “च्‍युता” त तोसा लेःआः दोह् हायःती दाय्‍ह्‌सा नीङ् ङ्‌हापाय् रेव्ओकोः नोकरीलेः खेःतेःइतो लोने ओउः नीङ्‌कायः स्‍यान्‌ती तोओ दोङ् कुरापाय् ङ्‌हाम्‌ती नीङ्इ ल्‍हुङ्‌हाङः ग्‍याती जाङ्‌ह्‌तेःआकानी।

१ कोरीन्‍थी 3:1

लौ पुःचोङ् हौचोङ्‌य परमेस्‍वर्‌कोः कुरापाय् परमेस्‍वर्‌कोः ग्‍वालामः दोःओ व्‍हाय्‌तोलेः चीःओ मान्‍तालम्‌लो लेखालेः ङाइ नीङ्‌कायः तोसा खाय्आक्‌ङल। नीङ्‌कायःपाय् ख्रीस्‌कोः कुरा चीःमालो मीओ हौलम्‌लो लेखालेः स्‍यान्‌ती तोसा खेःतो।

२ तीमोथी 1:13

लौ ङाइ नाङ्‌कायः स्‍यान्ओ दोङ् कुरापाय् ल्‍हुङ्‌हाङः सेती गम्उ दा। ओहाङःसैको ओउः स्‍यान्‌राय् चीःती येसु ख्रीस्इ बयःओ ङ्‌हाम्ओ ल्‍हुङ्‌मा राप्ओ ल्‍हुङ्‌मा दोःती पेतो वाह्अ दा।

२ तीमोथी 3:5

अरुकोः मीक्‌हाङः परमेस्‍वर्‌कोः काम् जाङ्‌ह्ओलो लेखा मुगार्‌इतो ओउःकोः ग्‍वम्‌लेः जुगाङ् चीःबाय्‌नीली। ओउः खाल्‌कोः मान्‍तालम्‌कुस् ब्राङ्‌तेःचाः क्‍लेत्उसु।

तीतस् 1:16

“ङीइ परमेस्‍वर्‌कायः तय्‍ह्‌नाङःसु” त दाय्‍ह्‌ती ओउःमयःइ नोःनीतो पेमालो काम् जाङ्‌ह्‌नानी त झ्‍यान्‍ते “परमेस्‍वर्‌कायः तय्‍ह्‌नीली” त सबैकायः छ्यानःओ लेःआः। ओउःमयःपाय् अह्र्सीःओमा ल्‍हुङ् चाक्ओमा मुलेःनै पेओ काम् दोह्‌मा जाङ्‌ह्‌सा खाय्‌नीली।

हेब्रैनी 5:13

दुत् तुनःओ मान्‍तापाय् व्‍हक्‌धाङ्‌मालो लेःआः बा। दोह् दोह्‌खे पेतोलेः दोह् दोह्‌खे रेव्‌तो हायःसालेः त चीःसा खाय्‌धाङ्‌नीली।

याकुब् 3:1

लौ पुःचोङ् हौचोङ्‌य नीङ्‌कःहाङः नाःतो मान्‍तालम् “लौ अरुकायः स्‍यान्ओ मान्‍ता स्‍याव्‌पाङः” त दाय्‍ह्‌ती नोःसा स्‍याव्‌ल। दोह् हायःती दाय्‍ह्‌सा ङी अरुकायः स्‍यान्ओ मान्‍तालम्इ अरुसै न्‍हाङ्‌तोलेः पेतो हायःसा खेःतो उया न्‍हाङ्‌तोलेः न्‍युम्‍ह्‌तो स्‍याव्‌नाःतय्‍ही।

१ पत्रुस् 2:2

रेः चोःलम् योङ्‌क्राय्‌ती दुत् तुङ्‌सा आन ग्‍यानै ओउःलो लेखालेः नीङ्‌मा परमेस्‍वर्‌कोः पेओ नोःराय्‌कायः ल्‍हुङ्‌हाङः सेती गम्‌सा ग्‍यातेःपै। ओहाङःसैको रौ जीङः दोःआक्‌तीको नीङ् न्‍हाङ्‌तोलेः छय्‍ङ्‌तो स्‍याव्‌ती रेव्ओसै दल्‌तेःनै।