रोमी 16:18 - चेपाङ

¹⁸ ओउःत हायःओलम्इपाय् ङीकोः प्रभु ख्रीस्‌कोः काम्‌खे जाङ्‌ह्‌नीली लयःकोः रेव्ओ ल्‍हुङ्‌कोः कुराखे जाङ्‌ह्‌लेःनानी। ङोस्‌तोमा फोल्‍यावःतो नोःओइमा ओउःमयःइ माःती झ्‍यान्‍ते व्‍हक्‌मालो ल्‍हुङ् नाःओलम्‌कायः ल्‍हुङ् रेव्‌ताक्‌नानी।

रोमी 16:18 ပူးပေါင်းရင်းမြစ်များ

मत्ती 24:11

ओहाङःसैको नाःतो माःती तोओलम् ‘लौ ङापाय् परमेस्‍वर्‌कोः कुरा छ्यानःओ मान्‍ता लेःआः ङ’ त दाय्‍ह्‌ती वाङ्‌ती ओउःमयःइ स्‍यान्ओ कुरा नाःतोलम्इ ङ्‌हाम्‌नानी

मत्ती 24:24

लोन्‍तेहाङः मान्‍तालम् ‘लौ ङापाय् ख्रीस् लेःआः’ तमा ‘लौ ङापाय् परमेस्‍वर्‌कोः कुरा छ्यानःओ मान्‍ता लेःआः’ तमा माःती तोती वाङ्‌नै फेरी आन ग्‍याङ्‌ह्‌राय्‌मा जाङ्‌ह्‌नानी। ओउःमयःइ सबैकायःमा थ्‍योन्‍ह्‌ती होम्‌सा बोङःनानी परमेस्‍वर्‌कोः चल्ओमयःकायःमा होम्‌सा बोङःनानी ओउःमयःखेकायः होम्‌सा खाय्‌नीली।

मत्ती 6:24

सु खेःयामा यातै बेलाहाङः नीस्‌चाक् मालीक्‌कायः काम् पेतो जाङ्‌ह्‌सा खाय्‌नीली। ओउःपाय् यात्‌चाक् मालीक्‌खेकः झाक्‌ती अरुखेकः झाक्‌माःत काम् जाङ्‌ह्‌नौ बा। यात्‌चाक्‌खेकुस् ब्राङ्‌नाः अरुखेकुस् ब्‍लाय्‍क्‌नाः। ओउःलो लेखा नाङ् पैसा दोःसा झाक्‌तेःनाः त खेःया परमेस्‍वर्‌कः झाह्‌सा खाय्‌तेःउलु।

मत्ती 7:15

सु ना सु मान्‍तालम्इ ‘लौ ङापाय् परमेस्‍वर्‌कोः कुरा छ्यानःओ मान्‍ता लेःआः ङ’ त दाय्‍ह्‌ती माःतीलेः तोती वाङ्‌नै ओउःखेकायः पेतो योती धय्‌ती मुन ओउःमयःकायः योओ सायःओ बेलाहाङः ‘इ मान्‍तापाय् पेओलेः’ त ताःसीःनाः यादो खेःल ओउःमयःकोः ल्‍हुङ्‌तुक् जुगाङ् पेल।

युहना 12:26

सुलो ङाकोः काम् जाङ्‌ह्‌सा ग्‍याचै ओउःपाय् ङाकुस् वाह्‌पै। ङा गाःहाङः गाःहाङः मुचाङः ओहाङः ङाकोः काम् जाङ्‌ह्ओलम्‌मा मुनै। सुसुइ ङाकोः काम् जाङ्‌ह्‌चानी ओउःकायःलेः ङाकोः आपाइ ताङ्‌ह्‌ताक्‌नाःथास” त दाय्‍ह्‌ती येसुइ तोआथास।

रोमी 14:18

सुसुइ एत चीःती ख्रीस्‌कोः काम् जाङ्‌ह्‌नानी ओउःइलेः परमेस्‍वर्‌कायः म्रोताक्‌नानी आने ओउः मान्‍ताकायःपाय् अरु मान्‍ताइमा पेतोलेः लुङ्‌ती नोःनाःथास।

रोमी 16:19

नीङ्‌खेकायः “प्रभुकोः कुरा आन ग्‍याती जाङ्‌ह्‌नानी” त दाय्‍ह्ओ सबैइ नीङ्‌कायः सायःआकानी ओउः त झ्‍यान्‍ते ङा चोङाय्‌तीलेः मुनाङः। फेरी नीङ्‌कायः “रेव्ओ काम्‌खे चीःमाःत पेओ काम्‌खे व्‍हाय्‌तोलेः स्‍याव्‌पै” त दाय्‍ह्‌ती झाक्‌नाङः।

