रोमी 16:26 - चेपाङ26 द्याह्पाय् परमेस्वर्कोः कुरा छ्यानःओलम्इ लेखती झ्यान्ते ओउः ङ्हा छ्यानःआक्मालो दोङ् कुरापाय् सबैकायः छ्यानःओ लेःआः। फेरी ओउः गलमा वाय्मालो परमेस्वर्इ तोती झ्यान्ते ओउः कुरापाय् सबै जात्कोः मान्तालम्कायः थोल्ह्ती तोओ लेःआः ओउःत खेःओ सबैइ ग्याती ङ्हाम्सा खाय्नानी। အခန်းကိုကြည့်ပါ။ |
रोमी 16:26
34 ပူးပေါင်းရင်းမြစ်များ
ल्हाव्ह्दैबाङ्कोः जापीनःती न्यास्ओ दीन्हाङःसै परमेस्वर्इ जाङ्ह्ओ थोक्लम् च्यवःती मान्तालम्इ ओउःकोः च्यवःसा खाय्मालो गलमा द्योक्मालो ग्वम्लेः चीःसामा खाय्नानी। ओउःपाय् दोङ् ताङ्ह्ओ परमेस्वर् लेःआः त तय्ह्सामा खाय्नानी। ओउः त झ्यान्ते “ङीइ चीःङुसुलु तय्ह्ङुसुलु” त दाय्ह्ओ सुइमा तोसा खाय्नीली।
खाय्सापाय् खाय्ङोतो ङाइ ख्रीस्कुस् जाङ्ह्ओ काम्कोः कुरालेः ह तोनाङः। ओउःकोः ग्वालामःकोः ग्वम् दोःती ङाइ होम्ती तोधार्नामा ग्याङ्ह्राय् जाङ्ह्धार्नामा यहुदी खेःमालोलम्कायः परमेस्वर्कः ग्याताक्आलाङःसु। ओउःत हायःसाकायः ङा यरुसालेम्सै इलरीकुम्ताङ् ब्याह्ती ख्रीस्कोः पेओ समचार्पाय् जुदालेः थोल्ह्ती तोआलाङः।
दोङ्सीलेः ङीकोः ङ्हा चीःआक्मालो ङ्हाम्ओ कुरापाय् आन ताङ्ह्जेःनाः बा। ओउः कुरा इलेःआः। “येसु ख्रीस्पाय् मान्ताकोः आङ्हाङः थाती वाङ्ओआः। ओउःकायः ‘परमेस्वर्कोः ग्वालामःइ जुगाङ् छय्ङ्तो लेःआः’ त छ्यानःआकान् ओउःकायःमा परमेस्वर्कोः लाङ्कासै ल्होक्ओमयःइ च्यवःआथै ओउःकोः कुरापाय् देस् देस्ताङ् थोल्ह्ती तोओआः। थोल्ह्ती तोआक्तीको ल्हाव्ह्दैबाङ्कोः मान्तालम्इ ओउःकायः ङ्हाम्आकानी ओहाङःसै ओउःकायः ताङ्ह्ताक्साकायः त्यावःताङ् लनःआथै” त दाय्ह्ओ मुनाः।
द्याह् येसु ख्रीस्इपाय् ल्हाव्ह्दैबाङ्हाङः थाती वाङ्आक्तीको ह ओउःकोः योनःती जाङ्ह्ओ काम् सबै च्यवःसा खाय्नाःतय्ही। मान्ताकायः सीती ह्र्योक्ती वाय्सा खेःओ ग्वम्कायः ओउःइलेः ल्हेस्ती वाय्आकान्। फेरी ङीइपाय् ओउःकोः पेओ समचार् सायःधार्नालेः ओउः गलमा द्योक्मालो रौ जीङःकोः कुरापाय् सबैकायः छ्यानःओ लेःआः।
गुच्युक् न्हाङ्तोलेः ख्रीस्कोः वयःइपाय् ङीकोः ल्हुङ्तुक्खे छय्ङ्ताक्सा खाय्नौ बा। ओउः जुगाङ् नीङ्तो ख्रीस्इपाय् परमेस्वर्कोः गलकायः मुओ ग्वालामःकोः ग्वम् दोःती लयःकोः आङ्लेः परमेस्वर्कायः ल्हाआकास। ओहाङःसै ख्रीस्कोः वयःइ ङीकायः आह्रे जवओ काम्लम् फेताक्नाःतय्ही ओउःत हायःती ङीइ ओउः जीङः नाःओ परमेस्वर्कायः काम् जाङ्ह्सा खाय्नाःतय्ह्नी।
ओउःत सायःआक्तीको ङाइ ओउःकायः मानसाकायः ओउःकोः दोम्हाङः बाःती स्यवखयःङोतो “इत हायःलाम्। नाङ्कुस्मा नाङ्कोः येसुइ छ्यानःओ दोङ् कुराकायः ङ्हाम्ओ पुःचोङ् हौचोङ्लम्कुस्मा ङा परमेस्वर्कोः काम् जाङ्ह्ओचाक् लेःआः ङ। परमेस्वर्कायःलेः मानउ दा” त दाय्ह्ती तोआताङः। दोह् हायःती दाय्ह्सा येसुइ छ्यानःओ दोङ् कुरामा अरु परमेस्वर्कोः कुरा छ्यानःओलम्इ तोओ कुरामा यातैज्योः लेःआः बा।
ကြော်ငြာတွေ