14 असीन्क्रेतस् फलेगोन् हर्मेस् पत्रोबास् हर्मेस्कायःमा ओउःमयःकुस् हुम्लाङ् वाङ्सा ङ्हाम्ओलम्कायःमा नमस्ते ल्होक्नाङःसु।
नीङ्इ लयःकोः मान्तालम्कायः ह स्यवतेःचानी त खेःया परमेस्वर्कायः तय्ह्मालोलम्सै पेओ जाङ्ह्तेःनीली इत हायःओ दोह् पेओ काम् खेःचाः र।
प्रभुइ दोक्ती छीङ्ह्ओ काम् जाङ्ह्ओ रुफस्कायःमा ओउःकोः आमाकायःमा नमस्ते ल्होक्नाङःचु। ओउःकोः आमापाय् ङाकायः लयःकोः आमालो लेखा मुनाः।
फीलोलोगस् जुलीया नीस्कायःमा नेरीयस् ओउःकोः हौद्याङ्कायःमा ओलीम्पास् ओउःकुस् हुम्लाङ् वाङ्सा ङ्हाम्ओमयः सबैकायः नमस्ते ल्होक्नाङ्स।
ओउः मान्तालम्कायःपाय् परमेस्वर्इ उय्ह्लेहाङःसै “ङाकोः मान्तालम्लेः स्याव्नै” त चीःती “ङाकोः चोःलो लेखालेः स्याव्पै” त दाय्ह्ती छ्युङ्ह्ती गम्आथास। ओहाङःसै लयःकोः मान्तालम् एतलेः छ्युङ्ह्आक्तीको ख्रीस्पाय् नाःतो हौचोङ्लम्सै पुःनाः।
लौ उया नीङ् छय्ङ्तो स्याव्ओ पुःचोङ् हौचोङ्य नीङ्कायःमा परमेस्वर्इ छीङ्ह्तेःआकाय् ओउःत झ्यान्ते ङीइ छ्यानःती तोओ परमेस्वर्इ छ्युङ्ह्ती ल्होक्ओ प्रधान् पुरोहीत् येसुकोः कुरापाय् ल्हुङ्हाङः लाय्नु दा।