२ कोरीन्‍थी 11:3

नीङ्‌पाय् ख्रीस्‌कायः ह ङाइ धयःती गम्‌ङोतो उय्‍ह्‌लेकोः हवा त तोओलो लेखालेः सैतान्इ नीङ्‌कायःमा थ्‍योन्‍ह्‌ती माःती तोतेःनै ओहाङःसै नीङ्इ ख्रीस्‌कायः पेतो छय्‍ङ्‌तो ङ्‌हाम्ओपाय् फेनानी यादो त रैती म्‍हर्‌नाङः।

२ कोरीन्‍थी 2:17

नाःतो मान्‍तालम्‌खेइ परमेस्‍वर्‌कोः कुरा मीतो योती पैसाकायः स्‍यान्‌नानी ङीखेपाय् परमेस्‍वर्‌इ ल्‍होक्ओ मान्‍ता लेःआः ङी ओउःत खेःओ ङी ख्रीस्‌कोः काम् जाङ्‌ह्ओलम् स्‍याव्‌ती परमेस्‍वर्‌कोः मीक्‌हाङः ङीइ ख्रीस्‌कोः कुरापाय् पेओ नीङ्ओ ल्‍हुङ्इलेः तोनाङःसु।

२ कोरीन्‍थी 4:2

ङी अरुइ चीःमालो रेव्ओ काम् जाङ्‌ह्ओमा फेआलाङःसु। ले ब्रेह्‌तीलेः माःती नोःमामाःत ङी परमेस्‍वर्‌कोः दोङ् कुरा छ्योय्‍ह्‌मामाःत स्‍यान्‌नाङःसु। एतलेः परमेस्‍वर्‌कोः मीक्‌हाङः वाह्‌ती ङीइ सबै मान्‍तालम्‌कायः ङीकोः ल्‍हुङ्‌पाय् “दोङ् पेओ लेःआः” त छ्यानःनाङःसु।

गालाती 1:10

ङाइ एत तोती मान्‍ताकायः म्रोताक्‌सा बोङःङल परमेस्‍वर्‌कायः ह म्रोताक्‌सा बोङःनाङः दोह् हायःती दाय्‍ह्‌सा मान्‍ताकायः म्रोताक्‌सा बोङःधाङ्‌चानाङः त खेःया ख्रीस्‌कोः काम् पेतो जाङ्‌ह्‌सा खाय्‌ङल।

फीलीपी 2:21

अरुखे लयःकोः कुराकायः ह बोङःसा झाक्‌नै येसु ख्रीस्‌कोः कुराकायः झाक्इली।

फीलीपी 3:19

ओउःमयः लोने जुगाङ् वाय्‌तोलेः स्‍याव्‌नै दोह् हायःती दाय्‍ह्‌सा ओउःमयःखेइ जेःक्राक् स्‍याव्‌ती जेःगालम् अरु थोक्‌लम् द्यव्‌तालो लेखालेः ताङ्‌ह्‌ताक्‌मानानी। रास्‌सीःओ कुरा झाक्‌तीमा ल्‍हाव्‍ह्‌दैबाङ्‌कोः कुरा ह क्‍युताक्‌सा बोङःमानानी।

कोलसी 2:4

ओउःत झ्‍यान्‍ते सुखेलो यात्‌चाक्इ अरु ङ्‌हाम्‌गार्‌सीःओ कुरा माःती तोतेःनै “ओउः कुरापाय् ङ्‌हाम्‌तेःचानी” त दाय्‍ह्‌ती तोनेःनाङ्‌स।

कोलसी 3:24

प्रभु ख्रीस्‌कायः जाङ्‌ह्‌ती झ्‍यान्‍ते ओउःइपाय् ङ्‌हाम्ओलम्‌कायः सेती गम्ओ जाङ्‌ह्‌झ्‍याङ्‌कोः लोनेः पेतो बयःतेःनै एत नीङ्इ चीःसा खेःतो।

२ थेसलोनिकि 2:10

ओउःइमा आन पेमालो हायःती ओउः सीती वाय्‌सा खेःओ मान्‍तालम्‌कायः आन तोपाल्‌नाःथास। ओउः मान्‍तालम्इ दोङ् पेओ कुरा झाक्‌ती सायःमाःत झ्‍यान्‍ते दल्‌तो स्‍याव्इली सीती वाय्‌लेःनै।

