रोमी 2:14 - चेपाङ

¹⁴ यहुदी खेःमालोलम्इ ओउः ऐन्‌पाय् चीःनीली। ओउः ऐन्‌लेः चीःसापाय् चीःनीली गल खेःयाकायःमा ओउः ऐन्‌कोः कुरालम् ओउःमयःइ लयः झाक्‌ती जाङ्‌ह्‌नानी ओउः बेलाहाङः ओउःमयःइ ऐन् चीःओ मान्‍तालो लेखा मुनै।

रोमी 2:14 ပူးပေါင်းရင်းမြစ်များ

खबरदुत 10:35

सुसुइलो परमेस्‍वर्‌कायः झाह्‌ती तोमाचानी ओउःकोः काम् पेतो जाङ्‌ह्‌माचानी ओउःकायःलेः परमेस्‍वर्‌इ म्रोतीलेः सायःनौ बा दोह् जात् खेःयाकायःमा ओउःकायःलेः म्रोतीलेः सायःनौ।

खबरदुत 14:16

उय्‍ह्‌ले मान्‍ताकोः जात्‌लम्‌कायः लःलयः जवओ जाङ्‌ह्‌साकायः परमेस्‍वर्‌इ ताक्आथास।

खबरदुत 17:30

ङ्‌हाखे ओउःकायः तय्‍ह्‌धाङ्‌माखाहाङः परमेस्‍वर्‌इ ङी चीःमालो मान्‍तालम्‌कायः दोह्‌मा हायःतय्‍ह्‌नीली। द्याह्‌हाङःसैकोः आने ‘द्यव्‌ता मनःओ काम् फेती लयः परमेस्‍वर्‌कायः पेतो झाह्‌ती तोनु’ त दाय्‍ह्‌ती ओउःइ सबैकायः तोनाःतय्‍ही।

रोमी 1:32

एत हायःओलम्‌कायःपाय् “मीह्‌ती ह्र्योक्‌ती वाय्‌सा खेःतो” त परमेस्‍वर्‌इ तोउतो ओउःत तोओ इ रेव्ओ मान्‍तालम्इ चीःसापाय् चीःआकानी रेव्ओ काम् लयः फेमाःत मुनै अरु रेव्‌तो जाङ्‌ह्ओलम्‌कायः लुङ्‌तीलेः तोनानी।

रोमी 2:12

यहुदी खेःमालोलम्‌लो लेखालेः सुसुखेइ परमेस्‍वर्‌इ बयःओ ऐन् चीःमाःत रेव्ओ काम् जाङ्‌ह्‌नानी ओउःपाय् ऐन् चीःमाःत सीती वाय्‌नै। सुसुखेइ यहुदीलम्‌लो लेखालेः ऐन् चीःती रेव्ओ काम् जाङ्‌ह्‌नानी ओउःकायःपाय् ऐन्‌कोः कुरा पेतोलेः जाङ्‌ह्ओया जाङ्‌ह्‌मालोया त तय्‌छनःती योनाःथास।

रोमी 2:15

ओउःत झ्‍यान्‍ते ओउः ऐन्‌कोः कुरापाय् ओउःमयःकोः ल्‍हुङ्‌हाङः मुलेःनाः त सबैकायः छ्यानःओ लेःआः। फेरी ओउःमयःकोः ल्‍हुङ्इ “लौ नाङ्इ इत हायःओ स्‍याव्‌ल ओउःत हायःओ स्‍याव्ओ लेःआः” त गानाक्‌ती तोनाःथास।

रोमी 2:27

ओउः पुन् तात्ओ जवमालो ऐन् जाङ्‌ह्ओ मान्‍तालम्इ नीङ् यहुदीलम्‌कायः गाल्‌तुम्‌ती तोतेःनै दोह् हायःती दाय्‍ह्‌सा परमेस्‍वर्‌कोः ऐन्‌कोः कुरा कीताप्‌हाङः दोःआक्‌तीकोमा पुन् तात्ओ जवआक्‌तीकोमा ओउः ऐन्‌कोः कुरा जाङ्‌ह्‌तेःनीली।

१ कोरीन्‍थी 11:14

माः रैस गोय्‌चोःखे ग्‍याङ्ओ म्‍याङ् मुसा अह्र्सीःतो त नीङ्इ लयःकोः ल्‍हुङ्‌हाङः चीःतेःनानी।

१ कोरीन्‍थी 9:21

ओउः ऐन् चीःमालोलम्‌कःताङ् मुतोक्‌हाङः ओउःमयःकायः ङ्‌हाम्‌ताक्‌साकायः ङा ऐन् चीःमालो मान्‍तालो लेखालेः स्‍याव्‌नाङः। स्‍याव्‌सापाय् स्‍याव्‌नाङः परमेस्‍वर्‌कायः ङाइ ख्रीस्‌कोः ऐन् जाङ्‌ह्‌नाङः।

एफेसस् 2:12

ओउः ङ्‌हाम्‌धाङ्‌मालो बेलाहाङःपाय् नीङ् ख्रीस्‌सै थेथे खेःआक्‌तेःइतो फेरी यहुदीलम् खेःतेःइली त झ्‍यान्‍ते परमेस्‍वर्‌इ तोती गम्ओ कुरा दोःतेःआक्‌तेःइली। ल्‍हाव्‍ह्‌दैबाङ्‌हाङः वाह्‌तोक्‌हाङः नीङ्इ परमेस्‍वर्‌कायः चीःमाःत “ङीजा गलमा पेतोलेः स्‍याव्‌तय्‍हीली” त म्‍हर्‌तेःआकाय्।

एफेसस् 2:3

ङीमा ङ्‌हापाय् ओउःमयःकुस् वाह्‌ती लयःकोः ल्‍हुङ्‌कोः रेव्‌तो मोह्‌हाय्ओ झाक्‌ती जाङ्‌ह्आतय्‍ह्‌नी। ओउःत हायःती झ्‍यान्‍ते अरु मान्‍तालो लेखा ङीकःमा परमेस्‍वर्‌ ल्‍हुङ् मल्‍ह्‌तो मुओ खेःतो।

फीलीपी 4:8

लौ पुःचोङ् हौचोङ्‌य दोह् कुरालो पेओमा लुङ्‌गार्‌सीःमा खेःलेःनाः ओउः कुरापाय् ल्‍हुङ्‌हाङः सेती मुन। दोह् दोह् दोङ् कुरा लेःआः दोह् दोह् ताङ्‌ह्ओ कुरा पेओ छय्‍ङ्ओ कुरा दोह् दोह् झाक्‌सीःओ सायःगार्‌सीःओ कुरा लेःआः इ खाल्‌कोः कुरालम् सबै ल्‍हुङ्‌हाङः सेती गम्‌नु।