रोमी 16:12 - चेपाङ

¹² प्रभुकोः काम् जाङ्‌ह्ओनीस् त्रीफैना त्रीफोसाकायःमा ङाइ राप्ओ पेर्‌सीस्‌कायःमा नमस्‍ते ल्‍होक्‌नाङःसु। पेर्‌सीस्इमा प्रभुकायः नाःतो काम् जाङ्‌ह्आकान्।

रोमी 16:12 ပူးပေါင်းရင်းမြစ်များ

मत्ती 5:47

नीङ्इ लयःकोः मान्‍तालम्‌कायः ह स्‍यवतेःचानी त खेःया परमेस्‍वर्‌कायः तय्‍ह्‌मालोलम्‌सै पेओ जाङ्‌ह्‌तेःनीली इत हायःओ दोह् पेओ काम् खेःचाः र।

मत्ती 9:38

ओउःत खेःया ‘लौ प्रभुय त्‍युम्‍ह्‌ती वानःसा मान्‍तालम्‌पाय् ल्‍होक्‌चाक्उ दै’ त दाय्‍ह्‌ती परमेस्‍वर्‌कायः तेती तोनु दा” त दाय्‍ह्‌ती येसुइ लयःकुस् वाह्ओमयःकायः तोआकान्।

रोमी 16:11

ङाकोः यहुदी लयःमयःचोङ् हेरोदीयोन्‌कायःमा नार्‌कीसस्‌कोः कीम्‌हाङः मुओ ङ्‌हाम्ओ पुःचोङ्‌कायःमा नमस्‍ते ल्‍होक्‌नाङःसु।

रोमी 16:13

प्रभुइ दोक्‌ती छीङ्‌ह्ओ काम् जाङ्‌ह्ओ रुफस्‌कायःमा ओउःकोः आमाकायःमा नमस्‍ते ल्‍होक्‌नाङःचु। ओउःकोः आमापाय् ङाकायः लयःकोः आमालो लेखा मुनाः।

१ कोरीन्‍थी 15:10

परमेस्‍वर्‌इ ङाकायः योनःती योती झ्‍यान्‍ते ह ङापाय् तेन्‌छ्याङ्‌लेः ओउःकोः छ्युङ्‌ह्‌ती ल्‍होक्ओ मान्‍ता लेःआः ङ। माः रैस ओउःकोः योनःती योओपाय् आह्रे खेःल अरु छ्युङ्‌ह्ओमयःसै ङाइ परमेस्‍वर्‌कोः काम् आन त्‍युस्‌तीलेः जाङ्‌ह्आलाङः बा ङाइ झुङ्आले खेःल परमेस्‍वर्‌कोः ग्‍वम् दोःती जाङ्‌ह्आलाङः।

१ कोरीन्‍थी 15:58

लौ उया ङाइ राप्ओ पुःचोङ् हौचोङ्‌य ग्रमःत मुती प्रभुकोः काम्‌पाय् गलकायःमा पेतो म्‍ह्याङ्‌तीलेः जाङ्‌ह्‌झुङ्‌नु दा ओउःपाय् आह्रे काम् खेःबाय्‌ल।

१ कोरीन्‍थी 16:16

ओउः खाल्‌कोः मान्‍तालम्‌कायःमा ओउःकुस् काम् जाङ्‌ह्‌ती मुओलम्‌कायःमा पेतो सायःनु दा।

कोलसी 1:29

ओउःत हायःसाकायः ङाइ आन त्‍युस्‌तीलेः काम् जाङ्‌ह्‌नाङः जाङ्‌ह्‌तोक्‌हाङः ख्रीस्‌कोः ताङ्‌ह्ओ ग्‍वम् दोःआक्‌तीको ह एतलेः जाङ्‌ह्‌सा खाय्‌नाङः।

कोलसी 4:12

नीङ्‌कःसै वाङ्ओ एपाफ्रास्इमा नमस्‍ते ल्‍होक्‌तेःनै। ओउःइ ख्रीस्‌कोः काम् आन जाङ्‌ह्‌नौ नीङ्‌कायः परमेस्‍वर्‌कः आन ग्‍याती तेती तोभनाङ् मुलेःनाः। “ओउःमयःइ नाङ् झाक्ओ काम् जाङ्‌ह्‌ती जुगाङ् पेतो ङ्‌हाम्‌ती ल्‍हुङ् चोक्‌तो ग्रमःत मुपनै” त नीङ्‌कायः दाय्‍ह्‌ती परमेस्‍वर्‌कः तेती तोझुङ्‌नौ।

१ थेसलोनिकि 1:3

दोह् हायःती दाय्‍ह्‌सा ङीकोः प्रभु येसु ख्रीस्‌कायः पेतो राप्‌तीमा ङ्‌हाम्‌तीमा नीङ्इ ओउःकोः काम् त्‍युस्‌ती जाङ्‌ह्‌तेःनानी फेरी प्रभुकोः द्यान्‍ह्‌ती वाङ्‌सा दीन्‌कायः नीङ् ग्रमःतलेः ल्‍युङ्‌ह्‌ती मुतेःनै। ओउःत गीलती ङीइ परमेस्‍वर्‌ आपाकायः तेती तोतोक्‌हाङः गलकायःमा “च्‍युता” त तोनाङःसु।

१ तीमोथी 4:10

ङी परमेस्‍वर्‌कोः काम् आन त्‍युस्‌तीलेः जाङ्‌ह्‌धै मुनाङी दोह् हायःती दाय्‍ह्‌सा ङीइ ओउः दोङ् जीङः नाःओ परमेस्‍वर्‌कायः झाह्‌ती ल्‍युङ्‌ह्‌ती ङ्‌हाम्‌नाःतय्‍ह्‌नी ओउःपाय् सबै मान्‍ताकायः दल्‌ताक्‌नाःथास। माः रैस ओउः ङ्‌हाम्ओलम्‌कायः ओउः न्‍हाङ्‌तोलेः दल्‌ताक्‌नाःथास।