१ तीमोथी 6:5

ओउःमयः रेव्ओ ल्‍हुङ् नाःओलम्इ दोङ् व्‍हाय्ओ कुरा चीःमाःत झ्‍यान्‍ते सबै कुराकायः तानःती नोःकाय्‌सा बोङःनानी। “ङीइ परमेस्‍वर्‌कायः स्‍यवनाःतय्‍ह्‌नी त खेःया पैसा क्‍युसा दोःनाःतय्‍ही” त दाय्‍ह्‌ती ओउःमयः चीःमाःत म्‍हर्‌नाःइसी।

याकुब् 1:1

लौ नीङ् चार्‌ दोवागन रुनःधओ परमेस्‍वर्‌कोः बार खलक्‌कोः ङ्‌हाम्ओलम्‌य इ चेती परमेस्‍वर्‌कोःमा प्रभु येसु ख्रीस्‌कोः नोकरीमा ङा याकुब्इ लेखती सबैकायःलेः नमस्‍ते ल्‍होक्‌नेःनाङ्‌स।

२ पत्रुस् 2:3

ओउःमयःकोः ल्‍हुङ् तोल्‌तो स्‍याव्‌ती इ माःती स्‍यान्ओलम्इ लयःकोः ल्‍हुङ्‌सै दोःओ कुरा स्‍यान्‌ती नीङ्‌कोः पैसा आह्रेलेः त्‍याक्‌ती जेःनानी। लौ ओउःमयःकायः ज्‍याङःतोहाङःसैलेः परमेस्‍वर्‌इ तय्‌छनःती योआथास ओउःमयः जुगाङ् न्‍युम्‍ह्‌तोलेः वाय्ओसै सुमा दल्इली बा।

यहुदा 1:1

ङा याकुब्‌कोः हौमा येसु ख्रीस्‌कोः काम् जाङ्‌ह्ओ नोकरी यहुदाइ इ चेतीलेः परमेस्‍वर्‌इ राप्‌ती छीङ्‌ह्ओ येसु ख्रीस्इ स्‍यास्‌ती गम्ओ मान्‍तालम्‌कायः लेखती ल्‍होक्‌नेःनाङ्‌स।

यहुदा 1:12

ओउः खाल्‌कोः मान्‍तालम् नीङ्‌कोः प्रभु भोस् वाङ्‌ती ओउः भोस्‌कायः गाल्‌ताक्‌नानी। अरुलम्‌कायः गतमा म्‍हर्‌मामाःत लयःकायः ह जेःती कोस्‌ताक्‌नाःइसी। ओउःमयःपाय् मारुःइ वानःओ तीः लात्‌मालो हाःओ मुस्‌लो लेखालेः मुनाः। ओउःमयःपाय् सायःसा चीःमालो सीङःलो लेखालेः मुनै। ओउः खाल्‌कोः सीङःलम्‌पाय् च्‍योङ्‌ती फुक्‌ती जुगाङ् सीती वाय्‌ताक्‌साआः।

यहुदा 1:16

ओउः मान्‍तालम्‌पाय् अरुलम्‌कायः गलमा काय्‍ह्‌य्‍हाव्‌ती गाल्‌तुम्‌ती मुनै। ओउःमयः लयः ल्‍हुङ्‌कोः मोह्‌हाय्ओलम् जाङ्‌ह्‌नानी लःलयःकोः नेह्‌रो ओर्‌ताक्‌नाःइसी लयः झाक्ओ कुरा दोःसाकायः अरुलम्‌कायः फोल्‍यावःती होम्‌नानी।

प्रकाश 1:1

इपाय् येसु ख्रीस्इ छ्यानःओ कुरा लेःआः। ओउःकोः लयःकोः काम् जाङ्‌ह्ओलम्‌कायः “रेन्‍ह्‌तोलेः वाङ्‌सा खेःओ कुरा दोह्‌लो” त स्‍यान्‌सा थेङा इ कुरा परमेस्‍वर्‌इ येसु ख्रीस्‌कायः बयःआथै। ओहाङःसैको येसुइ लयःकोः काम् जाङ्‌ह्ओ युहनाकायः इ कुरा छ्यानःसा थेङा यात्‌चाक् लाङ्‌कासै ल्‍होक्ओमयः ल्‍होक्आकान्।