रोमी 16:17 - चेपाङ

¹⁷ लौ पुःचोङ् हौचोङ्‌य “ङ्‌हाम्ओलम्‌कायः वेङ्‌काय्‌ताक्ओ काय्‌काय्‌ताक्ओ मान्‍तालम्‌कःसै धय्‌ती मुन दा” त ङाइ तेती तोनेःनाङ्‌स। ओउः खाल्‌कोः मान्‍तालम्इपाय् अरुकायः ब्रःताक्‌नानी। नीङ्इ दोःओ स्‍यान्‌राय् सायःमाःत ओउःमयः थेथे खाल् स्‍यान्‌नानी। ओउःमयःकुस् वाह्‌तेःचनै क्‍लेत्‌ती मुन

रोमी 16:17 ပူးပေါင်းရင်းမြစ်များ

मत्ती 18:17

ओहाङःसैको ओउः मान्‍ताइ ओउः साचीलम्‌कायः सायःउलु त खेःया नाङ्‌कोः कुरा सबै ङ्‌हाम्ओलम्‌कायः छ्यान्‍ह्‌लाङ् आल्अ। ओउःइ सबैकायः सायःउलु त खेःया ओउःपाय् ङ्‌हाम्‌मालो रेव्ओ मान्‍तालो लेखा स्‍याव्‌पाः।

मत्ती 18:7

इ ल्‍हाव्‍ह्‌दैबाङ्‌कोः मान्‍तालम् आन लीह्‌सीःओ गोरःसा खेःइतो दोह् हायःती दाय्‍ह्‌सा ङाकायः ङ्‌हाम्ओलम्‌कायः पेमालो मान्‍तालम्इ थ्‍योन्‍ह्‌ती रेव्‌ताक्‌सा बोङःनानी। ओउः पेमालो मान्‍तालम्इ एत रेव्‌तो हायःसा खेःसापाय् खेःइतो ओउःमयःइपाय् लोने आन न्‍युम्‍ह्‌नानी बा।

मत्ती 7:15

सु ना सु मान्‍तालम्इ ‘लौ ङापाय् परमेस्‍वर्‌कोः कुरा छ्यानःओ मान्‍ता लेःआः ङ’ त दाय्‍ह्‌ती माःतीलेः तोती वाङ्‌नै ओउःखेकायः पेतो योती धय्‌ती मुन ओउःमयःकायः योओ सायःओ बेलाहाङः ‘इ मान्‍तापाय् पेओलेः’ त ताःसीःनाः यादो खेःल ओउःमयःकोः ल्‍हुङ्‌तुक् जुगाङ् पेल।

लुका 17:1

ओहाङःसैको येसुइ फेरीलेः लयःकुस् वाह्ओकायः स्‍यान्‌ती तोआथास। “लौ ङाकायः ङ्‌हाम्ओ मीओ मान्‍तालम्‌कायः अरु मान्‍तालम्इ रेव्‌ताक्‌लाङ् वाङ्‌सापाय् वाङ्‌नै बा। अरु मान्‍तालम्इ इत रेव्‌तो हायःसा खेःसापाय् खेःलेःनै सुसुइ अरुकायः रेव्‌ताक्‌चानानी ओउःपाय् लोने आन न्‍युम्‍ह्‌नानी बा।

खबरदुत 15:24

लौ इहाङःकोः मान्‍तालम्‌कःहाङःसै यात्‌नीस्‌चाक् नीङ्‌कःताङ् नोःलाङ् वाङ्‌ती नीङ्‌कायः ‘ल्‍हुङ्‌तुक् ब्रःताक्‌सा बोङःतेःनै’ त दाय्‍ह्ओ सायःआलाङःसु। ओउः ब्रःताक्‌ती नोःओलम्‌पाय् ङीइ तोती ल्‍होक्ओ खेःबाय्इली।

१ कोरीन्‍थी 11:18

दोह् हायःती दाय्‍ह्‌सा नीङ् वेङ्‌काय्‌ती मुतेःनै त सायःआलाङः फेरी ओउः कुरापाय् माःलेः यादो त म्‍हर्‌गार्‌आलाङः।

