रोमी 15:33 - चेपाङ

³³ लौ ङीकोः ल्‍हुङ् धोमाय्‌ताक्ओ परमेस्‍वर्‌पाय् नीङ् सबैकुस् मुपाः। ओउःच्‍युक्‌लेः स्‍याव्‌पाः।

रोमी 15:33 ပူးပေါင်းရင်းမြစ်များ

मत्ती 1:23

“लौ यात्‌चाक् बुधाकः पाय्‍ह्‌मालो मोमःचोः चोःतुक् स्‍याव्‌ती गोय्‌चोःचोः दोःतो स्‍याव्‌नाः। ‘परमेस्‍वर्‌ ङीकुस् मुनाःतय्‍ही’ त दाय्‍ह्‌ती ओउः चोःकायः एमानुएल् त मय्‍ङ्‌नानी” त दाय्‍ह्‌ती दाय्‍ह्ओ कुरा द्याह् ताप्‌तो स्‍याव्‌नाः।

मत्ती 28:20

ङाइ तोआ कुरा सबै स्‍यान्उसु दा। लौ इ ल्‍हाव्‍ह्‌दैबाङ्‌कोः द्युम्ओ बेलाहाङःमा गलकायःमा ङापाय् नीङ्‌कुस् मुलेःनाङः बा” त दाय्‍ह्‌ती येसुइ तोआथास।

रोमी 16:20

ओहाङःसैको ङाकोः ल्‍हुङ् धोमाय्‌ताक्ओ परमेस्‍वर्‌इलेः रेन्‍ह्‌तोलेः नीङ्‌कायः सैतान् क्‍लीमःती वाय्‌ताक्‌तेःनै। ङाकोः प्रभु येसुइ नीङ्‌कायः योनःतीतेः योतेःपै।

रोमी 16:23

ङाइ मुओ कीम्‌कोः आपा गायुस्इमा नमस्‍ते ल्‍होक्‌तेःनै। ओउःकोः कीम्‌हाङःपाय् इहाङःकोः ङ्‌हाम्ओमयः सबै थनःती वाङ्‌नै। इ सहर्‌कोः पैसा थेङ्ओ एरास्‍तस्इमा क्‍वार्‌तस्इमा नीङ्‌कायः नमस्‍ते ल्‍होक्‌लेःनै।

१ कोरीन्‍थी 14:33

नाःतो मान्‍ता ब्रक्‌त ङैसा स्‍याव्‌ल दोह् हायःती दाय्‍ह्‌सा अलक् मलक् त स्‍याव्ओपाय् परमेस्‍वर्‌ झाक्‌नाः।

२ कोरीन्‍थी 13:11

लौ द्याह् पुःचोङ् हौचोङ्‌लम् पेतोलेः मुन ङाइ तोओ कुरा सायःती गलकायःमा जुगाङ् पेओ काम् जाङ्‌ह्‌सा बोङःनु दा। लयःकुस् काय्‌काय्‌माःत ब्राङ्‌तोलेः मुन। ओहाङःसैको ओउः धोमाय्‌ताक्ओमा राप्‌काय्‌ताक्ओ परमेस्‍वर्‌पाय् नीङ्‌कुस् मुलेःनाः।

२ कोरीन्‍थी 13:14

लौ प्रभु येसु ख्रीस्इलेः नीङ्‌कायः योनःती योतेःपै। परमेस्‍वर्‌इ नीङ्‌कायः राप्‌तेःपै ओउःकोः ग्‍वालामःमा नीङ्‌कुस् ब्राङ्‌ती मुपै। ओउःच्‍युक्‌लेः।

एफेसस् 6:23

नीङ् सबै पुःचोङ् हौचोङ्‌लम्‌य धोमाय्ओमा अरुकायः राप्ओमा पेतो ङ्‌हाम्ओ ल्‍हुङ्‌मा परमेस्‍वर्‌ आपाइमा बयःतेःपनै ङीकोः प्रभु येसु ख्रीस्इमा ओउःतलेः बयःतेःपनै।

फीलीपी 4:9

ओहाङःसै दोह् कुरामा ङाइ स्‍यान्‌नेःआलाङ्‌स छ्यानःनेःआलाङ्‌स ओउः कुरापाय् नीङ्इ च्‍यवःओ सायःओलो लेखालेः सबै ग्‍याती जाङ्‌ह्‌नु दा। ओउःत झ्‍यान्‍ते ङीकायः ल्‍हुङ् धोमाय्‌ताक्ओ परमेस्‍वर्‌लेः नीङ्‌कःहाङः मुलेःनाः।

१ थेसलोनिकि 5:23

ओहाङःसैको ओउः ल्‍हुङ् धोमाय्‌ताक्ओ परमेस्‍वर्‌इ नीङ्‌कायः पेतोलेः छय्‍ङ्‌ताक्‌तेःपै। नीङ् ल्‍हुङ्‌तुक्‌मा आङ्‌मा वाहीमःमा ङीकोः प्रभु येसु ख्रीस्‌कोः वाङ्‌सा खेःओ दीन्‌कायः नीङ्‌तोलेःतेः मुपै।

२ थेसलोनिकि 3:16

लौ ङीकोः ल्‍हुङ् धोमाय्‌ताक्‌सा प्रभुइ नीङ्‌कायः गलकायःमा दोह् दोह् खेःयाकायःमा ल्‍हुङ् धोमाय्‌ताक्‌तेःपनै ओउःपाय् नीङ् सबैकुस् ब्राङ्‌तोलेः मुपै।

२ तीमोथी 4:22

लौ प्रभुपाय् नाङ्‌कोः वाहीमःकुस् मुपाः ओउःइ सबैकायः योनःती योती पेतोलेः बयःतेःपै।

हेब्रैनी 13:20

परमेस्‍वर्‌इलेः ङीकोः ताङ्‌ह्ओ प्रभु येसुकायः सीओसै उह्‌ती च्‍योक्‌ताक्आकान् बा। येसुपाय् सीती झ्‍यान्‍ते ओउः गलमा वाय्‌मालो तोती गम्ओ कुरापाय् पेतोलेः स्‍याव्‌नाः। ओउःपाय् ङी ङ्‌हाम्ओलम्‌कोः स्‍यालःओ मान्‍ता लेःआः। लौ ओउः झाक्ओ काम् जाङ्‌ह्‌साकायः ङीकायः ल्‍हुङ् धोमाय्‌ताक्ओ परमेस्‍वर्‌इ सबै पेओलम् दोःतेःताक्‌तेःपै। ओहाङःसै येसु ख्रीस्इ बयःओ ग्‍वम्इलेः ओउःकायः म्रोताक्‌सा काम्‌लम् जाङ्‌ह्‌ताक्‌पाःतय्‍ही। येसु ख्रीस्‌कायःपाय् गलकायःमा ताङ्‌ह्‌ताक्‌पाःथै। ओउःतलेः स्‍याव्‌पाः दा।