रोमी 15:2 - चेपाङ

² ङीइ ओउःमयःखेकायः म्रोताक्‌सा बोङःती “लौ ङाकोः हौकायः गत हायःती पेतो ङ्‌हाम्‌ताक्‌सा खाय्‌चाङः” त म्‍हर्‌सा खेःतो।

रोमी 15:2 ပူးပေါင်းရင်းမြစ်များ

रोमी 14:19

लौ उया ब्राङ्‌ताक्ओमा अरुकायः पेतो स्‍याव्‌ताक्ओ कुरामा त्‍युस्‌तीलेः जाङ्‌ह्‌साकायः बोङःनी।

१ कोरीन्‍थी 10:23

“लौ सबै कुरा ङीकायः स्‍याव्‌नाः” ततेः दाय्‍ह्‌तेःनै। माः ओउःत दाय्‍ह्ओ दोङ् कुरा लेःआः बुरु सबै कुरा जाङ्‌ह्‌सा पेलेःनाः खेःल अरुकायः लव्‍ह्‌सा खेःल।

१ कोरीन्‍थी 10:24

लयःकोः कुरा झुङ्आले ल्‍हुङ्‌हाङः त्‍युम्‍ह्‌तेःचानी अरुकायः “ङाइ गत हायःती लव्‍ह्‌ती बयःचाङः” त म्‍हर्‌ती ओउःत जाङ्‌ह्‌सा बोङःनु।

१ कोरीन्‍थी 10:33

ङालो लेखालेः लयःकोः कुरा बोङःमाःत सबैकायः गलमा म्रोताक्‌ती ओउःमयःकायः दल्‌ताक्‌सा बोङःनु।

१ कोरीन्‍थी 13:5

पेतो राप्ओ मान्‍तापाय् रेव्‌तो अह्र्सीःओ जाङ्‌ह्‌मानीली लयःकायः म्‍हर्‌माइली ओउःपाय् रेन्‍ह्‌तोलेः ल्‍हुङ् मल्‍ह्इली। ल्‍हुङ् मल्‍ह्आक्‌तीको रेन्‍ह्‌तोलेः ओउःकोः ल्‍हुङ् द्युम्‌तो स्‍याव्‌नाः।

१ कोरीन्‍थी 14:26

लौ पुःचोङ् हौचोङ्‌य दोह् हायःसा स्‍याव्‌नाः दाय्‍ह्‌सा। सबै हुम्‌ती वाङ्ओ बेलाहाङःपाय् यात्‌चाक्इ मेसा बयःनौ अरुइ स्‍यान्‌सालेः बयःनौ अरुइ परमेस्‍वर्‌कोः रौ कुरा छ्यानःनौ अरु थे भासालेः नोःनाः अरु ओउः थे भासाकोः माने छ्यानःनौ। इत हायःती सबै ङ्‌हाम्ओलम्‌कायः पेतो छेङःकलःसाकायः बयःपानाः।

१ कोरीन्‍थी 14:3

सुसुखेइ परमेस्‍वर्‌कोः कुरा छ्यानःती तोचनौ ओउःइ चीःसा खाय्ओ कुरा नोःती अरु मान्‍ताकायः पेतो ङ्‌हाम्‌ताक्‌ती वाह्‌ताक्‌ती ओउःमयःकोः ल्‍हुङ् धोमाय्‌ताक्‌नाःथास।

२ कोरीन्‍थी 12:19

ङी एत तोतीलेः लयःकायः त्‍याङ्‌नाःइसी त म्‍हर्‌तेःनै यादो। खेःल ङीइ ख्रीस्‌कोः काम् जाङ्‌ह्‌ती परमेस्‍वर्‌कोः मीक्‌हाङः नोःनाङी। सबै कुरा नीङ् राप्ओलम्‌कायः पेतो स्‍याव्‌ताक्‌साकायः जाङ्‌ह्‌नेःनाङ्‌स।

२ कोरीन्‍थी 13:9

ङीखे मीतो नीङ्‌खे ताङ्‌ह्‌तो स्‍याव्‌तेःनै त खेःया ङी चोङाय्‌नाङी। नीङ् जुगाङ् पेतो स्‍याव्‌नै त झाक्‌ती ङी परमेस्‍वर्‌कः तेती तोनेःनाङ्‌स।

एफेसस् 4:12

दोह्‌कायः बयःओ दाय्‍ह्‌सा परमेस्‍वर्‌कोः काम् पेतो जाङ्‌ह्‌सा थेङा ख्रीस्इलेः लयःकोः ङ्‌हाम्ओलम्‌कायः पेतो स्‍याव्‌ताक्‌साकायः बयःआथास।

एफेसस् 4:29

नोःओ बेलाहाङः पेमालो खह्र्ओ कुरा नोःलाम् लुङ्‌ती छेङःकलःती पेताक्‌सा कुरा ह नोःन।