१ कोरीन्‍थी 3:3

तेन्‌छ्याङ्‌मा नीङ्इ पेतो चीःसा खाय्‌धाङ्‌तेःनीली दोह् हायःती दाय्‍ह्‌सा नीङ्‌पाय् ल्‍हाव्‍ह्‌दैबाङ्‌कोः मान्‍तालो लेखालेः मुधाङ्‌तेःनै। नीङ्‌कःहाङः काय्‌काय्ओमा लओ ल्‍हुङ्‌मा मुनाः ओउःत हायःतीलेः नीङ्‌पाय् ल्‍हाव्‍ह्‌दैबाङ्‌कोः ङ्‌हाम्‌मालोलम्‌लो लेखा वाह्‌धाङ्‌तेःनै

फीलीपी 3:17

लौ पुःचोङ् हौचोङ्‌य ब्राङःतोलेः ङाकायः तेःतीलेः वाह्‌न। अरु ङीलो लेखा वाह्ओलम्‌कायःमा तय्‍ह्‌तीमा तेःतीमा योनु।

कोलसी 2:8

अरु मान्‍ताकोः माःती तोओ स्‍यान्‌राय् सायःतेःचानी ओउःमयःइ स्‍यान्ओ कुरा आह्रे लेःआः। ओउः कुरापाय् ल्‍हाव्‍ह्‌दैबाङ्‌कोः मान्‍ताइ जवओ द्यव्‌ताकोः कुरा ह ख्रीस्इ बयःओ खेःल।

२ थेसलोनिकि 3:6

लौ पुःचोङ् हौचोङ्‌य ओउः लीङ्‌हायःती मुओ ङ्‌हाम्ओलम्‌कुस् “वाह्‌तेःचनै” त दाय्‍ह्‌ती प्रभु येसु ख्रीस्‌कोः मय्‍ङ् पेह्‌ती तोनेःनाङ्‌सु। ओउःमयःखेइ ङीइ छ्यानःओ कुरापाय् सायःमाःत वाह्‌नै।

१ तीमोथी 1:3

मासीदोनीयाताङ् आल्‌तोक् बेलाहाङः “लौ एफेसस् सहर्‌हाङः मुअ” त दाय्‍ह्‌ती तोनेःनाङ्‌तो फेरीलेः “एफेसस्‌हाङःलेः मुअ” त कोदीङःतीलेः तोनेःनाङ् दोह् हायःती दाय्‍ह्‌सा ओहाङः दोङ्‌मालो कुरा स्‍यान्ओलम्‌कायः “एत स्‍यान्‌लाम्” त दाय्‍ह्‌ती तोसातेः खेःनाः।

२ तीमोथी 3:5

अरुकोः मीक्‌हाङः परमेस्‍वर्‌कोः काम् जाङ्‌ह्ओलो लेखा मुगार्‌इतो ओउःकोः ग्‍वम्‌लेः जुगाङ् चीःबाय्‌नीली। ओउः खाल्‌कोः मान्‍तालम्‌कुस् ब्राङ्‌तेःचाः क्‍लेत्उसु।

तीतस् 3:10

ङ्‌हाम्ओलम्‌कायः वेङःकाय्‌सा बोङःओ मान्‍ताकायःपाय् नीस् पेन्‍ह्‌च्‍युक्‌कायः गानाक्‌ती तोउ। तोतीमा ओउःइ सायःउलु त खेःया लौ ओउःकायः पेङ्‌कलःती फेउ दा।

१ युहना 2:19

ओउः बीरोत्‌लम्‌पाय् ङीकःसै वेङ्इसीतो ङीकुस् दोङ् ब्राङ्ओमयः खेःइली ङीकुस् ब्राङ्ओमयः खेःइतो त खेःया ओउःमयः ङीकःसै वेङ्आक्इली। ङीकःसै वेङ्‌ती आल्आकाय् त झ्‍यान्‍ते ओउःमयः ङीकुस् ब्राङ्‌मालोलेः त छ्यानःआकानी।

यहुदा 1:19

ओउः रेव्‌तो जाङ्‌ह्ओलम्इपाय् ङ्‌हाम्ओलम्‌कायः वेङ्‌काय्‌ताक्‌नानी। परमेस्‍वर्‌कोः ग्‍वालामः दोःमाःत झ्‍यान्‍ते लयःकोः ल्‍हुङ्‌कोः रेव्‌तो मोह्‌हाय्ओ कुरा ह जाङ्‌ह्‌सा चीःनानी।